Te fundit
Pse nuk duhet të çuditet Bashkim Fino...
7 Shkurt 2018, 18:52Blog
TEMA
Duka Fino
Nga Astrit Patozi
E kam ditur se do të fitonte Armando Duka, që ditën e parë kur u hap gara për FSHF-në, por nuk desha të flas dhe bëra mirë.
Jo se jam profet, as se e njoh me mirë se të tjerët botën e futbollit shqiptar. Por se e di ndoshta pak më mirë se të tjerët që në Shqipëri nuk ka institucione, por vetëm kompani të mëdha apo të vogla biznesi.
Duke filluar nga qeveria, opozita, partitë politike, universitetet, akademitë, media, shoqatat dhe padyshim edhe Federata e Futbollit nuk ka pse bën përjashtim.
Dhe si të tilla ato funksionojnë pak a shumë përmes ligjësive të ngjashme. Ku pronari apo aksioneri kryesor ka vetëm dy mundësi që të largohet, ose të lodhet e të ikë vetë, ose, larg qoftë, të vdesë.
Ndaj edhe Bashkim Fino, më shumë se kushdo tjetër, nuk duhet të çuditet sot pse humbi. Sepse, një gjë që nuk e kërkon në partinë apo qeverinë e vet, nuk ka si ta gjejë tek “shtëpia” e tjetrit.
Edhe Armando Duka, i cili sot po akuzohet si uzurpator e plot etiketime të tjera, nuk ka asnjë arsye për të qenë shenjt, sa kohë që sheh se çfarë bëhet rrotull tij. Duke filluar nga më të mëdhenjtë e vendit, i pari fare, që nuk bën zgjedhje fare në partinë e vet, ndërsa i dyti, që vjedh edhe votat e shtëpisë së tij.
Sepse në Shqipëri nuk bëhen zgjedhje, por vetëm votime, dhe sa kohë që kjo flamë do të vazhdojë, këtu nuk do të ketë institucione, por vetëm kompani private me një pronar të vetëm.
Kjo vlen për zgjedhjet politike dhe për zgjedhjet lokale, për ato të partive, por edhe ato në Akademi, universitete dhe shoqata, madje edhe për administratorin e pallatit, po u bë me votim.
Ndaj edhe do i ftoja modestisht të gjithë kritikët e Armando Dukës, që nëse e kanë seriozisht betejën e tyre dhe në shërbim të publikut, të mos harxhojnë kaq shumë energji me Federatën Shqiptare të Futbollit, por t’i drejtojnë prozhektorët e tyre aty ku janë rrënjët e së keqes.
Tek politika, si biznesi më fitimprurës dhe pastaj sigurisht ka vend edhe për federata, shoqata e kështu me radhë…
7 komente në “Pse nuk duhet të çuditet Bashkim Fino…”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
shko bej taksine e zenit ti .
Pse nuk duhet te cuditemi ne me kete shushunje te politikes SHQIPTARE?.
Mjaft i bat reklame o servila te kazanit Albanez.
Duka eshte pjelle e politikes ,se te dy kraheve,ai ka mbijetuar duke vazhduar ti perdore ata !
Me formulem “magjike” shqiptare,Duka nuk mund te largohet.
Nje kater vjecar,per te qendruar ne krye te FSHF,ja ka siguruar Kryeministri,nuk ka se si te behej aktiv,per “raundin” e peste.
Largimi i Dukes duhet te kerkohet tek statusi i FIF-as,tek pamundesia per te kandiduar perseri !
Pse duhej nje deputet per te sfiduar duken?
Ska asnje sportist shqiperia per ate vend nuk shihni federatat e tjera apo edhe fshf eshte bisht e partise
Partia ka 360 grade te jetes tone … turp
pederast kavaje qe punon si taksist i zenit……………
Megjithate, Duka nuk ka per ta gezuar kete fitore. Ne qofte se deri tani pak njerez e mernin seriozisht duke e quajtur nje burre babaxhan qe e ka sportin hobi dhe eshte gati te beje ndere ne cdo krah tani doli zbuluar dhe i zgjoi shejtanet. Prandaj tani do ti duhet te ruhet shume, te vere regull ne federate dhe te heqe dore nga perfitimet personale. Kete ai nuk mund ta beje dhe nuk e le kush ta neje.
Jo se nuk jam dakord me ato që shkruan, por e pe të vërtetën, e zbulove të vërtetën, pikërisht kur e hëngre vetë. Saliu, mirëbërësi yt, kurrë nuk i respektoi rregullat demokratike brenda partisë, ku të ngriti ty deri te zëvëndësi i tij. Nuk fole, vetëm duartrokite, kur e hanin të tjerët si pasojë e moszbatimit të rregullave. Tani flet kot sepse askush nuk të beson. Tani shtërngo dhëmbët se “kambana” ra për ty.