Te fundit
Shakatë e rënda me rindarje kufijsh
21 Shkurt 2018, 21:21Editorial
TEMA
Nga Mero Baze
Dhjetëvjetori i Pavarësisë së Kosovës ka rikthyer dhe njëherë në skenë debatin mbi ndarjen e mundshme të Veriut të Kosovës, meqë praktikisht ai është jo funksional si pjesë e shtetit të sotëm të Kosovës. Edhe pse shumica e atyre që sillen rreth këtij debati, spekulojnë me ekzistencën e një iniciative të vërtetë për këtë çështje, ajo që duhet të kuptohet, së paku nga politikanët dhe opinionistët shqiptarë, nuk është çështje territori për Kosovën, por çështje e identitetit të shtetit të Kosovës. Mbi të gjitha, nuk është e barazvlefshme me caktimin e vijës kufitare me Malin e Zi, apo kufirin detar me Greqinë. Këto janë vendime që forcojnë paqen, kurse ai është një vendim që ndez luftën.
Kur thuhet që do t’i hiqet një pjesë Kosovës se është e banuar në shumicë nga serbë, nuk kemi gjymtuar territorin e shtetit të Kosovës, por arsyen përse ka lindur shteti i Kosovës. Shteti i Kosovës ka lindur për të vrarë përfundimisht në Ballkan nacionalizmin etnik. Ai është ndoshta i vetmi vend në botë, i krijuar në emër të të drejtave të njeriut, për të mbrojtur një popullsi që i përkiste një etnie jo serbe, prej dhunës etnike të tyre.
Për këtë arsye, shteti i ri i Kosovës ka si identitet të qenit një shtet i lirive njerëzore, jo me kufij etnik, as me dominim etnik, edhe pse shqiptarët janë mbi 90 për qind e popullsisë. Ai është themeluar si një model që nuk i përfill kufijtë etnikë, por liritë qytetare.
Ky është basti historik i Perëndimit për Ballkanin dhe nëse ky bast humbet, nuk bëhet fjalë se Kosova humbet tokë, por Kosova humbet pikësëpari shtetin dhe arsyen përse ka lindur.
Më tej akoma, ai është një reaksion zinxhir ballkanik, pasi gjithë shtetet ballkanike nuk janë të vizatuara në kufijtë e tyre etnikë. Pastaj Tetova do të kërkojë t’i bashkohet Shqipërisë, Derviciani, Greqisë, Tuzi, Shqipërisë, Presheva, Kosovës, e kështu me radhë.
Pra, versioni i ndryshimit të kufijve për arsye etnike, është i vetmi fitil që mund të plasë një luftë shfarosëse në Ballkan, nga e cila mund të mos dalim dot më kurrë.
Kosova jo vetëm që është e dënuar të rezistojë dhe të bashkëjetojë me Veriun e saj jofunksional, për shkak të historisë së saj, por në këtë rast, dhe për shkak të historisë së rajonit.
Edhe më banale është kjo histori, kur thuhet se do shkëmbehet me votën e Serbisë në OKB. Kosovës, por dhe Ballkanit, i vlen më shumë një eksperiment perëndimor në Kosovë, me shtete nacionaliste si Serbia të mërzitura me të, se sa një pazar rreth një precedenti që mund t’i vërë flakën historisë së Kosovës dhe Ballkanit.
Nëse ka reaksion ndaj deklaratave “ëndërrimtare” të Edi Ramës, për një “president kombëtar” në dekadën tjetër, në fakt duhet të ketë një alarm rajonal ndaj deklaratave të tilla për ndarje kufijsh mbi baza etnike, të cilat mund të hedhin në erë gjithçka.
Kosova natyrisht që do paguajë një çmim të shtrenjtë në rrugën e njohjes së plotë të saj, pasi është e dënuar të durojë çdo lloj eksperimenti me liritë njerëzore të pakicave brenda saj, duke i “diskriminuar pozitivisht”, por kjo nuk duhet ta lodhë.
Ajo nuk e ka luksin e shteteve të krijuara një shekull më parë nga lindja e nacionalizmave pas rënies së Perandorisë Osmane. Ajo është formuar nga përpjekja për të sunduar nacionalizmi serb në territorin e saj. Si e tillë, ajo nuk duhet të jetë eksperimenti i ri i nacionalizmit, por krye-arsyeja përse çdo kufiri etnik nuk i duhet hapur rrugë, por duhet kompensuar me të qenurit të lirë dhe të barabartë aty ku jetojnë. Çdo rrugë tjetër na shpie në një luftë nga e cila shumica nuk do kthehemi më.
