Te fundit
FOTOT: "Bulevardi i Ri" në Tiranë, segmenti i dytë hapet në fillim të vitit të ardhshëm
26 Dhjetor 2017, 09:48Sociale
TEMA
Shumë shpejt segmenti i dytë i Bulevardit të Ri do të jetë i aksesueshëm për qytetarët dhe makinat. Punimet kanë ecur me ritme të larta dhe Bashkia e Tiranës ka programuar që ta hap atë në fillim të vitit të ardhshëm. Lajmin e ka bërë të ditur vet kryetari i Bashkisë së Tiranës, Erion Veliaj duke folur dje gjatë emisionit “Top Story” ku deklaroi se më shumë se gjysma e Bulevardit do jetë gati, ndërsa deri në fund të vitit të ardhshëm do të ketë përfunduar i gjithë projekti.
“Bulevardi i Ri është padyshim një dashuri e re. Në janar do të shikoni dy herë aq dhe pastaj deri në fund të vitit do të shikoni deri në fund të lumit, pra do të ketë mbaruar gjithë aksi.
Kështu që ka filluar zhvillimi i projektit të parë, ne kemi aprovuar edhe parkun qendror, do të jetë një parka fantastik disa herë më i madh se parku ‘Rinia’ dhe do t’i japë qytetit disa polmone (mushkëri).
Pra parku ‘Rinia’ është një mushkëri, sheshi ‘Skënderbej’ pa makina është një mushkëri, Parku i Liqenit që po pastrohet dhe është ende në proces, por me pista, vetëm Parku i Liqenit ka 300 mijë vizitorë në vit, unik. Pra 300 mijë qytetarë të Tiranës kanë shkuar të paktën një herë në vit te Parku i Liqenit, domethënë është një aksesim i jashtëzakonshëm për çdo statistikë qytetesh. Kështu që peshëdrejtimi, pra animi i peshores pak edhe në anën tjetër të bulevardit, të aksit shfryn edhe një valvul në atë drejtim. Kështu që besoj në janar ne do të hapim segmentin e dytë, pra 2/3 e Bulevardit të jenë të aksesueshme dhe pastaj deri në fund të vitit do të jemi deri te lumi”, tha Veliaj.
Ai bëri të ditur gjithashtu se i gjithë ky projekt do të konkludohet në fundin e tij me një shesh të ngjashëm me atë “Nënë Tereza”.
“Ndërkohë po punojmë dhe kemi aprovuar edhe planin e mbylljes ceremoniale në sheshin final të Bulevardit të Ri. Pra kemi sheshin “Nënë Tereza” që është një le të themi, prapë mbyllje ceremoniale në këtë vend. Do të ketë një shesh të ngjashëm besoj shumë dinjitoz që do të kulmojë mbylljen e atij segmenti me sheshin “Skënderbej” në mes”, u shpreh kryebashkiaku Veliaj.
5 komente në “FOTOT: “Bulevardi i Ri” në Tiranë, segmenti i dytë hapet në fillim të vitit të ardhshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo,bravo Erion Veliaj,do ngelesh ne histori,per kete sherbim kaq te madh qe po i bene popullit te Tiranes dhe gjithe shqiperise,duke e kthyer Tiranen ne nje kryeqytet me te bukur e me te paster ne bote.Hallall buken,hallall urimin qe te jep e gjithe Tirana,perjashto qent e pd-ke dhe te LSI-s.
te lumte o i madhi erion, ti ke pune jo fjale te kota, te lumte!
C’eshte kjo fjale “aksesueshem”? Mero coji gazetarucet e tu ne klase te pare te mesojne shqip se na meruan gjuhen tone te bukur.
…kur nje lider e do vendin e tij ,ben te pamunduren per te shkurtuar distancat me vendet e qyteteruara,per te qene mes te barabarteve..Erioni eshte nje djale punetor dhe rezultativ…pavaresisht bindjes se tij politike,ka punuar pa dallim dhe mendoj se nje vlere e tille duhet perkrahur edhe nga kundershtaret politike.Tirana ka vuajtur per nje lider te tille..
Po Erioni i nxjerr nga xhepi keto para per te bere keto mrekullira?