Te fundit
FOTOT: Fryhet Vjosa dhe Shkumbini, evakuohen disa familje në Vlorë dhe Fier
4 Shkurt 2018, 09:02Kronika
TEMA
Shtabi i Emergjencave në Vlorë dhe Fier ka zhvilluar mëngjesin e sotëm një takim për të diskutuar mbi ndërhyrjet dhe masat e nevojshme për të përballuar situatën e krijuar nga reshjet e dendura të shiut.
Ndërkaq, Forcat e Armatosura kanë nisur evakuimin e disa familjeve në Novoselë dhe në Ferras.
Ministria e Mbrojtjes thekson se të angazhuar në evakuimin e familjeve të prekura nga përmbytjet janë mbi 100 efektivë të Shkollës së Trupës në Bunavi, dhe efektivë të batalionit të Poshnjës në Berat. Po kështu janë vënë në dispozicion edhe 5 mjete të tonazhit të rëndë nga Komanda Mbështetëse.
Sipas Qendrës se Bashkuar Operacionale parashikohet që rreth orës 13:00 prurjet të jenë maksimale nga lumi Vjosë në Novoselë.
Ndërkohë Lumi Shkumbin ka dalë pranë urës së Rrogozhinës dhe Çermës.
Ndërsa në Gjirokastër banorët raportojnë se Ura e Hoshtevës, në Zagori, monument kulture i kategorisë së parë, është rrëmbyer nga ujrat e lumit të Zagorisë.
Lini një Përgjigje
Më të lexuarat
24 oret e fundit
Javen e fundit
Blog Tema
