Te fundit
Misteri i një komploti për vrasjen e kryeministrit libanez
4 Nëntor 2017, 21:46Bota
TEMA
Rrjeti televiziv panarabik, Al-Arabiya al-Hadath duke cituar një burim anonim raportoi parandalimin e një komploti për vrasjen e kryeministrit libanez, Saad al-Hariri pak ditë më parë në Bejrut.
“Ata që kishin planifikuar të vrisnin kryeministrin Hariri, çaktivizuan mekanizmat e shpërthimit kur kaloi autokolona e tij”-i tha rrjetiti Al- Arabiya i njëjti burim.
Hariri ishte të premten në Arabinë Saudite dhe një ditë më pas njoftoi dorëheqjen e tij duke akuzuar Iranin dhe Hezbollahun për një plan eleminimi të tij.
“Ne jetojmë në një klimë të ngjashme me atmosferën që mbizotëronte para vrasjes së dëshmorit Rafik al-Hariri”-tha ai duke iu referuar babait të tij.
Kreu i Druzëve të Libanit, Ëalid Jumblatt thotë se dorëheqja e Haririt kërcënon ta zhysë Libanin në dhunë sektare mes libanezëve sunitë dhe myslimanëve shiitë.
Druzët janë një pakicë e konsiderueshme në sistemin politik të Libanit që kanë luajtur shpesh rolin e rregullatorit në politikën e vendit.
“Unë jam i shqetësuar për ekonominë dhe natyrisht për politikën.
Ne nuk mund të luftojmë iranianët nga Libani”- deklaroi Jublat. Ai sugjeroi kompromis me Hezbollahun në Liban, derisa kushtet në terren të lejojnë dialogun mes Arabisë Saudite dhe Iranit.
Nga ana e tij Irani ka shprehur frikën se mund të ketë tensione.
“Përsëritja nga kryeministri i dorëhequr i Libanit i akuzave joreale dhe të pabaza të sunitëve, sauditëve dhe amerikanëve kundër Iranit tregojnë se dorëheqja është një skenar i ri për të nxitur tensione të reja në Liban dhe në rajon” thuhet në deklaratën e Ministrisë së Jashtme iraniane.
http://edition.cnn.com/2017/11/04/middleeast/lebanese-prime-minister-saa…
Lini një Përgjigje
Më të lexuarat
24 oret e fundit
Javen e fundit
Blog Tema
