Te fundit
SHIFRAT/ Rreth 50% e fuqisë punëtore në Shqipëri janë me 8-vjeçare, më të paarsimuarit në Europë bashkë me Turqinë
25 Dhjetor 2017, 10:25Ekonomia
TEMA
Forca e punës në Shqipëri (popullsia në moshën 15-64 vjeç) është relativisht pak e arsimuar në krahasim me rajonin dhe vende të tjera në zhvillim dhe shumë më pak e arsimuar në raport me mesataren e Bashkimit Europian.
Duke analizuar indikatorët e zhvillimit botëror, të azhurnuar nga Banka Botërore, rezulton se Shqipëria ka rreth 50% të forcës së punës me arsim 8-vjeçar, teksa në vendet e tjera të rajonit dhe më gjerë, forca e punës dominohet nga niveli i mesëm dhe i lartë i arsimit.
Nga 20 vendet në zhvillim të Europës, Turqia dhe Shqipëria renditen të parat për fuqinë e madhe punëtore me nivel të ulët të arsimit. Në Turqi, rreth 60% e forcës së punës është me arsim primar.
Ndërsa vendet baltike si Rusia, Estonia dhe Lituania kanë përqindjet më të larta të forcës së punës më arsim të lartë.
Në rajonin e Ballkanit, Serbia dhe Mali i Zi kanë përqindjet më të larta të forcës së punës me arsim të lartë.
Serbia dhe Bosnja, nga ana tjetër, kanë përqindjen më të madhe të fuqisë punëtore me arsim të mesëm dhe për rrjedhojë, kanë më pak popullsi në moshë pune me arsim fillor.
Në një krahasim më të gjerë të 20 vendeve në zhvillim të Europës shihet se Çekia dhe Sllovakia janë vendet që rreth 70% të forcës së punës e kanë me arsim të mesëm.
Nga ana tjetër, sipas projeksioneve të Kombeve të Bashkuara, forca e punës në Shqipëri ka hyrë në fazën e një tranzicioni të thellë, për shkak të plakjes së popullsisë prej emigracionit të lartë dhe rënies së numrit të lindjeve.
Sipas projeksioneve të rishikuara të popullsisë nga Kombet e Bashkuara më 2017, shihet se forca e punës (mosha 15-64 vjeç) do të përbëjë 60% të popullsisë nga më shumë se 68% që është aktualisht.
Por pavarësisht kësaj situate, familjet shqiptare shpenzojnë shumë për t’u arsimuar në raport me vendet e tjera.
Shpenzimet për arsim, të cilat zënë 4,4% të buxhetit të familjeve gjithsej, kanë shënuar rritje prej 2,3 pikë përqindje krahasuar me 2015. Pesha e shpenzimeve për arsimin shënoi rekord më 2016 në krahasim me 1.7% që ishte një dekadë më parë.(monitor)
2 komente në “SHIFRAT/ Rreth 50% e fuqisë punëtore në Shqipëri janë me 8-vjeçare, më të paarsimuarit në Europë bashkë me Turqinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me 8 vjeçare, pa deshire per pune dhe kerkojne vetem poste … drejtorash!
Kjo gjendje nuk na çudite, po te shohim se nga vime dhe se si drejtoje politikanet tane te pa afte dhe tradhetare.
Por situata te peraferta mund te gjejme edhe ne vende te europes. Para 5-6 vjetesh kur bera nje stazh per “Krijim ndermarje” mesova se ne Alsace ne France, gjysma e shefave ose punedhenesve nuk kishin diplomen e gjimnazit. Mos te harojme se ka shume « shefa » me origjine te huaj (pervec francezve) pavaresishte se kane shtetesine franceze. Disa jane te guximshem edhe ne mos respektimin 100 % te rregullave teknike, se mendjen e kane te leket se sa te cilesia.