Te fundit
VIDEO/ Policia zbardh detajet mbi masakrën tek "Rana e Hedhun": Ja zyrtarët e arrestuar; nga kryebashkiaku i Lezhës, tek juristët dhe specialistët
16 Mars 2018, 17:58Kronika
TEMA
Policia e Lezhës ka zbardhur detajet lidhur me zyrtarët e arrestuar për shkak të abuzimeve që ata dyshohet se kanë bërë me pronat tek “Rana e Hedhun”.
Deklarata e policisë
Drejtoria Vendore e Policisë Lezhë në bashkëpunim me Drejtorinë për Hetimin e Krimit Ekonomik e Financiar, Sektorin për Hetimin e Korrupsionit në Departamentin për Hetimin e Krimit te Organizuar dhe Krimet e Renda, Drejtorinë e Forcës Operacionale në Drejtorinë e Përgjithshme të Policisë së Shtetit, nën drejtimin dhe në bashkëpunim me Prokurorinë e Rrethit Gjyqësor Lezhë po vijojnë operacionin policor “Ranishtja 4“.
Deri tani janë arrestuar dhe ndaluar 12 zyrtarë publikë dhe janë shpallur në kërkim 11 zyrtarë e shtetas të tjerë, të cilët në bashkëpunim me njëri-tjetrin duke abuzuar me detyrën kanë falsifikuar, tjetërsuar dhe përvetësuar 234,548 m2 tokë shtetërore ranishte në zonën bregdetare Shëngjin, tek vendi i quajtur “Rana e Hedhun”.
Kjo sipërfaqe është shndërruar me dokumenta të falsifikuara nga tokë shtetërore në bregdet, në tokë arë dhe pemtore. Më pas është rregjistruar në Zyrën e Regjistrimit të Pasurisë së Paluajtshe Lezhë (ZRPP), duke përfituar padrejtësisht në interes të tyre dhe personave të tjerë.
Këto hetime proaktive janë kryer në funksion të procedimit Penal regjistruar në vitin 2017, për veprat penale të “Shpërdorimit të detyrës”dhe “Falsifikimi i dokumentave”.
Mbi bazën e provave të grumbulluara dhe sekuestruara nga Sektori për Hetimin e Korrupsionit dhe Prokuroria e Rrethit Gjyqesor Lezhë, Gjykata e Shkallës së Parë Lezhë, me vendimin e datës 15 mars 2018, ka vendosur masën e sigurisë personale “Arrest ne burg” për zyrtaret e administratës shtetërore dhe për shtetas të tjerë të cilat janë ekzekutuar për shtetasit:
1. Fran FRROKAJ, 52 vjeç, lindur dhe banues në Lezhë, me detyrë Kryetar i Bashkisë Lezhe.
2. Enver Hafizi, 62 vjeç, lindur dhe banues në Lezhë, me detyrë Nenkryetar i Bashkisë Lezhë
3. Gjok Ndoka, 52 vjeç, lindur dhe banues në Lezhë, me detyrë Kryetar Këshillit të Qarkut Lezhë
4. Adenis Haxhia, 29 vjeç, lindur dhe banues në Lezhë, me detyre jurist pranë Bashkisë Lezhë.
5. Dilaver Neli, 56 vjeç, lindur dhe banues në Lezhë, me detyrë specialist në Drejtorinë e Mbrojtjes së Tokës të Këshilli Qarkut Lezhë,
6. Enkelejd Zefi, 28 vjeç, lindur dhe banues në Lezhë, me detyrë specialist hartograf pranë ZVRPP Lezhë.
7. Pjeter Gjoni, 68 vjeç, lindur dhe banues në Lezhë, përfitues tokë në mënyrë të paligjshme.
Me masën e sigurisë personale “Arrest në shtëpi” për zyrtaret:
