Korporata Elektro-energjitike Shqiptare ka deklaruar këtë të mërkurë se nevojitet një rritje e prodhimit të energjisë, me qëllim përballimin e reshjeve të dendura që parashikohet të bien mes datave 30 nëntor-1 dhjetor.

Përmes një njoftimi për shtyp, KESH ka bërë me dije se për muajin Nëntor 2017, KESH ka konfirmuar furnizimin e OSHEE me sasinë prej 211,100 MWh nga të cilat 75,000 MWh nga prodhimi i HEC-eve të kaskadës dhe 136,100 MWh energji të siguruar nga importi me fondet e Bankës Botërore.

Më datë 27 Nëntor 2017, situata e përgjithshme hidroenergjitike paraqitet si vijon: KESH ka programuar dhe nominuar për OSHEE sasinë prej 65,000 MWh nga prodhimi i vet ndërkohë që OSHEE ka arritur të tërheqë sasinë prej rreth 47,724 MWh.

Treguesit e kaskadës së Drinit më date. 27.11.2017 ora 12:00 paraqiten si më poshtë: Niveli në liqenin e Fierzës është 268.14 m mnd dhe prurjet rreth 110 m³/sek; Niveli në liqenin e Komanit është 172.94 m mnd prurjet rreth 115 m³/sek; Niveli në liqenin e Vau Dejës është 73.95 m mnd dhe prurjet rreth 30 m³/sek.

Situata meteorologjike në bazenin ujëmbledhës të HEC-eve te kaskadës së Drinit, bazuar njoftimet e Drejtorisë së Përgjithshme të Emergjencave Civile dhe modelimin numerik për parashikimin e motit të pregatitur nga Sektori i Monitorimit Hidrometeorologjik pranë Departamentit të Sigurisë së Digave në KESH, demostronte se do mbizotëronte kryesisht mot i vranët dhe reshje intensive në ditë të veçanta si pasojë e kalimit të një serie frontesh atmosferike.

Bazuar në kushtet hidrometeorologjike deri më datë 2 Dhjetor, dhe në disponibilitetin e njësive prodhuese në HEC Koman (kur një njësi prodhimi prej 150MW është në rehabilitim), bëhet e domosdoshme përpunimi i prurjeve anësore në HEC Koman duke mbajtur në ngarkesë maksimale njësitë prodhuese disponibël në këtë HEC, e për rrjedhojë edhe në HEC Vau Dejës, gjë e cila çon në rritje të pashmangshme të prodhimit të energjisë elektrike.

Ndërkohë, në hidrocentralin e Fierzës nuk do të ndryshojë regjimi i prodhimit me synim rritjen e rezervës energjetike. Këto janë situatat (ndonëse për periudha të shkurtra disa ditore) kur KESH vendos të rrisë prodhimin e energjisë elektrike i kushtëzuar pasi në të kundërtën do duhet të shkarkonte ujë pa e përpunuar atë e rrjedhimisht pa siguruar asnjë të ardhur financiare.

Nga operacioni i shitjes së energjisë për 29 Nëntor-30 Nëntor, KESH ka siguruar 1.2 milion Euro të ardhura të cilat do ti humbiste në rastin kur uji do të derdhej. Bazuar në rregulloren e shkarkimit të plotave për periudhën Tetor-Prill niveli i liqenit në HEC Koman duhet të mbahet në kuotën jo më lart se 173.00 mmnd (niveli optimal).

Gjithashtu, në rastet kur parashikohen prurje të mëdha në pellgun ujëmbledhës të liqenit në HEC Koman, KESH sh.a ndjek proceduren standarte të uljes së nivelit në Koman, përmes rritjes së prodhimit të energjisë elektrike në HEC Koman dhe HEC V. Dejës.

Duke konsideruar parashikimet për reshje intensive deri në 130 mm në ditë (për datën 30.11.2017), niveli i liqenit ne HEC Koman, referuar edhe rregullores së shkarkimit të plotave, duhet të ulet me ritme të shpejta drejt një niveli mjaftueshmërisht të sigurt për të përballuar prurjet e pritshme.

Në përfundim, bazuar në vlerësimet metereologjike për periudhën në vijim, me qëllim uljen e shpejtë të nivelit të liqenit në HEC Koman për të mundësuar përpunimin e prurjeve anësore (që do të shmangte apo minimizonte shkarkimet pa prodhim të energjisë elektrike) është vlerësuar si domosdoshmëri rritja e prodhimit për datat 27-28.11.2017 në kapacitetin orar deri 450 MW për profilin 00:00- 24:00, dhe për datat 29-30.11.2017 në sasinë 7,650 MWh/dite ose kapacitetin orar 450 MW për profilin 06:00- 23:00, për të siguruar në këtë mënyrë mbajtjen në punë të agregatëve me fuqi maksimale në HEC Koman, e për rrjedhojë dhe në HEC V. Dejës, duke shfrytëzuar në mënyrë efektive prurjet e pritshme anësore në Koman dhe V. Dejës.

