Ministrja e Arsimit, Lindita Nikolla deklaroi se mësimi do rinisë nesër, pas ndërprerjes javën e kaluar për shkak të reshjeve të shiut dhe përmbytjeve, por në disa shkolla të vendit nuk do të zhvillohet mësimi.
Në një deklaratë për mediat, ministrja Nikolla tha se mësimi do të pezullohet për 5 ditë në 5 shkolla në Vlorë, 2 në Kamëz, 3 në Dibër dhe 2 në Kukës.
“Si rezultat i masave të marra, është bërë e mundur që mësimi të rifillojë nesër, ditën e hënë. Ka probleme në disa shkolla, ku nuk do rifillojë mësimi”, tha Nikolla. (TemA)