1. Gjelina Baca, 58 vjeçe, me banim në Lezhë, me detyrë Drejtoreshë e Drejtorisë së Bujqësisë në Bashkine Lezhë.
2. Juxhina Mema, 25 vjeçe, lindur dhe banues në Gramsh, me detyrë ish- specialiste në Drejtorinë e Bujqesisë në Bashkinë Lezhë
3. Marte Gjergji, 50 vjeçe, me banim në Lezhë, me detyrë topografe pranë Bashkisë Lezhë.
4. Frrok Frroku, 75 vjeç, me banim në Bashkinë Mamurras, ka përfituar tokë në menyrë të paligjshme.
5. Luigj Paloka, 76 vjeç, me banim në Shkodër, ka falsifikuar aktet.
Gjithashtu janë shpallur në kërkim dhe punohet për kapjen e 11 shtetasve, me detyra në ZVRPP, në ish-Komunën Shëngjin apo përfitues tokash në mënyrë të paligjshme.
Hetimet lidhur me këtë dosje kanë filluar mbi bazën e të dhënave të siguruara nga burime policore dhe ankime të qytetarëve.
Në to evidentohej tjetërsimi në kundërshtim me ligjin të disa pasurive shtetërore “ranishte dhe pyll”, përgjatë bregut të detit në zonën e plazhit të fshatit Mali i Rencit dhe Mali i Shëngjinit, tek zona e quajtur “Rana e Hedhun”, si dhe pjesën e malit në shpatin e tij, sipër zonës së quajtur “Rana e Hedhun”, në Njesinë Administrative Shëngjin, Bashkia Lezhë.
Nga veprimet hetimore ka rezultuar se përgjatë periudhës 2016-2017, Bashkia Lezhë ka dërguar për regjistrim në ZVRPP-në Lezhë dokumentacionin për pajisjen me tokë të shtetasve Frrok Frroku, Gj. F., N. F., M. F., Z, Gj,, N. T., Pjetër Lini (Gjoni), V. Gj. dhe R.M.
Praktikat dokumentare të dërguara nga Bashkia Lezhë në Zyrën Vendore të Regjistrimit të Pasurive të Paluajtshme Lezhë, përmbajnë aktin e marrjes së tokës në pronësi, vërtetimet e kufizimeve, konfirmimet e pasurisë, planet e rilevimit, të cilat janë të falsifikuara dhe janë përpiluar në emër të personave, të cilët nuk kanë qenë dhe nuk janë banorë të Fshatit Mali i Rencit.
Nga ana e Bashkisë Lezhë dhe e Këshillit të Qarkut Lezhë, nëpërmjet shkresave përkatëse zyrtare pavarësisht se në realitet janë mal dhe ranishte janë konfirmuar si toka të kategorisë “Arë” dhe “Pemtore”.
Drejtuesit e Bashkisë Lezhë, duke i paraqitur si tokë bujqësore, kanë dërguar edhe një vendim të falsifikuar në emër të Këshillit të Qarkut Lezhë, si dhe personat e sipërcituar përvetësues të këtyre pronave, janë trajtuar me parë me tokë sipas ligjit 7051 dhe disa nuk janë banorë të zonës.
Zyra Vendore e Regjistrimit të Pasurisë se Paluajtshme Lezhë, pasi ka administruar dokumentacionin, gjatë analizimit të dokumentacionit të pajisjes me tokë të shtetasve të sipërcituar, ka konstatuar se sipërfaqet e pasurive nuk janë tokë bujqësore por janë tokë pyll dhe ranishte.
ZVRPP-ja ka kërkuar konfirmim për dokumentacionin e dërguar nga Bashkia Lezhë, me shkresa përkatëse nga Bashkia dhe Këshilli i Qarkut Lezhë.
Bashkia dhe Këshilli i Qarkut Lezhë, i kanë kthyer përgjigje zyrtare ZVRPP-së Lezhë, ku rikonfirmohet zyrtarisht se pasuritë janë të llojit arë dhe pemtore.