14 komente në “Shakatë e rënda me rindarje kufijsh”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Paketa Ahtisari kushtëzon mosndryshim të kufijve të Kosovës. Lojërat me kufijtë janë të rrezikshme sidomos për Shqipërinë e pafuqishme ekonomikisht dhe të paaftë ushtarakisht .
Shkrim i ngritur mbi nje hipoteze qe nuk ekziston. Asnjehere institucionet e kosoves nuk e kane ngritur ndarjen e Kosoves, diskutimin mbi kufijte e shtetit te ri te Kosoves, etj. Kjo ide lindi ne gazeten Expres dhe u trajtua si nje fakt qe do te ndodhte, duke shtuar edhe fakte te rreme. per shembull, kur presidenti i Kosoves ndodhej ne Seul per hapjen e lojrave Olimpike, gazeta Expres shkroi se ishte ne bruksel per ndarjen e kufijve dhe ndryshimin e tyre.
Kjo eshte nje teze pa asnje baze reale. Edhe zoti Meta e ngriti gabimisht ose kerkoi te hedhe benzine mbi nje zjarr qe nuk ekziston, ndoshta per te shkeputur vemendjen nga akti qe beri me pas, duke refezuar plotfuqishmerine per bisedimet me shtetin grek dhe duke krijuar nje paralele te rrezikshme, sikur elemente ne pushtet, te lidhur me njeri tjetrin, ne kiete rast Thacidhe Rama, po falin pjese te trojeve shqiptare.
Nuk ka asnje deklarate te institucioneve shqiptare per ndryshimin e kufijve, prandaj nuk është reale që mbi këtë bazë të spekullohet, si bëri edhe Albin Kurti, duke ngjallur edhe idene e një lufte të re.
Kjo eshte nje analize e saket. Edhe ne sbqipetaret nuk duhet te valvisim flamurin e shqiperise se bashkuar. Asgje nuk ndryshojme vetem ndjellim konflikt me fqinjet.
E Mero, po perpiqesh te mbulosh mu**n e Rames me Shu**en e Thaqit.
Bravo Mero. Je i vetmi gazetar qe nuhat reziqet e politikave nacionaliste.
Zt Mero, nuk jini Realist…. Shtetet MultiEtnike jane Deshtim. Provat i kemi qe nga Perandorite e Hershme Romake etjetj e deri tek te soteshmet Sovjetki Union dhe IshJugosllavia Bosnja, Maqedonia, etjetj qe jane Shtete MultiEtnike. Ideja e Shkembimit te Territoreve Veriu i Kosoves me Luginen e Presheves do te ishte me Idealja nese Realizohet pa Lufte ne baze te 1 Studimi te mirfillte te Studiuar. Duke i dhene Lirine Kosoves te njihet nga Serbia dhe nese do te Bashkohet me Shqipërine. Kjo do te ishte Idealja dhe sduhet pasur Frik ta hedhesh si Ide edhe ta Realizosh nese eshte e mundur.
OK, po Zvicra, SHBA, Kanadaja, Australia, India etj nuk jane shtete multietnike? Ne fakt, shumica e shteteve te botes jane shtete multietnike, jo shtete nacionale, pra jo shtete me nje etni kryesore/shtetformuese.
Trajtim i drejte. Kosova u krijua si reaksion ndaj genocidit dhe duhet te jete shtet I te gjithe qytetarve me levizje te lire te njerezve dhe kapitaleve. Politika e shkembimit te teritoreve eshte e tejkaluar. Ate presidenti Willson e ka perjashtuar qysh ne fund te luftes pare boterore cka mbrojti dhe Shqiperine nga pretendimet teritoriale te fqinjve.
Bravo Z. Baze. Ketyre su dhemb as Shqiperia e as Kosova por vec partia e llogaria bankare.
Pirdh pirdh se lirohesh
Ca problemi ka kur se serbet,ne apo croatet bashkohen dhe bosnja apo maqedonija ndahen.
Popujt bojne marrveshje ashtu sic boni cekia me sllovakine apo vendet scandinave dhe qysh atehere sbojne mo debate
Me bo marrveshje ne me serbet ka vetem nji humbes.
Greku!?
Tamam
..perse duhet ,qe vetem shqiptaret te leshojne territore ..perse??!
1 vend me 90%serb i leshuar i humbur eshte or taj. Sikurse anasjelltas 90%Shqiptar Lugina i humbur eshte per Serbine.
Si gjithmone i sakte (brilante) ,dhe qe te bind,Mero Baze ,shyqyr qe e kemi !