Te fundit
Vende të reja pune për infermier, fizioterapist dhe teknik imazherie, Ministria e Shëndetësisë: Ja si të aplikoni
16 Janar 2018, 13:12Sociale
TEMA
Ministria e Shëndetësisë dhe Mbrojtjes Sociale shpalli sot afatet e aplikimit për vendet e lira të punës në pozicionet infermier, fizioterapist dhe teknik imazherie në qendrat shëndetësore dhe spitalet publike.
Sipas ministrisë, aplikimet do tē mbyllen me datë 1 shkurt dhe mund të aplikohet përmes portalit “Infermierë për Shqipërinë”.
Por si do të funksionojë kjo platformë? Cdo i interesuar mund të klikojë www.infermierepershqiperine.al
Ju nevojiten vetëm 4 hapa për të aplikuar:
– Regjistrohu
– Ngarko dokumentat
– Kërko vendet vakante
– Apliko
Aplikimi kryhet për vendet e lira në bazë qarku. Pra ju mund të aplikoni për të gjitha vendet e lira në qark për pozicionet e punës në qëndra shëndetësore apo në spitale.
Pas aplikimit bëhet vlerësimi i dosjes dhe kandidatët që e kalojnë këtë fazë të parë, njoftohen për testimin me shkrim. Shpallja e datave të testimit bëhet publike në Platformë dhe kandidatët njoftohen elektronikisht për datën dhe vendin e testimit.
Testimi do të ketë dy pjesë:
– Pyetje rreth bazës ligjore që rregullojnë kujdesin shëndetësor, çështjet që lidhen me etikën dhe komunikimin e infermierëve (20 pikë);
– Pyetje rreth kujdesit infermieror bazë dhe specialiteteve (50 pikë).
Pas testimit, pikët e grumbulluara për secilin aplikant shpallen në Platformë në rubrikën Shpallje dhe fituesit lajmërohen për të ndjekur procedurën për punësim sipas renditjes në listën e shpallur për cdo QARK. Në bazë të renditjes së shpallur kush merr më shumë pikë do të ketë mundësinë e zgjedhjes për punësim në shërbimet e kujdesit parësor apo Spitalor. (TemA)
1 komente në “Vende të reja pune për infermier, fizioterapist dhe teknik imazherie, Ministria e Shëndetësisë: Ja si të aplikoni”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kerkoj te punesohem si infermiere, rrethi Vlorë!