Te fundit
Gjendja në kaskadën e Drinit, KESH depoziton energji në Kosovë
2 Dhjetor 2017, 14:19Ekonomia
TEMA
Kaskada e Drinit mbetet në parametra normalë pavarësisht prurjeve të fundit.
Ministria e Infrastrukturës dhe Energjisë njofton se nivelet në HEC-e mbeten brenda rregullores.
Mësohet se KESH ka vijuar të prodhojë duke shitur një pjesë të energjisë në tregun e lirë.
Më tej bëhet me dije se ky institucion ka riaktivizuar edhe marrëveshjen me Korporatën Elektroenergjetike të Kosovës duke depozituar aty një pjesë të energjisë që prodhohet në burimin kryesor energjetik në vend.
INFORMACION MBI SITUATEN NE KASKADEN E DRINIT
Reshjet e dendura të shiut të rëna gjatë ditëve të fundit kanë përmirësuar situatën hidroenergjetike në Kaskadën e Drinit. Korporata Elektroenergjetike Shqiptare raporton se rezerva energjetike në orën 12:00 të ditës së sotme paraqitet në vlerën 572 GWh, ose 116 GWh më e lartë se ajo e datës 28 Nëntor kur nisën reshjet intensive të shiut. Ndërkaq, niveli i ujit në rezervuarin e hidrocentralit të Fierzës aktualisht është 273.16 m, thënë ndryshe rreth 5 metër më lartë krahasuar me fillimin e valës së reshjeve. Niveli i prurjeve në këtë hidrocentral aktualisht është 1000 m3/s.
Korporata Elektroenergjetike Shqiptare ka angazhuar në kapacitet intensiv pune hidrocentralet e Komanit dhe Vaut të Dejës. Niveli i ujit në HEC Koman aktualisht është në 173.26 m dhe prurjet 350 m3/s ndërsa në HEC Vau Dejës është 74.89 m dhe prurjet 80 m3/s.
Përveç energjisë së tërhequr nga OST për shërbimet e balancimit dhe OSHEE për konsumin vendas, KESH ka shmangur maksimalisht derdhjen e ujit pa prodhim energjie duke shkëmbyer për depozitim me Korporatën Elektroenergjetike të Kosovës sasinë prej 26500 MWh dhe shitur në treg të parregulluar sasinë prej 58000 MWh.
Në konkluzion, situata në Kaskadën e Drinit vazhdon të jetë plotësisht nën kontroll dhe menaxhimi po kryhet në përputhje me rregulloren e plotave.(TemA)
3 komente në “Gjendja në kaskadën e Drinit, KESH depoziton energji në Kosovë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Depoziton energji ne Kosove ?????
E si mund te depozitohet energjia o koqet e Temas ??
Pyetja eshte pse nuku depozituar e gjithane kosove qe te kemi falas pastaj rryme nga kosova dikur-
O plep g….. shko e pyet dhe mos beje te zgjuarin, duke fyer gazetarin! Me pak llogjik e kupton: i jepet tani kosoves qe ka nevoje ( ka vetem termocentrale) dhe kosova ta kthen ne vere ne muajt e thatesires. ( shqiperia ka hidrocentrale, kurse kosova prap termocentrale. Kaq or plep “koqe” g…..