Te fundit
FOTOT: Shala, kjo mrekulli shqiptare që mahnit turistët
15 Qershor 2018, 17:30Turizëm
TEMA
Është një mrekulli të shikosh këtë oaz aty ku Shala përqafohet me Drinin, tashmë liqeni i Komanit. Ka dy vjet që është bërë pika më e frekuentuar në veriun e Shqipërisë. I thonë dhe “Blini i Gurit t’Lekës”, sepse aty ka mbyllur vitet e fundit të jetës së tij, prijësi i Dukagjinit, Leka.
Grykëderdhja e lumit të Shalës në liqenin e Komanit është kthyer në një nga destinacionet më tërheqëse lumore të Alpeve shqiptare. Izoluar nga majat e larta, rrjedha e vrullshme e ujit të kaltër të Shalës i ofron aventurierëve një panoramë nga ato që ngjajnë me Tajlandën e largët.
Rruga për të shkuar deri në këtë panoramë të mrekullueshme është disi e gjatë, por jo e lodhshme, pasi është e larmishme. Vizitohet kryesisht nga turistë që nisen nga Tirana, Durrësi, Elbasani, Lushnja… kryesisht Shqipëria e Mesme dhe ajo Veriore. Vizitorët e Tiranës nisen pak herët rreth orës 5 të mëngjesit dhe pas 2 orë udhëtim në rrugë të asfaltuar mbërrijnë në Vaun e Dejës dhe prej këtu duhet dhe 1 orë tjetër në rrugë të pashtruar për në pikën e nisjes së trageteve dhe varkave në liqenin e Komanit.
Oraret e tragetit janë 6 dhe 9 e mëngjesit. Megjithatë, për 90 euro në total (5 euro personi) varka me rreth 20 vende vihet në dispozicion të vizitorëve për të shijuar nga afër pikat interesante të liqenit të Komanit dhe të lumit të Shalës.
Lugina e Shalës, një zonë e virgjër lumore, e cila vetëm së fundmi është futur në guidat e agjencive turistike, po tërheq një vëmendje të veçantë, për shkak të natyrës së paprekur dhe mundësive të shumta që ofron.
Aventurierët e natyrës mund të shijojnë eksplorimin e zonës me varkë, ngjitjen në majat përreth me pamje spektakolare, si dhe zhytjen në ujin e freskët të lumit të Shalës. Aty ka dhe një plazh të vogël ku mund të bësh dhe banjo dielli.
Ata më aventurierët, arrijnë të shijojnë këtë destinacion të ri duke ngulur çadrat e kampingut për një eksperiencë plotësisht individuale, rrethuar nga majat e larta, për të cilat vendasit tregojnë legjenda mesjetare.
Sipas gojëdhënave, princi Lekë Dukagjini, prijësi i dytë më i rëndësishëm i shqiptarëve pas heroit Gjergj Kastriot Skënderbeu, i kaloi vitet e fundit të jetës në këtë zonë, ku gjen emërtime të tij, si për shembull “Guri i Lekës”, një pikë strategjike që sheh luginën, nga ku mendohej që Dukagjini ruante vendin nga ardhja e turqve.
Lumi i Shalës është një atraksion i ri, i cili ka pak kohë që ka filluar të frekuentohet. Ai i tërheq vizitorët me ujin e kristaltë dhe natyrën e mrekullueshme.
Ky bum turistësh në dy vitet e fundit, i ka nxitur vendasit e përfshirë në industrinë e shërbimit dhe akomodimit të kërkojnë mundësi zhvillimi me nisma që do të financojnë bujqësinë e zonës, në mënyrë që vizitorët të shijojnë prodhime vendase. Aty ka dhe një bar të vogël të ngritur nga investitorë vendas, ku u shërbehet vizitorëve.
Dhe pas disa orëve shëtitje në ujërat e kthjellta, plazh në zhavorrin lumor dhe një dreke të shijshme në qetësinë e natyrës së gjelbër, vizitorët i hipin sërish varkave të vogla për të provuar rrugën e kthimit, e cila gjarpëron nëpër liqenin e Komanit. Dhe brenda ditës je përsëri në Tiranë por… ke kaluar një ditë ndryshe… (atsh)
5 komente në “FOTOT: Shala, kjo mrekulli shqiptare që mahnit turistët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ka shumë turist që na kanë ngelur dopie gjashtë. S’duhet tu krijojm kushte të instalohen pasi jan me origjinë jevgjit.
KUR DO JETE HEC-i I RRADHES NE LUMIN SHALE??
SHUME SHPEJT DO KETE FATIN E VALBONES.
Ca ke shkrujt o popull kot
Hidrocentralet ne uginat e lumenjeve malor, jo vetem japin energji, por planifikojne edhe rezerva e ujit per perdorim me te gjere. E rendesishme eshte te dime qe projekti I nje hidrocentrali perfshin disa projekte, per permiresimin e mjedisit; veshtrohet nga disa ane, gjelberimi I brigjeve, grafiku I ruajtjes se nivelit te liqenit, zhvillimi I peshkimit, orientimi per permiresimin e pyjeve. per zhvillimin e faunes, permiresimin e kullotave per bagetine, sidomos zhvillimin e kullotave per dhite, krijimin e rezervateve me kushte ekologjike natyrore te permiresuara e te orientuara per gjahun turistik si ne zonat pyjore dhe ne liqene. Uji qe rrjedh dhe komandohet eshte shume me turistik dhe I dobishem sesa uji qe vetem rrjedh. Britmat qe hidrocentralet shkatrojne bukurite natyrale te lugines vijne prej atyre qe kujtojne se gjelberimi I brigjeve dhe shpateve te luginave te lumenjeve neper zonat malore, jane me te bukura te qendrojne ne gjendje te eger. Sigurisht natyralia e eger krijon edhe ajo nje ekuiliber, por epoka moderne e bene bukurine e mjedisit te jete nje mjedis me i pershtatem dhe me funksional e me bukuri mahnites, nepermjet projektesh marramendese, jo projektesh te verber shabllon vetem per energji duke shkaruar mjedisin. Sa me shume liqene malore, aq me I kendshem behet mjedisi. Edhe tunelet e gjata qe devijojne rrejedhjen, nuk e cenojne luginen, por liiqenet e pritave qe devijojne lumin krijojne bukuri prrallore.
Krahasoni liginat me hidrocentrale dhe ato pa hidrocentrale, cilat jane me te bukura. Ja p’sh. Lumi I Bistrices me bukuri te jashtezakonshme me dy hidrocentrale, a nuk ka me teper bukuri, dhe perfitime, me energii dhe peshkim?