Te fundit
Zbardhet pasuria e deklaruar e Rovena Gashit: Kur hyri në Prokurori kishte zero lekë, tani zotëron qindra milionë
19 Korrik 2018, 20:10Kronika
TEMA
Prokurorja Rovena Gashi do të përballet me Komisionin e Pavarur të Kualifikimit në kushtet e pezullimit nga detyra dhe nën akuzë për fshehje pasurie. Si ka ndryshuar pasuria e saj dhe “flamujt e kuq” të identifikuar.
Rovena Gashi, prokurorja e pezulluar nga detyra për shkak se është nën hetim për fshehje pasurie do të përballet të premten me Komisionin e Pavarur të Kualifikimit. Trupi gjykues që do të shqyrtojë procesin e rivlerësimit për prokuroren Gashi drejtohet nga Genta Tafa Bungo, Pamela Qirko dhe Lulzim Hamitaj.
Rovena Gashi e ka filluar karrierën në Prokurori në vitin 2004. Ajo ka punuar si prokurore në Tiranë nga viti 2004 deri në vitin 2013, kur u emërua në krye të Drejtorisë së Marrëdhënieve Juridiksionale me Jashtë në Prokurorinë e Përgjithshme.
Gashi e mbajti këtë detyrë deri në fund të dhjetorit 2017, kur kryeprokurorja e re Arta Marku e uli në detyrë. Ndërsa në maj 2018, Prokuroria regjistroi procedimin penal ndaj saj dhe bashkëshortit Dritan Gina, të cilët po hetohen për pasurinë e tyre, ndërkohë që Marku i pezulloi të dy nga detyra.
Çifti i prokurorëve Gashi-Gina iu drejtuan Kolegjit të Posaçëm të Apelimit për të kontestuar vendimin e pezullimit të tyre nga kryeprokurorja e përkohshme, Marku, por kjo kërkesë nuk u rrëzua nga Kolegji.
Gashi u bë pjesë e listës prioritare të vetingut përpara telasheve me pasurinë, për shkak të kandidimit të saj për Këshillin e Lartë të Prokurorisë dhe për Gjykatën e Lartë.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të prokurores Rovena Gashi nga viti 2004 deri në fund të vitit 2017.
Skeda e pasurisë së deklaruar të prokurores së pezulluar, Rovena Gashi për vitet 2004-2017.
Ky raport është prodhuar nga BIRN pas administratimit të deklaratave të pasurisë së këtij subjekti nga Inspektoriatin i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.
Të dhënat e analizuara nga BIRN tregojnë se prokurorja Rovena Gashi nuk kishte asnjë pasuri në vitin 2004-kur dorëzoi deklaratën e parë në ILDKPKI. Në fund të vitit 2017, pasuria familjare e saj kap vlerën e 17.3 milionë lekëve.
Sipas analizës së deklaratave periodike të pasurisë, zonja Gashi zotëron familjarisht 1 apartament në Shkëmbin e Kavajës si dhe një apartament të dytë në Tiranë, dhuruar nga babai i saj. Në fund të vitit 2017, pasuria familjare përbëhet gjithashtu nga 2.1 milionë lekë likujditete në bankë, 1.9 milionë lekë kursime në cash dhe automjete në vlerën e 2 milionë lekëve.
Të ardhurat familjare të çiftit Gashi-Gina për periudhën 2004-2017 kapin vlerën e 36 milionë lekëve. Përveç pagave të dy bashkëshortëve prokurorë, 13.5 për qind e të ardhurave e kanë burimin nga dhuratat e familjarëve.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin artimetik/logjik të deklarimeve të subjektit si dhe “flamujt e kuq’ që identifikohen gjatë kontrollit. BIRN kreu kontrollin aritmetik/logjik mbi 14 vite të deklaruara të zonjës Gashi dhe asnjëra prej tyre nuk rezulton me diferenca të pambuluara.
