Kërcënimi i Erdogan: Kudo të hyni, do t’u gjejmë. Ngacmimi më i vogël, fishek fishek sinjali për ne

Presidenti i Turqisë, Recep Tayyip Erdoğan gjatë fjalimit të tij në Kongresin e zakonshëm të AK Partisë në qytetin turk Tokat deklaroi se do të vazhdojnë me vendosmëri luftën kundër terrorizmit brenda shtetit por edhe jashtë tij, raporton Anadolu Agency (AA).

“Ne llogarinë e gjakut të derdhur nga tradhtarët e FETO-s, të cilët kanë vrarë 251 bij të atdheut dhe kanë plagosur 2. 193 qytetarë tanë në natën e 15 korrikut, po pyesim në kuadër të ligjeve, dhe do të vazhdojmë të pyesim.

Lufta me FETO-n është një nga luftërat më të vështira dhe më jetësore të viteve të fundit të Republikës së Turqisë. Kjo është faza më kritike për të garantuar të adhmen tonë dhe të fuqizimit të mbijetesës kombëtare”, tha Erdoğan.

Ai tha se “Ne po përballemi me një gjendje ku ndoshta po bëhet organizimi më i madh djallëzor në botë, i cili ka ndodhur ndonjëherë”. Erdoğan thotë se “Doli në shesh fytyra e vërtetë e kësaj organizate të pabesë e cila për 40 vite ka pirë gjakun e popullit tonë. Tani më nuk kanë vend ku të fshihen”.

 “Kudo që të hyni ne do t’iu gjejmë dhe do t’iu dorëzojmë në gjyqësor”, theksoi Erdoğan.

“Sharlatani në Pensilvani, duke e shtrembëruar muslimanizmin për ambicie personale, pothuajse duke e shenjtëruar gënjeshtrën, shpifjen dhe mashtrimin, ka krijuar një besim, një fe të re për veten. Anëtarët e kësaj organizate, disa prej të cilëve kanë shitur shpirtin e tyre për një dollar, e disa për 50 mijë dollarë, nuk ka mëkat që nuk do të kryejnë e tradhti që nuk do të bëjnë për hir të interesit të tyre.

Me masat e ndëmarra gjatë disa viteve të fundit, ne po e pastrojmë strukturën e shtetit tonë nga kjo qelizë tinëzare e kancerit. Duke i pastruar institucionet e shtetit tonë nga Hashashijet (Assassins) e FETO-s, tani më po bëhemi edhe më të fortë ne çdo aspekt”, tha Erdoğan.

“Një ngacmim më i vogël për ne është fishek sinjali”

“Për momentin një ngacmim më i vogël në kufijtë tanë, për ne është një fishek sinjali për hapat që duhet t’i ndërmarrim. Për ne terroristi në çdo vend është terrorist. Vrasësi në çdo vend është vrasës”, tha presidenti Erdoğan.

Ai thotë se tanimë shteti i tij nuk ka asnjë moment për të kaluar me taktikat e shpërqendrimit dhe se të gjitha organizatat të cilat kërcënojnë sigurinë kombëtare të Turqisë do të asgjësohen në burimet e tyre.

“Shpresojmë se në ditët në vijim, operacionin e nisur me ofensivën ‘Mburoja e Eufratit’, do të vazhdojmë me Afrinin. Pritjet tona nga partnerët tanë në këtë proces janë që të veprojnë në përshtatje me frymën e marrëdhënieve të thella mes nesh. Haptazi do të dalin në shesh se sa të vërteta e sa të rreme janë konceptet si partneriteti model, miqësia dhe partneriteti strategjik”, tha presidenti turk.

“Ne pavarësisht nga çdo gjë besojmë se në rajon kemi interesa të përbashkëta me SHBA-të dhe shpresojmë se mund të veprojmë së bashku. Sepse tani është periudha e mbështetjes dhe përmbushjes së bashkëpunimit strategjik. Ne presim nga ta që t’i mbështesin përpjekjet legjitime të Turqisë. Ne nga miqtë presim që të kenë një qëndrim që u ka hije atyre për një çështje kaq kritike dhe të ndjeshme, e cila për shtetin tonë është një problem i mbijetesës”, tha Erdoğan.

“Shpresoj që gjatë operacionit në Afrin këto forca nuk do të lejohen të shihen në të njëjtën linjë me organizatat terroriste. Ashtu siç e kemi përfunduar me sukses operacionin ‘Mburoja e Eufratit’, besoj se edhe operacionin e Idlibit dhe hapat tjerë të mëpasshëm do t’i çojmë në fitore”, tha Erdoğan.

Ish-futbollisti gjendet i vdekur pranë banesës në Sarandë, dyshimet e para të policisë

08:52 Politika

Teoritë konspirative të Vasilit: Kryeministri po përgatit skenarin e dështimit të integrimit, sponsorizohet nga një shtet i lindjes

22:56 Politika

Kreu i Sindikatës Kol Nikolla: LSI pasi çoi për skrap administratën po çon dhe opozitën

20:10 Politika

E PLOTË: Historia e pallatit të Bashës, nga “vjedhja” e detit tek vendimi i Strasburgut. Dritë-hijet e gabimit 13 milion eurosh që do paguajnë shqiptarët

19:04 Politika

Protesta e 27 janarit, Mustafaj: Nuk besoj tek ato që thotë Basha se pas kësaj ne do çmontojmë qeverinë

17:40 Politika

STUDIMI: Njihuni me deputetët më efikas të Kuvendit, ja cili kryeson listën

17:04 Politika

Rama, krimineli që do i japë Lulzim Bashës 13 milionë euro

15:57 Politika

Kërcimtarja e një lokali nate tregon tmerrin që përjetoi nga burri: Më rrihte dhe më detyroi të prostituoja, pastaj ai...

15:45 Politika

Vasili reagon ashpër ndaj Ramës: Po vret pacientët, truhumburi me shurraqët e tij i la njerëzit me muaj të terë pa ilaçe

15:20 Politika

Spiropali: “Aleanca ÇÇ”, garnizoni çadër-çizme po bëjnë gjithçka për të ndalur drejtësinë e integrimin, keqardhje për Saliun që…

14:59 Politika