Te fundit
Gjonaj në Paris: Shqipëria, masa konkrete për luftën kundër terrorizmit
27 Prill 2018, 10:01Kronika
TEMA
Ministrja e Drejtësisë, znj Etilda Gjonaj, mori pjesë në konferencën “No money for terror” që u zhvillua në Paris me iniciativë të Kryeministrit francez, Emmanuelle Macron, me qëllim forcimin e bashkëpunimit ndërkombëtar në luftën kundër financimit të terrorizmit. Në konferencë morën pjesë më shumë së 80 ministra nga gjithë bota.
Në fjalën e mbajtur prej saj, Ministrja Gjonaj vuri theksin te mbështetja e vendosur e dhënë nga Shqipëria në luftën globale kundër terrorizmit, përmes pranisë së saj përkrah aleatëve tanë në zonat e krizës, si dhe te masat konkrete legjislative dhe institucionale të ndërmarra nga qeveria shqiptare për parandalimin dhe hetimin e fenomenit të ekstremizmit dhe terrorizmit.
Përfshirja e Shqipërisë në strukturat dhe rrjetet ndërkombëtare ka bërë tashmë një nivel të lartë shkëmbimi të informacionit lidhur me terrorizmin dhe financimin e tij.
“Mbetet ende shumë per t’u bërë për të siguruar rezultate efektive në sfidat e përbashkëta në luftën kundër terrorizmit dhe financimit të tij. Rritja e nivelit të brendshëm të bashkëpunimit mes autoriteteve kombëtare ligjzbatuese në shkëmbimin e informacionit dhe kryerjen e veprimeve – pavarësisht varësisë hierkarkike – është një faktor kyç për maksimizimin e rezultateve”, ka theksuar ministrja Gjonaj.
Sipas saj, një rol të rëndësishëm në luftën kundër financimit ka edhe sektori privat, i cili duhet të ndërgjegjësohet dhe të mbahet përgjegjës në rast shkeljeje të legjislacionit për pastrimin e parave.
Në përfundim të fjalës së saj, Ministrja theksoi rëndësinë që kanë proceset integruese në BE në forcimin e bashkëpunimit dhe rezultatet në luftën kundër krimit.
Për këtë qëllim, vlerësoi ajo “është e rëndësishme mbështetja e Shteteve anëtare të BE dhe të republikës Franceze në vecanti në hapjen e procedurave të aksesimit të Shqipërisë në hapësirën e përbashkët europiane.
4 komente në “Gjonaj në Paris: Shqipëria, masa konkrete për luftën kundër terrorizmit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E kaluam klasen me zbatimin e drejt te reformes po na marin me sy te mire nderkombetaret.
Mjafton te permendim reformen ne drejtesi qe kjo zonja po zbaton dhe tregojm sa afer europes jemi
Ka lezet kur ven kto figura dhe na perfaqesojn se deri dje na vente Manjani.
Syt nga MD i ja europa qe per hir te se vertetes po ecen mire