Te fundit
3 vendime të konkurrencës rekomandojnë uljen e tarifave të Aeroportit të Rinasit
7 Korrik 2018, 10:23Ekonomia
TEMA
Autoriteti i Konkurrencës ka vlerësuar që në një vendim të datës 24 Dhjetor të vitit 2015 se koncesioni i aeroportit të Rinasit ka futur në një stanjacion tregun e fluturimeve në Shqipëri, i cili nuk po merr të njëjtën rritje dhe zhvillim si në vendet e tjera të Europës.
Për këtë arsye Komisioni i Konkurrencës ka kërkuar që në atë kohë liberalizim të shërbimeve që ofrohen në aeroportin e Rinasit si: ulja dhe ngritja e avionëve, shërbimet për pasagjerët, kargo, parkimi i avionëvë dhe ndriçimi i pistës.
Televizioni Klan ka arritur të sigurojë dy vendime të marra njëri pas tjetrit për këtë çështje nga ana e Komisionit të Konkurrencës, drejtuar dy institucioneve përgjegjëse për fushën e aviacionit civil, ministrisë së Transporteve dhe asaj të Ekonomisë, ku i kërkon për të dytën herë që të zbatojë vendimin e vitit 2014 dhe duke bërë rivlerësimin ekonomik të kontratës, dhe orientimin e tarifave drejt kostove reale të tyre.
Vendimet nuk janë bërë asnjëherë publike, dhe kanë mbetur në sirtarët e institucioneve shqiptare. Edhe në faqen e internetit të Autoritetit të Konkurrencës, këto dy vendime nuk ekzistojnë.
Nga ajo kohë e deri më sot, kanë kaluar 3 vjet, por autoritetet shqiptare vetëm tani po kujtohen për të marrë masat e për të nisur procedurat për uljen e tarifave në bazë të nenit të kontratës që i lejon rishikimin e pavarur ekonomik. Kërkesa nga Konkurrenca është bërë 3 herë: në vitin 2014, më 24 Dhjetor dhe më 29 Dhjetor 2015.
Në një përgjigje për televizionin Klan, Autoriteti i Aviacionit Civil konfirmoi nisjen e procedurave për kontraktimin e një eksperti të pavarur me qëllim uljen e çmimeve që u vendosen shoqërive të fluturimit, por pa dhënë përgjigje se përse rekomandimet e Autoritetit të Konkurrencës po zbatohen 4 vjet më vonë.
4 komente në “3 vendime të konkurrencës rekomandojnë uljen e tarifave të Aeroportit të Rinasit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nje fjale thote me mire von se kurre, por kjo ska per tu bere kurre der sa te zhduket hajduteri, babzia, klanet, kriminelat e pa fytyre. Vendi me i varfer ne Evrope me cmimet me te larta.
Eshte gjobe. Prandaj behet mbas 4 vjetesh. Air Albania do filloj operimin shume shpejt dhe nuk fiton pare nese taksohet shume nga aeroporti.. thjesht peshku i madh do haj te voglin..
ka mar leket rama tani mbaroi kesti te ulim biletat Rama dhe 40 hajdut ,Nik ngopen ropqirt
Nuk ka gje,do te udhetojme ne aeroportet e vendeve fqinje.Kete e kemi peshqesh nga hajdutet shqiptare.