Flamurtari ka bërë detyrën në javën e 14-të të Kategorisë Superiore duke mundur në fushën e tyre skuadrën e Vllaznisë me rezultatin e pastër 2-0.
Një tjetër rezultat pozitiv ky për kuqezinjtë që pas këtij tre pikëshi ngjiten në vendin e dytë në tabelën e renditjes.
Një fitore e pastër e vlonjatëve që shënuan nga një gol në çdo pjesë me anë të Emiljano Mustës që shënoi në minutën e 8-të dhe Camara që shënoi në minutën e 88-të.
Një tre pikësh i artë ky për skuadrën e drejtuar nga trajneri Shpëtim Duro që rikonfirmohen forca e dytë në kampionat me 25 pikë të grumnulluara.
Ndërsa për Vllazninë kjo humbje rëndon shumë pozitat e saj në tabelën e renditjes pasi gjendet në vendin e tetë me 12 pikë të mbledhura. (TemA)