“Kërcënimi nga ISISI nuk ka mbaruar. Do të marrë një formë të ndryshme dhe nuk do të habitem nëse ne fillojmë të shohim një aleancë midis ISIS dhe Al-Kaidës në fusha të ndryshme në Lindjen e Mesme. Al-Kaida po mendon në strategjinë afatgjatë, pasi ata po ndërtojnë aleanca”, thotë ai.

Soufan beson se Al-Kaida është më e fortë sot se sa para 11 shtatorit. “Ata janë duke u fokusuar në nivel lokal, por nëse një pjesë e vogël e këtyre djemve vendosin për të shkuar përsëri në nivel global, unë mendoj se do të kemi një problem të madh”.

Në librin e tij, “Anatomia e Terrorit”, Soufan gjurmon evoluimin e organizatave terroriste, nga Bin Laden dhe 9/11 përmes “luftës kundër terrorit” të keq-këshilluar deri në destabilizimin e Lindjes së Mesme dhe shfaqjen e Shtetit Islamik dhe grupeve të tjera xhihadiste.

Periudha e tij në departamentin e terrorizmit ishte një nga kohërat më të trazuara, pasi hetoi bombardimet e ambasadës amerikane në Kenia dhe Tanzani dhe udhëhoqi hetimin mbi sulmin vetëvrasës në luftanijen USS Cole ku u vranë 17 marinarë.

Në kohën e 11 shtatorit, Soufan ishte një nga tetë arabfolësit në FBI dhe i vetmi në Nju Jork. Ai mori në pyetje të dyshuarit në Gjirin e Guantanamos dhe hodhi poshtë komplotet terroriste. Më vonë, ai u largua nga FBI, i zhgënjyer dhe konsiderohej si një nga krijuesit e problemeve, pasi fliste kundër metodave të marrjes në pyetje të CIA-s. Soufan tani drejton një konsulencë të inteligjencës të quajtur Grupi Soufan.

Ai mbetet kritik ndaj shumicës së politikës së jashtme të SHBA. Pushtimi i Irakut, thotë ai, “ishte një gabim kolosal … ne duhet të jemi të fokusuar në Afganistan, në Al-Kaidën dhe talebanët. Ne duhet t’i sillnim me shpejtësi para drejtësisë. Deri në vitin 2003, Al-Kaida ishte një race e vdekur; ishte pushtimi i Irakut që u dha atyre oksigjen të ri”.

Ai thotë se Perëndimi ka dështuar në Lindjen e Mesme, sepse nuk ka strategji. “Në Afganistan, nuk e kishim idenë se çfarë të bënim pas fitores ushtarake. Gjithmonë e themi se nuk mund ta imagjinonim se sa pak trupa do të merrnin për të nxjerrë Sadamin Hussein dhe sa sa trupa duheshin për të siguruar Irakun pas Sadamit”.

Ai thotë se dëshira e Donald Trump për të dalë nga Siria mund të jetë një ide e mirë, “por vetëm nëse bëhet një marrëveshje rajonale por kjo nuk po ndodh dhe, e urrej kur thuhet, ta bëjnë me vetë sirianët. Kjo është një mini konferencë midis Jaltës, Turqisë, SHBA, Iranit, Rusisë, Izraelit, Shteteve të Gjirit, sepse të gjithë po luftojnë për pjesën e vet të tortës. Mendoj se është mirë të largohesh nga problemet e të tjerëve, por duhet të kuptojmë se nga çfarë po largohemi. A ia dorëzojmë Sirinë Rusisë dhe Iranit? Çfarë do të ndodhë me aleatët tanë në rajon? ”

Burimi “The Guardian”