Pas marrjes së përgjigjeve nga ana e Bashkise dhe Këshillit të Qarkut Lezhë, punonjësit e ZVRPP-së Lezhë, kanë proceduar me regjistrimin e këtyre pasurive, ku sipas dispozitave ligjore të Ligjit 7501, datë 19.07.1991 “Për tokën”, si dhe akteve ligjore e nënligjore të dala në zbatim të tij, nga ana e tyre nuk duhej të procedohej me regjistrimin e këtyre pasurive.
Pas regjistrimit të këtyre pasurive në Zyrën Vendore të Pasurive të Paluajtshme Lezhe, në një kohë shumë të shkurtër, përfituesit e paligjshëm, e kanë tjetërsuar pronësinë, duke e shitur me çmime simbolike në emër të personave të tjerë apo edhe të lidhjeve të tyre familjare, sipas kontratave te bllokuara.
Personat përgjegjës për përpilimin e këtyre praktikave të regjistrimit të pasurive në emër të shtetasive të sipërcituar janë specialisti i zyrës së kadastrës, shefja e kadastrës Kryetari i Bashkisë Lezhë Fran Frrokaj, pasi këta shtetas në bashkëpunim me njëri-tjetrin, në kundërshtim të plotë me kërkesat e ligjit 7501, si dhe akteve ligjore e nënligjore të dala në zbatim të tij kanë administruar, konfirmuar dhe dërguar për regjistrim dokumentacion të falsifikuar në përmbajtje dhe formë, për pasuri që janë në fakt toke pyll, ranishte, shkurre, shkëmb, dhe jo tokë buqësore.
Nga ana e Këshillit të Qarkut Lezhë janë konfirmuar me shkresë se pasuritë e sipërcituara janë të llojit pemtore, ndërkohë që në fakt sipas akt ekspertimi topografik është tokë pyll, ranishte, shkurre dhe shkëmb. Për këto veprime mbajnë përgjegjësi, specialisti i Arshives dhe Kryetari i Keshillit te Qarkut Lezhe, Gjok Ndoka.
Nga ana e ZVRPP-së Lezhë, regjistruesi, juristi, hartografi, kanë pranuar administruar dhe regjistruar dokumentacionin e pasurive në emër të shtetasve të sipërcituar në kundershtim me Ligjin 7501.
Toka e përfituar është shitur me dokumentacion të falsifikuar duke perfituar padrejtesisht shuma monetare të konsiderueshme. Vazhdon puna për identifikimin zyrtarëve e personave të tjerë të implikuar në këtë aktivitet kriminal.
Policia e Shtetit, duke përfituar nga rasti fton qytetarët të denoncojnë çdo rast abuzimi duke u garantuar reagim të shpejtë dhe të ashpër me Forcën e Ligjit.
14 komente në “VIDEO/ Policia zbardh detajet mbi masakrën tek “Rana e Hedhun”: Ja zyrtarët e arrestuar; nga kryebashkiaku i Lezhës, tek juristët dhe specialistët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa te keni prokuroret ,gjykatesit dhe sekseret e tyre mos e rruani fare!Duhen njemije vjet te behet ky vend!
“Kot e keni qe gezoni kur pasurine nuk ja konfiskoni”
Ne te gjithe bregdetin pa perjashtim eshte bere nje maskarade
por vendin e pare e mban Vangjush Dako,pastaj vjen ai i Vlores,pastaj ai i Himares
pastaj ai i Kurbinit me ate te Sarandes.
Sot ishte radha e ketyre fakirave qe kane vetem dy vjet ndersa ai i Durresit
qe ka mbi 10 vite qe shkaterroj jo vetem bregdetin po dhe qytetin .
Mos i shifni ca te njerkes e ca te partise meme se me keq do jete
per qeverine e prokuroren e perkoheshme por dhe per besniket e tyre.
Te pakenaqurit po shtohen dita dites dhe nuk do kete as nga amerika e europa njeri
qe tju nxjerre te lare.Do paguani deri ne 1.
