Te fundit
Kjo është fotografia e rrallë shqiptare në arkivat e National Geographic në Washington
11 Prill 2018, 21:30Kulturë
TEMA
Historiani Auron Tare ka bërë një zbulim që lidhet me trashëgiminë kulturore të fshatit Bënçë.
Tare thotë se: ”Një pjesëz e vogël e trashëgimisë sonë kulturore, totalisht e pa njohur dhe e harruar fare na bënë të mendojmë se kjo krahinë dhe në veçanti Bënça, duhet të ketë pasur shumë vlera deri sa në arkivin e National Geographic në Washington është fotoja e Babait plak të Teqesë së Bënçës i rrethuar nga ndjekësit e tij” .
Po ta vëresh me kujdes fotografinë e vjetër, Babai Plak i Teqesë duket si një personazh legjendash.
Pozicioni gjeografik i fshatit është në jug të qytetit të Tepelenës, 6 km larg tij në luginën e lumit të Bënçës.
Emri i fshatit Bënçë vjen nga banoret ilirë që me themelimin e tij. Karakteristikë e këtij fshati është lumi me të njëjtin emër.
Në luginën e Bënçës kanë jetuar disa fise Ilire që kanë lënë gjurmët e tyre në disa shpella në rrjedhën e lumit. Disa shpella mbajnë akoma disa emra fisesh Ilire që kanë mbërritur deri më sot si shpella e Bishqemit, shpella e Bathesit, shpella e Bukshit, shpella e Toles dhe gryka e Dilanit. Këto fise themeluan fshatin me emrin Bënça .
Lugina e Bënçës është mjaftë pjellore në produktet bujqësore dhe në vreshtari. Në këto toka është ngritur dhe Ujësjellësi i Bënçës investuar nga Ali Pashë Tepelena.
Lumi i Bençës rrjedh nga burime të ftohta ne malet e Lekdushit dhe Progonatit. Ky lum bashkohet me me lumin e Vjosës në veri të qytetit të Tepelenës dhe derdhet në detin Adriatik. Zona ka perspektivën e turizmit natyrorë, historik dhe atë të aventurës.(ata)
2 komente në “Kjo është fotografia e rrallë shqiptare në arkivat e National Geographic në Washington”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ke foto e 3 eshte Plaku Mere
Po gjysëmopinge është o Tare, vari qillot!