Me ritmet aktuale të prodhimit si dhe të parashikimit deri në fund të muajit Nëntor, niveli i liqenit ne HEC Koman do të rritet me rreth 3 cm/orë ose rreth 55 cm në ditë. Piku kulmor i reshjeve pritet të jetë në datë 30 Nëntor ku do të preken më shumë pellgjet e Valbonës, Shalës por dhe të Drinit të Zi dhe Drinit të Bardhë.

Niveli në liqenin e HEC Koman parashikohet të arrijë në rreth 173.20 m mnd. OSHEE ka të nënshkruara tashmë kontratat e blerjes së një pjese të enegjisë nga importi për muajin Nëntor dhe çdo ndryshim sasie apo anulim blerjeje do të pasohej nga penalitetet përkatëse financiare.

Duke shtuar dhe faktin se prodhimi vendas i hidrocentraleve të vogla është rritur në mënyrë të shpejtë, KESH është i detyruar që të përpunojë prurjet anësore që derdhen në liqenin e Komanit.

KESH ka përgjegjësi mbajtjen e rezervës energjetike në rezervuarin e Fierzës në nivele optimale, ndjek në dinamikë dhe garanton sigurinë e operimit në të gjitha pjesët e kaskadës, të cilat në momente të caktuara detyrojnë përpunimin e prurjeve anësore që shoqërohen me rritje të prodhimit në terma afat shkurtër.

4 komente në “KESH: Rritje prodhimit për të përballuar reshjet, ja masat për përballimin e situatës”

zaho says:

29 Nëntor, 2017 21:03 te 9:03 pm

Tu rroje naltmadhnia e tij mbreti zog 1 se nga ai i keni dhe keto hidrocentrale

Përgjigjjuni
Lili says:

30 Nëntor, 2017 05:27 te 5:27 am

Filloni ti analizoni pak ma mire e pak ma shume prurjet,shkarkimet edhe blerjet ketu se eshte skandali i radhes ku shteti e dhsiptaret vidhen ashiqare me milliona qe shkojne ne xhepat e #ndermjetesuasve#per blejrjet ,sidomos kur dihet se nuk kemi nevoje se ato koha jane me rreshje..Po burri i ministreshes tone qe nuk di se ka shetitur ne nje veture te joshitur,nuk di prape se cfare pune bene burri ,pra ky burr nuk rri kot n’ate pune kaq fitimpruese per familjen e kaq grop per xhepat tone…
Sa morret nga Generper me ba ne shqiperi ate qe njeri i generit nuk deshti me ba ne vendlindjen e tij ne vuthaj?

Përgjigjjuni
bobi says:

1 Dhjetor, 2017 09:10 te 9:10 am

Sa here qe behekontrata plerje dhe shitje energjie ka dhe korrupsjone. Kure blejme zgjidhet objekti qe jep bakshish me te majme, kurse kure shet keshi jepet me cmimin me te ulet qe te marin prap bakshishi. Kaskada e drinit po ti besh nje analize keto 25 vjet shkerdhaci te ter ministrat dhe drejtore e energjise jan bere miljonera ne euro.

Përgjigjjuni
Al says:

1 Dhjetor, 2017 09:31 te 9:31 am

E dashur Tema.
Perse gjithe keto detaje teknike? Apo mos duhet te behet zhurme majtas qe te shkeputet vemendja nga cka ndodh djathtas? Dihet fare mire qe, nese parashikohen reshje ne nje te ardhme te afert, atehere duhet te zvogelosh sasine e ujit qe ke ne pellg. Kete mund ta besh duke rritur prodhimin e energjise ne maximum, mundesisht edhe pak pertej per nje kohe te shkurtert, dhe duke e ’’derdhur’’ ujin pa prodhim. Nje tjeter parameter qe mund, dhe duhet te perdoret eshte edhe svogelimi i importit te energjise.
Por cfare po ndodh? KESHi ka konfirmuar prodhimin e 75 mije MWh dhe 136 mije MWh nga importi (total 211 mije MWH), nderkohe qe ka arritur te prodhoje 65 mije MWh dhe ka importuar 47,7 mije MWh, (totali 112,7 mije MWh). Pra keto jane shifrat qe na paraqiten dhe flitet se kane kursyer 1,2 milion euro, te cilat do ti humbisnin. Pastaj na thone qe niveli i pellgut do mbahet ne 173 m (niveli optimal).
Pastaj shkohet me tej dhe jepen shifra, te cilat them qe as autori nuk e ka idene se cfare jane dhe se ku do e nxjerrin KESHin. Do te prodhohen apo jo 75mije MWh? Do prodhohen me teper? Do importohen me teper? A e kane nen control nivelin e ujit nese vijne reshjet e parashikuara, po ato qe nuk parashikohen?
Sa po mvika keq per Shkoder loken, tash ta po permytet edhe ni her.
Ju lutemi e dashur Tema, jini me kerkues ndaj atyre qe ju furnozojne me statistika, me duket se po ju fusin materialet ne goje sic i futet gjelit te detit.

Përgjigjjuni