INTERVISTA në Shqiptarja.com/ Shota e Haklajve numëron krimet e Berishës: Ja si i ekzekutoi Sokolin, Ibrahimin, Shkëlqimin dhe Arturin. Ju tregoj skenarin e vrasjeve seriale në Tropojë

Zylfije Haklaj ka thyer heshtjen 16 vjeçare duke treguar historinë e vrasjeve në Tropojë dhe rolin e ish-presidentit Sali Berisha si personi kryesor që fshihet pas tyre.

Shota e Haklajve, duke folur për gazetarët e Shqiptarja.com, rikujton se si filloi konflikti mes dy familjeve Haklaj dhe Berisha, dhe pasojat që pati rrefuzimi i thirrjes së Berishës për trazira nga Fatmir Haklaj.

“Më datën 22 qershor 1997 pas mesit të natës në dalje të Milotit vriten nga bandat e Saliut, Sokol Haklaj jurist i cili punonte në Skrapar, dhe Ibrahim Rrustemaj, të cilët udhëtonin bashkë me Fatmirin në drejtim të Tropojës. Fatmiri merr dy djemtë e vdekur dhe niset në drejtim të Tropojës per tek Trageti, ku udhëtonte edhe Sali Berisha dhe forcat e tij të sigurisë për një miting në Tropojë datën e nesërme.

Fatmiri së bashku me të vdekurit në makinë nuk lejohen të udhëtojnë me traget. Lajmi në Tropojë kishte mbërritur për djemtë e vrarë, dhe familjarët shkojnë tek trageti që të marrin të vdekurit, dhe atje marrin lajmin që nuk janë lejuar të udhëtonin me traget. Ky qëndrim i ka irrituar familjarët tanë, ku pesha kryesore ka rënë mbi Sali Berishën.

Po është zhvilluar dhe hapja e mitingut nga Saliu fillon me fjalë fyese dhe përçarëse, në vend që të ngushëllonte familjarët e të vdekurve, për fatkeqësinë e ndodhur, natën gjatë rrugës për në shtëpitë e tyre. Nga Saliu në këtë miting ne quhemi horra dhe të lidhur me serbin. Por unë do t’i thoja Saliut se kush jemi ne ti e di, por kush je ti a e di? Saliu i njeh të gjithë dhe familjarët e tyre, por unë mendoj se duhet të njohë më mirë veten e tij dhe të afërmit e tij.

Ngjarja e Milotit ku vriten Sokol Haklaj dhe Ibrahim Rrustemi natën e udhëtimit të eskortës së Saliut la shumë për të dëshiruar për këto vrasje. Kështu që familjarët të irrituar për vrasjet dhe për shtyrjen e varrimit të vdekurve, ku njerëzit ishin lajmëruar, udhëtojnë për tek mitingu për të dëgjuar dhe pse jo edhe për të thënë fjalën e tyre.

Kur Saliu i quan horra dhe të lidhur me serbin ata që përkrahnin kandidatin socialist, ka reaguar vëllai jonë Shkëlqimi, i irrituar për gjithçka që po ndodhte në sytë e tyre. Në këtë moment Salihi urdhëron uniformat e tij, që ta marrin me vete Shkëlqimin. Këtu lind pyetja, a janë të gjithë njerëzit të barabartë para ligjit?

Përse për Saliun lejohet të shajë dhe të shpifë e mashtrojë, kurse të tjerët nuk mund as të varrosen në kohën e caktuar dhe as të reagojnë për fjalët fyese e poshtëruese përpara publikut të dala nga goja e Presidentit të Republikës?

Salihu ka kohë që ka dalur nga vendlindja, por ai e di shumë mirë që dinjiteti dhe nderi është i rëndësishëm për njerëzit patriot të cilët munden edhe të mendojnë ndryshe sodomos në demokraci”, përfundon rrëfimin e saj Shota e Haklajve.

Jo vetëm "prerje kokash": Konfirmohet në detyrë gjyqtarja e Krimeve të Rënda

10:26 Kronika

Zbardhet pasuria e deklaruar e gjyqtarit Ervin Metalla, ja "flamujt e kuq" që mund ta djegin

20:14 Kronika

Televizioni belg: Shqipëria po lufton korrupsionin për të qenë pjesë e BE

18:42 Kronika

Zbardhet pasuria e deklaruar e prokurorit Arben Nela, problem kredia 75 mijë euro dhe një tjetër 40 mijë euro për “mjekim”, por që e përdori për një apartament

18:18 Kronika

U bllokuan në Sazan për shkak të motit të keq, shpëtohen 50 turistët

16:11 Kronika

Vettingu: Gjyqtarja e Apelit kalon hetimin administrativ, drejt konfirmimit në detyrë

16:13 Kronika

DETAJET: Shqipëria nuk gjen paqe nga tërmetet, lëkundje të forta në Tiranë

15:09 Kronika

Goditen nga rrufeja, tre të plagosur në Shkodër

15:02 Kronika

FOTOT: Armë zjarri e drogë në pikën e basteve, pranga tre të rinjve

13:56 Kronika

Ferma kanabisi në Australi, policia: Shumica drejtohen nga grupet shqiptare dhe vietnameze

11:10 Kronika