Megjithatë, BIRN identifikoi disa “flamuj të kuq” në këtë analizë, të cilat lidhen me dhuratat nga familjarët si dhe mospërputhjet e deklarimeve për kursimet cash.
Më konkretisht, në vitin 2005 Gashi ka deklaruar shitjen e një automjeti, i cili nuk rezulton në deklaratën e pasurisë për vitin 2004.
Ndërsa në vitin 2011, çifti i bashkëshortëve ka blerë një apartament me sipërfaqe 105 metra katrorë në Shkëmbin e Kavajës, me burim një kredi bankare dhe një shumë të konsiderueshme parash dhuratë. Në deklaratat e pasurisë së zonjës Gashi nuk rezulton çmimi total i këtij apartamenti, por referuar deklaratës së bashkëshortit të saj ai ka kushtuar 80 mijë euro; nga të cilat 45 mijë euro janë marrë kredi dhe 35 mijë euro janë deklaruar si dhuratë. Në vitin 2013, Gashi ka marrë gjithashtu dhuratë nga babai i saj një apartament me sipërfaqe 137.5 metra katrorë në Tiranë.
Një tjetër “flamur i kuq” i evidentuar janë mospërputhjet me deklarimet e kursimeve cash ndër vite. P.sh., në fund të vitit 2015, Gashi deklaronte se zotëronte cash shumën 800 mijë lekë, ndërsa referuar deklaratave periodike shuma akumulative e kursimeve deri në atë kohë rezulton 3.8 milionë lekë. Ndërsa një vit më vonë, në 2016, Gashi deklaron se ka depozituar në një llogari bankare 10 mijë euro me burim kursimet ndër vite.
Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo mbulohet me burime të ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.
Deklarata e pasurisë për vitin 2004
Deklarata e pasurisë për vitin 2005
Deklarata e pasurisë për vitin 2006
Deklarata e pasurisë për vitin 2007
Deklarata e pasurisë për vitin 2008
Deklarata e pasurisë për vitin 2009
Deklarata e pasurisë për vitin 2010
Deklarata e pasurisë për vitin 2011
Deklarata e pasurisë për vitin 2012
Deklarata e pasurisë për vitin 2013
Deklarata e pasurisë për vitin 2014
Deklarata e pasurisë për vitin 2015
Deklarata e pasurisë për vitin 2016
Deklarata e pasurisë për vitin 2017
10 komente në “Zbardhet pasuria e deklaruar e Rovena Gashit: Kur hyri në Prokurori kishte zero lekë, tani zotëron qindra milionë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ka fituar loto.
Asakush nga “kokat” e medha te shtetit dhe nderkombetareve nuk ka shtruar pyetjen:
-Kush jane shkaqet qe gjyqtaret dhe prokuroret e Shqiperise u bene te korruptuar miliardere?
Kesaj pyetjeje po i pergjigjem une,qe nuk jam jurist,por kam llogjiken e nje qytetari te ndershem intelektual!
1-Legjislacioni ne Shqiperi eshte hartuar qe t’i sherbeje klikave ne pushtet prandaj ligjet jane hartuar ne kundershtim me Kushtetuten e RSH dhe shume prej tyre me fuqi prapavepruese duke shkelur parimin e SIGURISE JURIDIKE qe eshte edhe baza e jurisprudences boterore!
2-Kryetareve te partive u eshte dhene fuqi qe te hartojne listen e kandidateve per deputewte,ministrave,gjyqtareve,ambasadoreve,doganiereve etj,pra te jene Sulltane ,prandaj e gjithe piramida shteterore eshte ne sherbim te sulltanit e jo ligjit!
3-Gjyqtaret dhe prokuroret i propozon kryeministri dhe formalisht i miraton presidenti.
Pra keta njohin si padron kryeministrin e jo ligjin!
4-Ne keto 28 vjet vendimet e gjyqtareve te te gjith e shkalleve te gjyqsorit nuk kontrollohen dshe gjykohen nje per nje nga njerez te specializuar te vete gjykatave,ministrise se Drejtesise,pervec se shkallet me te larta te gjyqsorit!
