Te fundit
Vettingu “pret kokën e parë”, gjykatësi i Kushtetueses shkarkohet pasi nuk justifikon dot “dhuratat” qindra mijëra dollarë
23 Mars 2018, 11:15Politika
TEMA
Vettingu ka sjellë “viktimën” e parë nga sistemi i drejtësisë.
Gjyqtari Fatos Lulo është përjashtuar nga Gjykata Kushtetuese, pasi nuk justifikon dot pasurinë e tij qindra mijëra dollarë.
Vendimi u mor nga Komisioni i Pavarur i Kualifikimit.
“Në përfundim të procesit të rivlerësimit, trupa gjykuese vendosi: Shkarkimin nga detyra të subjektit të rivlerësimit të Fatos Lulos, anëtar i Gjykatës Kushtetuese”, thuhet në vendim.
Dy ditë më parë, Lulo ishte thirrur në seancë dëgjimore të vetingut, por nuk u paraqit para trupës gjyqësore të KPK-së, ndërsa kishte dërguar si mbrojtës avokatin e tij.
I kaluar në filtrat e KPK-së prej 5 muajsh, së bashku me aftësitë profesionale, lidhjet e tij dhe pasuritë, gjyqtarit kushtetues iu përmend si i dyshimtë vetëm burimi i pasurive.
Inspektorati i Lartë i Deklarimit të Pasurive, tha relatorja Etilda Çiftja, konkludon se Fatos Lulo ka kryer deklarim të rremë, përsa kohë nuk dihet burimi i pronave.
Për këtë u numëruan në seancë si pasuri të gjyqtarit kushtetues shuma prej 100 mijë dollarësh që iu dhurua nga e motra Drita Lulo dhe kontrata e borxhit prej 480 mijë dollarësh me të cilën ishte planifikuar të blihej shtëpi në Toronto të Kanadasë.
Skeda e pasurisë së Fatos Lulos: Si i ka “dhuruar” qindra mijëra dollarë, e motra…
Anëtari i Gjykatës Kushtetuese, Fatos Lulo ishte gjyqtari i parë që zhvilloi seancë dëgjimore me Komisionin e Pavarur të Kualifikimit të mërkurën, si pjesë e procesit të vetingut.
Lulo ka ushtruar profesionin e avokatit dhe të anëtarit të Këshillit Kombëtar të Radio-Televizionit, përpara se të përfshihej në sistemin gjyqësor si anëtar i Gjykatës së Lartë në vitin 2005. Prej vitit 2013 ai kryen detyrën e anëtarit të Gjykatës Kushtetuese.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike [bashkangjitur në PDF] paraqet ndryshimin e pasurisë së gjyqtarit Fatos Lulo përgjatë viteve të deklarimit 2003-2015.
Ky raport është prodhuar pas administratimit të deklaratave të pasurisë së këtij subjekti nga Inspektoriatin i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara tregojnë se gjyqtari Lulo ka deklaruar pasuri me vlerë rreth 74.5 milionë lekësh në vitin 2003, ndërkohë që në fund të vitit 2015 pasuria e tij kapte vlerën e rreth 92 milionë lekëve. Lulo ka shënuar mesatarisht çdo vit rritje të pasurisë në vlerën e 1.4 milionë lekëve.
Të ardhurat familjare të anëtarit të Gjykatës Kushtetuese përbëhen në rreth 40 për qind nga paga dhe shpërblime, 32.9 për qind nga dhuratat në cash dhe 27 për qind nga shitblerja e pronave dhe automjeteve. Dhuratat nga motra zënë një pjesë të konsiderueshme të pasurisë së tij; 100 mijë dollarë cash në vitin 2007, 100 mijë dollarë të tjerë në vitin 2008 dhe një zyrë dhuratë në vitin 2009.
