Konçesionet e reja, 1.2 miliard euro

Qeveria do të ofrojë rreth 1.2 miliard euro kontrata të partneritetit publik-privat për vitin e ardhshëm.

Për herë të parë, Ministria e Financave ka bërë publike të plotë listën e veprave, pjesë e programit të rindërtimit, të cilat do të jepen me konçesion.

Në total janë 8 projekte të mëdha, pjesa dërrmuese e të cilave i përkasin infrastrukturës rrugore. Sipas listës, kontrata më e madhe është ndërtimi dhe operimi i rrugës Kashar-Rrogozhinë.

Sipas qeverisë, kjo vepër do të kushtojë 310 milionë euro dhe synimi është që të ndërtohet përmes fondeve private. Kontrata e dytë më e madhe që do të ofrohet me konçesion është ndërtimi dhe operimi i aksit Tiranë-Thumanë-Vorë.

Sipas llogaritjeve paraprake, kjo vepër kushton rreth 257 milionë euro. Në vendin e tretë renditet një kontratë, thuajse e finalizuar tashmë, rruga e Arbrit. Sipas Ministrisë së Financave, ajo do të kushtojë rreth 180 milionë euro.

Tre projektet e tjera të infrastrukturës janë rruga Milot-Balldren, ajo Orikum-Himarë, si dhe ndërtimi i aksit Kardhiq-Delvinë. Veç akseve rrugore, në listën e kontratave që do të ofrohen me konçesion është ndërtimi i një spitali rajonal në Fier me vlerë 72 milionë euro, si dhe konçesioni i ndërtimit të shkollave në Tiranë, që kushton rreth 48 milionë euro.

Lista e konçesioneve është publikuar në relacionin e projektbuxhetit të 2018-s. Këto vepra janë oferta e qeverisë për privatët, por jo domosdoshmërisht do të finalizohen, pasi kërkojnë kapitale të mëdha, ose për disa prej tyre mund të mos ketë interes nga sektori privat.

Deri tani dy kontrata janë thuajse të finalizuara, ndërtimi i shkollave në Tiranë dhe rruga e Arbrit.(TCH)

Lajmi i mirë, rriten të ardhurat në buxhet me 26 miliardë Lekë

17:15 Ekonomia

SHIFRAT/ Kalon në qeveri paketa fiskale 2018, ja varianti final i të gjitha taksave që ndryshojnë

17:12 Ekonomia

Shtohen alternativat për udhëtimet me avion, më shumë shoqëri ajrore në 2017-n

11:56 Ekonomia

Koncesionet do t’i kushtojnë shqiptarëve 70 milionë euro më 2018

09:23 Ekonomia

Gjykatat përplasen për çështjen e kontrabandës së naftës ‘virgin’

18:37 Ekonomia

Kujdes! Nga 10 nëntori ndryshon 500 lekëshi, ja se si do të jetë

16:41 Ekonomia

Investimet në infrastrukturë, Gjiknuri: Qeveria ka plane serioze edhe në këtë fushë

13:21 Ekonomia

150 biznese të huaja mbërrijnë në Tiranë, mbi 1 miliardë euro investime për 2017-n

11:26 Ekonomia

Me sytë tek rrugët. Investimet nga skema “1 miliard euro”

20:03 Ekonomia

A janë parashikuar në buxhetin 2018 shkurtime në administratë?

19:05 Ekonomia