Presidenti amerikan, Donald Trump ka thënë t’i ketë bërë thirrje Britanisë për të vazhduar presionin ndaj Iranit dhe është pajtuar me kryeministren britanike, Theresa May që Teherani të mos ketë kurrë armë bërthamore.

Trump dhe May kanë folur në një konferencë të përbashkët për media, pasi kanë diskutuar në zyrën e kryeministres britanike në Çekërs, më 13 korrik.

Kryeministrja britanike ka deklaruar se “ne jemi pajtuar sot se sapo Britania të largohet nga Bashkimi Evropian ne do të arrijmë një marrëveshje ambicioze në tregti mes SHBA-së dhe Mbretësisë së Bashkuar”, raporton rel.

Ata kanë negociuar edhe për Rusinë në mesin e temave të tjera, derisa May ka falëndëruar Trumpin për mbështetjen amerikane, pasi helmimit të ish-spiunit rus, Sergei Skripal dhe vajzës së tij Yulia në Sallsbëri në muajin mars.

Qeveria brianike fajëson Rusinë për këtë sulm.

Trump gjendet në Britani pas pjesëmarrjes së tij në samitin e NATO-s dhe pak para takimit me presidentin rus, Vladimir Putin në Helsinki më 16 korrik.

Trump ka thënë se me Putinin do të diskutojë për konfliktin në Ukrainë dhe Siri, si dhe për ndërhyrjen e supozuar të Rusisë në zgjedhjet presidenciale të vitit 2016 në SHBA.

Trump ka thënë se administrata e tij ka qenë “jashtëzakonisht e ashpër” me Rusinë.

Presidenti amerikan ka thënë se do të ishte “shumë mirë” nëse Shtetet e Bashkuara do të kishin marrëdhënie të mira me Rusinë dhe Kinën.

Më herët gjatë ditës, Trump ka thënë se marrëdhëniet amerikane me Britaninë janë “shumë, shumë të fuqishme”, ndonëse ai ka kritikuar publikisht strategjinë e kryeministres May për largim nga Bashkimi Evropian. (TemA)

2 komente në “Trump dhe May “pajtohen” për marrëveshje tregtare pas Brexit-it”

™ says:

13 Korrik, 2018 16:18 te 4:18 pm

Kryeministri ynë shkel rregullisht kushtetutën me cënim territorial dhe pasurim vetjak. Se kuptojm me kë e ka ngulur Aneta pasi Kristaqi ka qënë steril. Opozita të rrafshojë Kryeministrin

Përgjigjjuni
BUJARI JU DEGJON says:

13 Korrik, 2018 17:11 te 5:11 pm

Ne fillim propozim tek Makroni…per “bashkejetese” …
Tani “dashuri” e madhe per May,por sigurisht pas “ndarjes”nga “Burri i pare”,BE – ja.
Strategjia po e njejte,”Percaj dhe sundo”…
“Kulaci” dhe “kerbaci”… ne funksionim…
“Pa brire ti je “Mbret”,Pa brire je “Pasha”,pastaj…Pa brire eshte dhe moda”!… ?
E nderkohe,derdhen si shi edhe lote krokodili per Bashkimin Europian!…
Ne fund te fundit,eshte burre,hakun te mos ia hame!
E ka deklaruar me ze te larte:
“Amerika first”!

Përgjigjjuni