Te fundit
Rrëfimi prekës i Muharrem Hoxhës, për Fadil Hasën: E kishim lënë sot të takoheshim tek shtëpia e tij, por… (tregon dhe historinë prekëse të gruas së Hasës)
16 Korrik 2018, 08:48Kulturë
TEMA
Kur përmend Fadil Hasën, nuk ka se si të mos të të shkojë mendja tek Muharrem Hoxha.
Për dekada me radhë, ata kanë qenë një dyshe e pandarë në skenë.
Pas ndarjes nga jeta të Hasës ditën e sotme, Muharrem Hoxha me lot në sy tha se Fadil Hasa ishte i pari që e mori për dore dhe e futi në teatër.
“Ai ishte babai im që më mësoi skenën. Sot në 11 e kishim lënë të takoheshim.
Do shkoja në shtëpinë e tij. Kam shkuar këto ditë në shtëpinë e tij dhe ishte mirë, kemi qeshur, kemi bërë humor si zakonisht.
Sot do shkoja në 11 sërish për vizitë.
Por më mori vajza e tij në telefon dhe më dha lajmin e zi, të ndarjes nga jeta.
30 vjet më parë ai humbi gruan dhe iu përkushtua tërësisht vajzave të tij dhe nipërve e mbesave.
Iu përkushtua shumë familjes pas humbjes së parakohshme të gruas, duke u bërë edhe nënë edhe babë”, tha mes lotësh “Artisti i merituar”, Muharrem Hoxha.
Edhe aktori tjetër i estradës Roland Koça tha se Fadil Hasa ishte babai i humorit.
“Humbëm babain e humorin, gjigandin e humorit. Ai që na bënte shumë për të qeshur, sot na ka mbytur në lot”, u shpreh Koça.
Po ashtu kolegia e tij, artistja e merituar Aishe Stari tha se kjo është një humbje jo vetëm për estradën por për gjithë Shqipërinë.
“Kam humbur jo vetëm kolegun por një njeri shumë të shtrenjtë, të cilin e kam pasur shok klase që në gjimnaz dhe madje për dekada me radhë kemi ndarë së bashku skenën e estradës, të teatrit.
Kjo nuk është një humbje vetëm për teatrin e Durrësit por Shqipëria humbi një aktor të madh”, tha Aishe Stari.
Me vdekjen e bashkëshortes së tij, në moshë të re, Fadil Hasa u tërhoq disi nga humori, megjithatë rolet e tij nuk harrohen duke u kujtuar brez pas brezi.(TemA)
7 komente në “Rrëfimi prekës i Muharrem Hoxhës, për Fadil Hasën: E kishim lënë sot të takoheshim tek shtëpia e tij, por… (tregon dhe historinë prekëse të gruas së Hasës)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Respekt
U prehte na paqe Fadil Kasa.
Ngushellime familjes.
Sapo hapa lajmet e gazetes tani ne mengjes ( ketu ne USA) lexova lajmin per humbjen e aktorit te madh te humorit Fadil Hasa pika loti vazhdojn te me bien mbi tastier duke shtypur keto fjale ngushullimi. Aktor si Fadil Hasa koha i nxjerr rralle. Humbje per familjen dhe shoqerine. Ngushullime familjes per humbjen e njeriut te dashur.
Meri
USA
U preht ne paqe shpirti.I pa harruar kujtimi.
Po,po! Po iken bashk me humoristet dhe humori i bukur Shqiptar. S’ka me humor Shqiperia. Tani ka banalitete , ekstravaganca!
Ngushellim familjes,miqeve e shokeve te Fadil Hases ,ketij kollosi te humorit . Qofte i paharruar!
Ngushellime vajzave te artistit te madh, kolegeve dhe gjithe te afermeve. Lajm i keq…
Sikur te kishte vdekur nje politikan ,askush nuk do te ishte merzitur !Por vdekja e keti artisti gjigand ka prekur gjithe popullin shqiptar ,nga veriu ne jug ! E paste cue zoti ne xhenet !