Te fundit
Komisioneri Hahn: Periudha në vijim, deçizive për Shqipërinë. Xhafaj: Në 2018-n, Shqipëria s'do jetë në listën e vendeve kultivuese të drogës
7 Dhjetor 2017, 11:28Politika
TEMA
Gjatë vizitës në Bruksel, ministri i Brendshëm shqiptar, Fatmir Xhafaj zhvilloi një takim me Komisionerin për Fqinjësinë dhe Negociatat e Zgjerimit, Johannes Hahn.
Ministri Fatmir Xhafaj prezantoi prioritetet dhe dokumentin politik të punës së Ministrisë së Brendshme, në këtë mandat qeverisës.
Ai u ndal te lufta antikanabis duke e vënë theksin tek qëndrueshmëria e rezultateve.
Ministri nënvizoi se janë marrë që tani masat për 2018, dhe Shqipëria nuk do të jetë më në listën e vendeve ku kultivohet drogë.
Një vend të rëndësishëm në bisedën mes palëve, zuri njohja me Planin e Veprimit, Operacioni “Forca e Ligjit”, duke u ndaluar në elementë të tij, çfarë përfaqëson dhe si do të zbatohet. Ministri pohoi se janë skanuar grupet kriminale dhe asetet e tyre. Ai veçoi ndihmën e ekspertëve të huaj të atashuar në Task Forcën Speciale. Zoti Xhafaj informoi Komisionerin për procesin e Vettingut që do të kryhet në Policinë e Shtetit.
Duke u ndaluar tek masat për frenimin e azilkërkimit të paligjshëm dhe migracionin e parregullt, ministri i Brendshëm shqiptar veçoi bashkëpunimin me Francën, si një shembull pozitiv për minimizimin e fenomenit.
Komisioneri për Fqinjësinë dhe Negociatat e Zgjerimit tha se shembulli i bashkëpunimit të palës shqiptare me Francën, duhet avancuar edhe me vendet e tjera europiane.
“Periudha në vijim është shumë deçizive për Shqipërinë”, u shpreh Komisioneri Hahn. Ai sugjeroi njohjen më të thellë të arritjeve të palës shqiptare, përmes medias së huaj, për të reduktuar efektet negative të stigmatizimit të padrejtë të vendit.
Ministri Xhafaj nënvizoi se rezultatet e prekshme të arritura në luftën kundër krimit të organizuar, veçanërisht në luftën kundër kultivimit dhe trafikimit të kanabisit, janë fryt i vendosmërisë për të forcuar shtetin ligjor. Bashkëpunimi me vendet fqinje për ngritjen e Qendra Rajonale e Bashkëpunimit Policor, sipas tij, ka nevojë për mbështetje nga vendet e BE-së.(TemA)
4 komente në “Komisioneri Hahn: Periudha në vijim, deçizive për Shqipërinë. Xhafaj: Në 2018-n, Shqipëria s’do jetë në listën e vendeve kultivuese të drogës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po’ pse ne 2018 JO!!! Cfar ju pengoj ne 2015-16-17???? Mos gjetet me ne fund sekretin apo aq lek ju duheshin i bete ato lek dhe tani po I vini sahatin kanabisit. LOJE E KEQE KJO.
Me ato ca shikojme dhe prekim perdite di te them qe realisht jemi futur ne vallen e vendeve europiane dhe nuk mund te quhemi me vend i dores se tret.
Nje lajm fantastik per te gjithe shqiptaret kudo qe ndodhen. Brenda por dhe jasht vendit. Jam shume i lumtur qe vendi po ecen perpara dhe na ben krenar ne emigranteve por mbi te gjitha ben krenar veten e tij
. Ka nje kenaqesi te vecant kur jeton jasht dhr shikon lajme pozitive per vendin tend.