Te fundit
EMRAT/ Zbardhet vrasja e biznesmenit në Bllok, ja kush janë dy të arrestuarit dhe motivet e ekzekutimit
26 Shkurt 2018, 11:46Kronika
TEMA
Policia e Tiranës ka zbardhur vrasjen e biznesmenit Memli Begalla, vrasje kjo e ndodhur më 14 shkurt në zonën e Bllokut në Tiranë.
Deklarata e policisë
Konferencë për shtyp e Drejtorit të Drejtorisë Vendore të Policisë Tiranë Kastriot Skënderaj dhe e Prokurorit të çështjes Artan Lulaj:
Gjatë orëve të para të mëngjesit të sotëm, strukturat e Hetimit të Krimeve në Drejtorinë Vendore të Policisë Tiranë në bashkëpunim të ngushtë me Prokurorinë e Rrethit Gjyqësor Tiranë finalizuan operacionin e koduar “Triss”, ku është bërë e mundur zbardhja e dokumentimi i autorësisë së ngjarjes së ndodhur më datë 14 shkurt në mbrëmje, në kryeqytet.
Ky operacion erdhi si rezultat i punës profesionale të pandërprerë duke vlerësuar maksimalisht informacionet e grumbulluara si dhe provat e administruara nga grupi hetimor.
Si rezultat i hetimeve të deritanishme, rezulton se autorë të dyshuar të ngjarjes së ndodhur, ku u vra me armë zjarri shtetasi Memli Begalla, janë shtetasit:
– Denis (Alban) Demiri, 43 vjeç, banues në Tiranë.
– Ardian Serezi, 49 vjeç, banues në Tiranë.
Për të dy këta persona janë ekzekutuar urdhërat e ndalimit.
Nga veprimet e dokumentuara, rezulton se shtetasi Denis Demiri ka kryer ekzekutimin e shtetasit Memli Begalla. Dyshohet se pista kryesore ku janë fokusuar hetimet është ajo e borxheve që nuk kishte shlyer viktima.
Për arsye hetimore, nuk mund të bëjmë me dije të dhëna të tjera në lidhje me mekanizmin apo rolet si dhe përfshirjen e personave të tjerë në këtë ngjarje.
Në cilësinë e provës materiale është sekuestruar një automjet me targa të huaja, me të cilin autorët janë larguar nga vendi i ngjarjes. Gjithashtu është sekuestruar një automjet në pronësi të shtetasit Denis Demiri, si dhe 9 telefona celularë.
Grupi i punës vijon me intensitet veprimet për dokumentimin e plotë ligjor të rrethanave të ngjarjes dhe personave të tjerë të mundshëm të përfshirë në të.
Policia e Shtetit, duke falënderuar qytetarët dhe mediat për bashkëpunimin, shprehet e vendosur të godasë me Forcën e Ligjit çdo akt, grup kriminal apo paligjshmëri, për të ndërtuar së bashku një Shqipëri më të mirë dhe të sigurt.(TemA)
5 komente në “EMRAT/ Zbardhet vrasja e biznesmenit në Bllok, ja kush janë dy të arrestuarit dhe motivet e ekzekutimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jo arrestime fals. Duhet admetur që të gjitha vrasjet s’mund të éclairci-sen.
undefined
po ene ti duhet admetur qe s ia ke haberin shqipes. E mos na shkruj mo llafe fals se na e shemtaraqove gjuhen
Bravo policia.Forca e ligjit po jep rezultate te mira deri tani.Kemi besim te policia,se ajo sot nuk eshte si policia e Sali Berishes qe te vrisnin te grabisnin,te rrihnin barbarisht,(per kete ke shume ngjarje makabre),dhe dilnin te pa prekur se i mbronte kryeministri kriminel Sali Berisha.Policia e shtetit sot po reformohet e po kthehet ne shprese sigurie per popullin.
cna duhen keta, europa kerkon: liken moniken lulushin berishen mediun, ne qofte se nuk arrestohen keta nuk ka europe edhe nuk ka shtet.