Gjyqtaret kane nje ngarkese skandaloze aq sa dosjet i lexojne per disa minuta para fillimit te seancave gjyqesore,pra SHKEL E SHKO!
Gjyqtaret nuk arsyetojne ne vendimet e tyre ne baze te ligjeve,por sipas precedenteve te meparshem,gje qe ben tre mundur padrejtresine dhe korrupsionin!
5-Gjyqtaret ne shume raste i perdorin ekspertet gjyqesore si SEKSERE#.
Kjo vertetohet nga fakti se eksperteve nuk u jepet vendimi juridik per te bere llogaritjet e demshperblimeve,por u jepen detyra,qe nenkupton cdo gje vetem drejtesi jo!
Gjyqtari Gentian Medja i Gjykates Administrative te Shkalles se Pare Tirane,i vuri detyre ekspoertes qe llogaritjet e saJ T’I BENTE NE 10 VARIANTE!
PRA SIPAS KETIJ GJYQTARI E DREJTA NUK ESHTE NJE,AJO QE TA JEP LIGJI,POR SIPAS DESHIRES DHE INTERESIT TE GJYQTARIT DHE EKSPERTIT!
DHE KJO PRAKTIKE NDIQET NGA TE GJITHE GJYQTAREWT DHE ASKUJT NUK I SHKON NE MENDJE SE KY ESHTE BURIM I MIREFILLTE KORRUPSIONI!
DHE PASTAJ KERKOJNE QE TA GJEJNE KORRUPSIONIN VETEM TEK AJO CFARE KANE RAPORTUAR VETE GJYQTARET ZYRTARISHT!
NUK KA KORRUPSION PA BERE PADREJTESI,PA SHKELUR LIGJET,PA DENUAR VIKTIMEN DHE MBROJTUR FAJTORET!
DHE KJO GJENDET VETEM DUKE VERIFIKUAR TE GJITHA VENDIMET E GJYQTAREVE QE NGA VITI 1990 E DERI ME SOT!
KUSH KA SHKELUR LIGJIN ESHTE I KORRUPTRUAR,HAJDUT,KRIMINEL dhe duhet gjykuar si i tille duke u shporrur nga drejtesia!
Keshtu behet reforme ne drejtresi e jo keshtu si po i bejne keta!
Kjo ka punu fort me gojore pranaj ka kaq lek
Poshte shteti socialist qe nuk te linte te behej korrupsion!
Rrofte kapitalizmi qe te ben miliardere pa djersen e sumes!
Po nuk iu hoqen titujt Enver Hoxhes nuk luftohet korrupsioni!
GIJOTINA per degjeneratat e korruptuara ,ndyresira qe
qelbin rruzullin tokesor dhe revoltojne cdo te ndershem.
Keto jane vetem “maja e aisbergut” ! Kjo ruspi ka fsheur
miliona euro,jo leke nen “dyshek” …….! Po te gerrmoni
si Tarja jam i bindur se ashtu si Tarja do t’i gjeni milio-
nat…….! Idem edhe per LLallen ku parate i ka fshehur
jo vetem ne Shqioeri por edhe neper bankat Off shore
te botes, nga Panamaja deri ne Zelanden e Re. Keto qe
ka zbuluar BIRN jane ,edhe nje here ” maja aisbergut”
Answer: Wy my comment is submission failure ?…..
KETO ISHIN GRUP KRIMINAL I STRUKTURUAR ME DREJTUES LLALLEN, DHE ZEVENDESA ROVENA GASHIN E AGRON GJANAJN, NDERSA GINA JU BENTE ROJE KUR E BENIN TRESHE
“flamujt e kuq”=parregullesi qe lene per dyshime
Si s’me dhuroi mua ndonje cope gje ndonjeri nga njerezit e mi! Paskan qene me te keqinj se njerezit e Gashit.