Trump kërcënon Harley-Davidson me 'taksë të madhe' nëse prodhohet jashtë vendit

Presidenti Donald Trump kërcënoi të martën kompanin Harley-Davidson me një “taksë të madhe” dhe tha se vendimi i kompanisë së motoçikletave për të zhvendosur disa prodhime të motorëve jashtë shtetit, “do të jetë fillimi i fundit”.

Një ditë pasi kompania njoftoi se po lëvizte disa prodhime jashtë shtetit për të zbutur ndikimin e tarifave të Trump mbi çelikun dhe aluminin evropian, shefi i Shtëpisë së Bardhë reagoi nga “Twitter” duke thënë se kompania po përdor “Tarifat / Luftën e Tregtisë si një justifikim” për të fshehur planet e njoftuara më parë për të lëvizur vendet e punës në Azi.

Kompania me qendër në Milwaukee tha të hënën se vendimi i saj erdhi për shkak të tarifave hakmarrëse me të cilat ballafaqohet në një mosmarrëveshje tregtare në rritje mes SHBA dhe Bashkimit Evropian.

Javën e kaluar, BE-ja vendosi tarifa hakmarrëse për mallrat e SHBA , duke përfshirë burbon, lëng portokalli dhe motoçikleta.

Harley-Davidson thotë se shpenzimet e rritura janë një barrë “e konsiderueshme”.

Tarifat e BE-së janë një përgjigje ndaj detyrimeve të reja të SHBA ndaj importeve të çelikut dhe aluminit.

Trump gjithashtu akuzoi Harley-Davidson për marrjen e vendimit për të lëvizur disa prodhime në Tajlandë përpara se të vendoseshin tarifat dhe shpërthente mosmarrëveshja e tanishme tregtare, duke i përdorur tarifat si një “justifikim”.

Por firma e cila gjithashtu ka fabrika në Australi, Brazil dhe Indi, tha se planifikoi uzinën e re pasi Trump u tërhoq nga marrëveshja tregtare e Partneritetit Trans-Pacific (TPP), i cili do të ulte tarifat në Azi.

Duke pasur në shënjestër markën e motoçikletës, presidenti tha se punonjësit dhe klientët e kompanisë ishin “shumë të zemëruar me ta” sepse “ata u dorëzuan, ata u larguan!”

Trump tha gjithashtu nëse ata vazhdojnë me planin e tyre për të lëvizur prodhimin në Tajlandë, “Aura do të zhduken dhe do të tatohen si kurrë më parë!”(TemA TV)

Takimi Kim-Trump, Koreja e Veriut anulon protestat kundër "imperializmit amerikan"

17:39 Bota

"Kufizim udhëtimesh nga emigrantët në SHBA", Gjykata Supreme mbështet vendimin e Trump

17:26 Bota

Presioni ekonomik i SHBA mbi Iranin, Rohani: Do ta përballojmë

14:24 Bota

Vrasja e një politikani çon në pranga të gjithë policët e qytetit

14:05 Bota

Triumfi i Erdogan konsolidon “bllokun Lindor” të ri të burrave autoritarë

11:55 Bota

Po realizojmë fortifikatën Europa

11:44 Bota

FOTOT/ Sulmohet gazeta më të madhe holandeze: Një furgon godet hyrjen kryesore

11:03 Bota

Një palë çorape për të nderuar mikun që erdhi për vizitë

09:26 Bota

SHBA ndjen tarifat e BE-së, Harley-Davidson do të zhvendosë jashtë vendit prodhimin e motorëve

09:07 Bota

Tajlandë: Humbën në shpellën Thai, autoritetet vazhdojnë kërkimet për ekipin e futbollit

18:16 Bota