Te fundit
Bushati merr garacinë: Suedia mbështet Shqipërinë në procesin e integrimit
12 Janar 2018, 15:19Politika
TEMA
Ministri për Evropën dhe Punët e Jashtme, Ditmir Bushati, gjatë vizitës së tij në Suedi zhvilloi një takim me Ministren e Punëve të Jashtme të Mbretërisë së Suedisë, Margot Wallström.
Ministrat diskutuan mbi dinamikën e shkëlqyer të marrëdhënieve dypalëshe. Të dy homologët i kushtuan vëmendje të veçantë procesit të integrimit të Shqipërisë në BE dhe ndanë mendimin për impaktin transformues që ka politika e zgjerimit në vendet e rajonit të Ballkanit. Ministri Bushati vlerësoi rolin mbështetës të Suedisë për procesin e zgjerimit, në përgjithësi dhe përpjekjeve të Shqipërisë, në veçanti, në këtë proces.
Ai e njohu kolegen suedeze me hapat dhe masat e ndërmarra nga Qeveria në procesin e reformave dhe plotësimin e pesë kritereve kryesore në kuadër të BE-së, duke konfirmuar vendosmërinë e qeverisë shqiptare për “zbatimin e reformës në drejtësi dhe procesin e Vetting-ut”.
Ministri Bushati shprehu besimin se “viti 2018 do të jetë një vit i rëndësishëm në procesin e integrimit evropian të Shqipërisë”, përmes vendimit të vendeve anëtare për hapjen e negociatave për anëtarësim.
Ministrja Wallström konfirmoi qëndrimin mbështetës të Suedisë për Shqipërinë dhe vlerësoi përpjekjet e qeverisë në procesin e reformave. “Jeni në rrugën e duhur dhe keni mbështetjen tonë”, nënvizoi ministrja suedeze.
Ministri Bushati vlerësoi mbështetjen e Suedisë për Shqipërinë përmes Strategjisë Suedeze për Zhvillim dhe Bashkëpunim 2014-2020, me projekte komplementare me ato të BE-së në fusha si statistikat, reforma në sistemin e drejtësisë, në sistemin e taksave, të drejtave të njeriut, ambientit, etj., duke nënvizuar gjithashtu rëndësinë e vijimit të mbështetjes për përudhën 2021-2027.
1 komente në “Bushati merr garacinë: Suedia mbështet Shqipërinë në procesin e integrimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa te lodhur keta Suedezet. Nuk kerkuan asgje si shkembim per mbeshtetjeen e tyre ? Bullgari desh qe te “njihnim” pakicat bullgare, i njohem. Gerrku deshte KOASH-in, varret e zagareve gerrke , ja dhame…Ta harroje “timonieri” hyrjen ne Evrope nga dritarja. Po nuk u zbatua reforma ne drejtesi deri ne rrenje, te haje mut. Le te merret me replikat e tij idiote ndaj analfabeteve qe i komentojne statuset ne FB.