Fanatiket e partive te rrine larg ketij diskutimi. Abuzim me pronat eshte bere kudo dhe ashiqare. Skemat jane klasike, por edhe shume te thjeshta per tu zbuluar . Zbulimi i abuzimit me fakte eshte shume i lehte. Problemi ketu qendron tek fakti qe sistemi eshte i kalbur, i korruptuar deri me palce dhe te gjithe pushtetaret, njerezit me para, pa perjashtim te partive politike, i turren prones publike si cakenj. Ne publik akuzojne njeri tjetrin, por ne kulisa te gjithe bashkepunojne per te vjedhur cdo gje qe te mundin. Krimi nuk ka parti, por ketu tek ne Partite vegjetojne ne saje te ” te fuqishmeve, njerezve me para” qe i kane vene parate me trafiqe, korrupsion, krime, pushtet dhe qe vejne ne poste zyrtare njerezit e vet qe ta kene me te lehte vjedhjen masive. Ne kete rast eshte per tu cuditur qe nje Kryetar Bashkie i PD-se, qe duhet te jete i ndergjegjshem qe qeveria do ta skanoje dhe kontrolloje, menjehere sa vine ne pushtet hyjne ne bashkepunim me administraten (PS,PD,LSI) dhe ne nje shkalle te madhe i hyjne si te urritur pronave publike dhe ne nje kohe te shkurter realizojne nje vjedhje kaq masive. Nuk kane frike fare nga ligji sepse mendojne se do mbrohen nga partite politike te te gjitha kraheve. Prokuroria po te doje ne cdo kohe i kap abuzuesit e pronave. Vetem te kontrollohen tapite e vjetra le te themi te kohes se italianeve dhe te kohes se E Hoxhes dhe te krahason tituje t e pronave qe i perkasin shtetit del abuzimi
Mos kurse I asnje as te majte as te djathte, ,te gjithe ne burg,kush ka vjedhur,dhe tjetetsuar pronat. ,ne bregdet ti jepet toka pronarit, ,,,ndryshe do kemi vetgjyqsi,,,,qeveria te mos lakmoje tokat e te tjereve….
Ne kete megavjedhje jan te perfshire edhe ish deputete te pd.
I pari duhet te jete Lamja qe trumpeton me te madhe legalizimet pa leje. Ku eshte ndryshi? Pse muti Lame paska te drejte te beka legalizime. Ky ishte shembulli me negativ I kesaj qeverie per cheshtjen e pronave
skisha pa noi her kaq shume malok ne rrjet. shqyr qe i plasen ca mrena se po hanin njeri tjetritin
Tok e xanun . Tabele me mbishkrimin ; Toka shitet , asht me tapi . Ose kjo tjetra ; Terren privat , ndalohet e hymja me rrobe banjet . O kafsheri qe s’beheni njerez . Gjysma apo me shume e tokave ne Albani , eshte pa pike medyshje e vjedhur . E vetmja pike qe nuk eshte xanun akoma eshte maja Jezerces . Vetem atje s’kane mundur te hypin prehistoriket . Mire ua bente Enveri qe i mbante ne vathe . Keta Jane qenie qe funksionojne me instikte .
Ligji famekeq 7051 shkaterroi te drejten themeltare te prones. Prona duhej te kishte shkuar tek I zoti. Keto Jane pasojat qe po vuajne shqiptaret.
e terheqshin kemben zvare,dhe do zoti e me larte te arine arestimet, te gjithe ajdutet te djathte apo te majte ato qe kane vjedhur gjak i vjellshin
undefined
Shpelaje gojen kur flet per ” maloket ” ata jane krenaria e kombit, njerez te beses burrnise te kultures e nuk jane si ti ose farefisi jot mor anadollak, me verioret krenohet kudo ne bote Shqiperia mor palaço
PO NE HIPOTEKEN E VLORES QE JANE FALLCIFIKUAR NGA PUSHTETARET E NENPUNSIT SPECIALISTE PER VJEDHJE ME SDHKOLLA PRIVATE TE LSI ETJ.. CFAR DO BEHET APO ATY KANE MARE PJESE TE GJITHE SALIU,LIKJA,RAMA KOLLOZI,MANIA,ETJ…???!!