Te fundit
Strategu i Trump përdori Shqipërinë për fitoren e presidentit pro-rus dhe arrestimin e Timoshenkos në Ukrainë
6 Prill 2018, 14:47Bota
TEMA
Shqipëria, Bullgaria, Polonia dhe Rumania janë vendet që u përdorën nga Paul Manafort, ish-menaxheri i fushatës së Donald Trump për të ndihmuar ish-presidentin ukrainas Viktor Janukoviç
Dokumentet e publikuara tregojnë se ndihmësi i mëparshëm i Trump miratoi “opsionin e zi” për të ndihmuar presidentin e Ukrainës, në atë kohë. Gjithçka nisi duke autorizuar një operacion të fshehtë të medias, sidomos rrjetet sociale që drejtoheshin nga këto vende (Shqipëria, Bullgaria, Polonia dhe Rumania).
Sulmi nisi me artikuj në Wall Street Journal dhe faqet e internetit të SHBA duke publikuar informacione të rreme fillimisht kundër Hillary Clinton.
Projekti u ndërtua për të rritur reputacionin e udhëheqësit të atëhershëm të Ukrainës, Viktor Janukoviç. Ai ishte pjesë e një përpjekje lobimi multi-milionësh të kryer nga Manafort në emër të qeverisë Janukoviçit.
Pikat kryesore të planit të Paul Manafort
• Propozimi për të rishkruar shënimet e Wikipedia për të “gjetur” një kundërshtar kyç të presidentit të atëhershëm ukrainas.
• Ngritja e një projekti të rremë në Vjenë për të shpërndarë pikëpamjet e mbështetjes së Janukoviç.
• Një fushatë e mediave sociale “që synonte audiencat në Evropë dhe SHBA”.
• Raportimi i gazetarëve nga faqja e djathtë Breitbart për të sulmuar Clinton kur ajo ishte sekretare amerikane e shtetit.
“Strategjia e Ukrainës” e Manafort-it parashikonte përpjekjet e mëvonshme të Kremlinit për të përdorur Twitter dhe Facebook për të diskredituar Clinton dhe për të ndihmuar Trump-in të fitojë zgjedhjet e vitit 2016 në SHBA. Materialet e publikuara datojnë nga viti 2011 deri në vitin 2013.
Dokumentet zbulojnë një operacion tjetër për të ndikuar opinionin ndërkombëtar. Në vitin 2010, Janukoviç mundi rivalen e tij Julia Timoshenko në zgjedhjet presidenciale. Vitin pasues, prokurorët ukrainas arrestuan Timoshenko dhe e nxorën në gjyq. Kjo provokoi kritika të ashpra nga administrata e Obamës dhe BE, që akuzuan Janukoviç për mbylljen e Timoshenkos për arsye politike.
Por Manafort miratoi një strategji tjetër për të diskredituar Timoshenko jashtë vendit. Alan Friedman, një ish gazetar i Wall Street Journal dhe Financial Times, me qendër në Itali, krijoi këtë projekt. Friedman më parë është akuzuar për fshehjen e punës së tij si një lobist i paguar.
Të përfshirë gjithashtu ishin Rick Gates, zëvendës i atëhershëm i Manafort dhe Konstantin Kilimnik, një tjetër bashkëpunëtor i lartë i Manafort, që FBI beson ka lidhje me inteligjencën ushtarake ruse.
Kështu në korrik të 2011 nisi plani për shkatërrimin e Timoshenko nëpërmjet videove, artikujve dhe mediave sociale.(GSH)
2 komente në “Strategu i Trump përdori Shqipërinë për fitoren e presidentit pro-rus dhe arrestimin e Timoshenkos në Ukrainë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
“Super Strategu” perdori gazeten “Tema” per fitoren ne Ukraine,
He mor Mero ma more nga goja ….. do rrosh me gjate !!! Po …. mese e vertete , Janukoviçi fitoi fale mbeshtetjes qe i dhane gazetat Shqiptare kryesisht , pastaj ato Romene, Bullgare dhe Poloneze !! Ky Paul Manafort -i ka punuar dhe per kolonelin e sherbimeve sekrete te mbreterise Serbe , Dimitrievitch, i cili organizoi Gavrilo Princip me organizaten “rinia e Bosnjes” per te bere atentatin me 28 Qershor 1914 kundra l’archiduc François-Ferdinand de Habsbourg dhe bashkeshortes se tij dhe per pasoje filloi lufta e pare Boterore !!!! Ky Manafort ka kohe qe punon per boshti Moske – Beograd -Athine- Ankara-Damask-Teheran !!! Eshte nje skuth qe se ka shokun …… beni kujdes , kujdes !!!