Dhuratat në cash u bënë shkak për nisjen e një verifikimi pasuror të ILDKPKI ndaj Lulos në vitin 2012. Ky verifikim nuk pati rezultate.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin artimetik/logjik të deklarimeve të subjektit dhe “flamujt e kuq’ që janë identifikuar gjatë kontrollit. Një ndër “flamujt e kuq të evidentuar në rastin e Lulos vlera akumulative e parave cash të deklaruara përgjatë viteve, të cilat në fund të vitit 2015 kapin shumën e rreth 18 milionë lekëve.
Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo është e ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë për vitin 2003
Deklarata e pasurisë për vitin 2004
Deklarata e pasurisë për vitin 2005
Deklarata e pasurisë për vitin 2006
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
10 komente në “Vettingu “pret kokën e parë”, gjykatësi i Kushtetueses shkarkohet pasi nuk justifikon dot “dhuratat” qindra mijëra dollarë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Cfare? Mos ashtu? Ky eshte gjyqtar I ndershem. Jam kurjoz ta dije do vazhdoj ti jap motra dhurata tani qe do I nderpritet edhe rroga? Po pasuria do I konfiskohet? Keta grabitqare eshte pak ti rjepish per se gjadhi cfare I kane bere ketij populli.
Mos e rruj trapin plako sa t’kesh motren qe te mbysh bythen me pare…ti e boje gjykatesin per hobi ?
Iku nje hajdut, nje kriminel nga i cili besonim se na jepte drejtesi.
Shpresoj qe gazetari ketu flet me te rejat . Qe do te thote ; 92 milion = 920 milion . Po te kihet parasysh kursi i kembimit lek- dollare , i bie diku ke 8,5 milion $ . Kjo gjithnje Nese shtypi perdor termat e duhur . Kam frike se gjyqtaret e ndonje vendi te Be , do ndihen te fyer Po ta marrin vesh . Lulo bashke me Lulet e Kane pagen 10 -15 Here me pake nga gjyqtarer e vendeve si Anglia , Franca , etj . Po nuk na intereson shume fakti , qe do kaloje apo jo vetingun . Perderisa paska ne mend te bleje shtepi 1/2 milion $ ne Kanada , Lulo i partise mund ta kaloje jeten ne harmoni e begati . Ha e pi , e bjer e fli . Ç’do behet me pronat dhe parate qe dalin me tepri nga llogaria ? Do ti ngrini ne bankat ku i Kane ? Do dyllosen dyert e apartamenteve qe nuk i justifikojne ? Dhe e fundit . Per keta qe dalin ” pis ” , do kete ndjekje penale , apo nje pushim nga puna , dhe tutje . Si i tha ai te filmi ; edhe nje gote vere nga prapa dhe he !.
undefined
jam e bindur qe si gjithmon jane shou ne kete vend .per cfare na i trgojne qe te behemi me dhemje koke e te na duket vetja si vemje ,qe jetojme kot ne kete bote te qelbur.keni per te pare qe as nje gjemb sdu ju hyj ne kembe ,do i gezojne e do ikin qe ketej te lumtur ,jam e bindur ,,,,,,,,si gjithmon jane filma ,por kete here me ngjyra…….
Me beri pershtypje depozita qe paska ne Toronto per vitin 2004 prej $400000! Kjo race e felliqur hajdutesh (dhe nuk jane pak ne Toronto) kane vite qe vjedhjet e panumerta ne Shqiperi i justifikojne si pune ne Canada! Njerezit punetore dhe te ndershem me djersen e tyre krijojne nje jete komode ne emigracion, por gjithe jeten do paguajne kredine per shtepine e blere.
Po kuçedrës Rama kush ja kontrollon pasurinë?!
Fatos Lulo eshte me I “ndershmi” ne te gjithe koleget e tij.Te tjeret kane miliona.Bjeruni edhe atyre!
Epo dhe nje hajsut shalengjitur e i peshtire si F. Lulo ka beree qindra mijra euro ? Ca i ka dhene shoqerise ky plere? HAJDUT.