Shkarkohet Artan Laze, ishte në "listën e zezë" të SHBA

Gjyqtari i Gjykatës së Tiranës, Artan Lazaj u shkarkua nga detyra të mërkurën, pasi hetimi administrativ i Komisionit të Pavarur të Kualifikimit gjeti më parë se ai nuk kishte të ardhura të mjaftueshme për pasurinë si dhe kishte bërë deklarim të rremë.

Lazaj ishte i pranishëm gjatë seancës së shkurtër të shpalljes së vendimit, që preu në mes karrierën e tij në gjyqësor dhe planet për t’u bërë pjesë e Këshillit të Lartë Gjyqësor. Procesi i rivlerësimit për gjyqtarin Lazaj u zgjat në dy seanca dëgjimore, pas kërkesave të përsëritura të avokatit të tij për përjashtimin fillimisht të trupës gjykuese dhe të kryetares së saj, Brunilda Bekteshi, por pa sukses.

Hetimi i thelluar administrativ arriti në përfundimin se gjyqtari Artan Lazaj kishte burime të pamjaftueshme financiare për blerjen e një apartamenti 120 metra katrorë në Tiranë në vitin 2004; deklarata kontradiktore dhe transaksione jashtë sistemit bankar për blerjen e një apartamenti 128 metra katrorë në Tiranë në vitin 2011, parregullsi në blerjen e një toke prej 1 mijë metrash katrorë në Porto Palermo si dhe mosdeklarim të pjesës takuese të bashkëshortes së gjyqtarit në një apartament në Bulqizë.

Relatori i çështjes tha gjithashtu se subjekti e kishte deklaruar apartamentin që zotëron aktualisht për 120 mijë euro në deklaratën e vitit 2011 dhe 129 mijë euro në deklaratën “veting”.

Gjyqtari Lazaj i hodhi poshtë gjetjet e Komisionit të Pavarur të Kualifikimit dhe u ankua se nuk ishin marrë parasysh provat e dorëzuara prej tij.

“Kam dhënë dënime të përjetshme dhe disa prej tyre nuk janë arrestuar ende nga Policia e Shtetit. Më kanë kërcënuar me jetë, shikoni shkrimet,” tha Lazaj në seancën e 2 korrikut përballë KPK-së.

Laze ka rezultuar një gjyqtar me probleme dhe ndodhet edhe në “listën e zezë” të SHBA-së, pasi i është refuzuar viza amerikane.

Artan Lazaj ka ushtruar detyrën e gjyqtarit si dhe të kryetarit të Gjykatës së Gjirokastrës në vitet 2003-2009. Në vitin 2009, ai është zgjedhur anëtar i Komisionit Qendror të Zgjedhjeve, detyrë të cilën e ka mbajtur deri në vitin 2012.

Në dhjetor 2012, Lazaj është rikthyer sërish në gjyqësor përmes një dekreti të Presidentit të Republikës, i cili e emëroi atë në Gjykatën e Tiranës.

Të dhënat e analizuara nga BIRN tregojnë se gjyqtari Artan Lazaj zotëronte vetëm një apartament të përfituar nga ligji për privatizimet në vitin 2003, kur deklaroi për herë të parë pasurinë.

Në fund të vitit 2017, pasuria familjare e tij kap vlerën e rreth 24.3 milionë lekëve, duke shënuar një rritje mesatare vjetore prej 1.7 milionë lekësh për periudhën deklaruese.

Pasuria e gjyqtarit Lazaj përbëhet nga pasuri të paluajtshme në vlerën e 16.8 milionë lekëve, kursime në cash rreth 5.5 milionë lekë si dhe likuiditete në bankë në vlerën e 1.9 milionë lekëve.

Të ardhurat familjare të gjyqtarit Lazaj për vitet 2003-2017 kapin shifrën e 31.6 milionë lekëve. Rreth 88 për qind e të ardhurave rrjedhin nga paga dhe shpërblimet e gjyqtarit dhe bashkëshortes së tij, ndërkohë që 12 për qind kanë si burim të deklaruar fitimin nga shitja e pronave dhe automjeteve.

Sipas deklaratave të pasurisë, gjyqtari Lazaj bleu një apartament në Tiranë në vitin 2004 për 55 mijë euro dhe e shiti katër vite më vonë për 90 mijë euro. Në vitin 2011, gjyqtari blen një apartament tjetër në Tiranë për 120 mijë euro me burim paratë e kursyera nga shitja e apartamentit të parë [60 mijë euro] si dhe një kredi bankare prej 4 milionë lekësh.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin artimetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik mbi 14 deklarata pasurie të gjyqtarit Artan Lazaj, nga të cilat njëra rezultoi me shtesë pasurie të pambuluar me burime të deklaruara në vlerën e 2.1 milionë lekëve.

Deklarata në fjalë i përket vitit 2004, kur gjyqtari Lazaj bleu një apartament për 55 mijë euro me burim një kredi bankare prej 3.5 milionë lekësh dhe pa burime të tjera të deklaruara. Në këtë analizë, BIRN ka identifikuar gjithashtu si “flamur të kuq” vlerat e konsiderueshme të kursimeve cash të gjyqtarit Lazaj, të cilat në vitet 2008-2015 kapnin vlerën akumulative të 22.4 milionë lekëve.

Një pjesë e këtyre kursimeve u shpenzuan në vitin 2011 për blerjen e apartamentit me sipërfaqe 177 m2 në Tiranë dhe në fund të vitit 2017, kursimet cash kapnin vlerën e 5.5 milionë lekëve.(TemA)

Njihuni me skedën e pasurisë së prokurorit Adriatik Cama: “Flamur i kuq”, një hua prej 6 mijë eurosh

20:50 Kronika

"Zero tolerancë ndaj kultivimit të kanabisit", Xhafaj takime në Londër: Bashkëpunim për çështjet e sigurisë

19:09 Kronika

Pranga policit dhe avokatit në Tiranë: Merrnin 2000 euro për të "zgjidhur punë" me prokurorët dhe gjyqtarët

18:38 Kronika

Reforma, Gjonaj: Do të restaurojmë zinxhirin mbrojtës për të miturit

14:49 Kronika

Lulzim Basha i shmanget përballjes në gjyq, flet Balla: Ai s'ka burrëri, bën politikë me vepra kriminale

13:10 Kronika

Gjyqtari Thanza shpërthen në lot para trupës gjykuese: E mora përsipër vjedhjen në Itali, për të shpëtuar nipin. Mu var në qafë si të isha Zoti

12:01 Kronika

Konflikti me armë në Dhërmi, ish-këshilltari i Tahirit: Ngjarja mund të parandalohej nëse do ishte zbatuar ligji

11:27 Kronika

Çudira shqiptare: Gjyqtari i Gjykatës së Lartë, ka qenë i dënuar në Itali për vjedhje. Nuk justifikon dot as pasuritë

10:26 Kronika

Treni i linjës Elbasan-Durrës del nga shinat, tmerrohen udhëtarët: Ndjemë lëvizjen e fortë, vagonët u ndanë më dysh

09:18 Kronika

Celularët hyjnë kontrabandë, kutitë boshe me doganë

21:10 Kronika