Te fundit
Veliaj takon senatorin italian, Luciano D’Alfonso: Jeni një pikë referimi ndërkombëtare për qeverisjen
29 Shtator 2018, 15:05Sociale
TEMA
Kryetari i Bashkisë së Tiranës, Erion Veliaj priti në takim Senatorin italian, Luciano D’Alfonso, i cili më parë ka ushtruar detyrën e Presidentit të Rajonit të Abruzos dhe atë të kryetarit të Bashkisë së Peskarës, ku jeton një komunitet i madh shqiptarësh.
Temë kryesore e bisedës mes kryebashkiakut Veliaj dhe Senatorit D’Alfonso ishte forcimi i bashkëpunimit mes dy vendeve, nxitja e investimeve italiane në Shqipëri, si dhe shkëmbimi i eksperiencave më të mira mes dy vendeve në fusha të ndryshme.
Senatori Luciano D’Alfonso vlerësoi ndryshimet që ka pësuar Tirana dhe theksoi se kryebashkiaku Veliaj përfaqëson një pikë referimi jo vetëm kombëtare, por edhe ndërkombëtare për qeverisjen e mirë.
“Jam shumë i kënaqur që gjendem sërish në qytetin e Tiranës, për t’u përshëndetur me kryebashkiakun e Tiranës, i cili për mua përfaqëson një pikë referimi jo vetëm kombëtare, por edhe ndërkombëtare për qeverisjen e mirë”, tha D’Alfonso. Ai vlerësoi përparimin që po bën kryeqyteti shqiptar në përmirësimin e infrastrukturës dhe të cilësisë së jetës së qytetarëve. “Njihem me hapat e mrekullueshëm që janë bërë nga pikëpamja e cilësisë së jetesës, për ambicien e strukturimit si një qytet funksional”, tha senatori D’Alfonso.
Sipas tij, në Tiranë ekziston një klimë më e mirë e të bërit biznes dhe qyteti ka aftësi për të thithur investimet e huaja, të cilat gjejnë terren të favorshëm për të ushtruar veprimtarinë e tyre ekonomike. “Në Tiranë gjen shumë mirë edhe projekte investimi nga sipërmarrës italianë.
E gjithë kjo i shkon si meritë atij që sot është në qeverinë qendrore, Edi Ramës, por shkon edhe si meritë e atij që është në qeverisjen lokale. Shoh se ju keni kapacitetin për identifikimin e pritshmërive të qytetarëve, të sipërmarrësve dhe keni ndërtuar një qytet që ecën me shpejtësinë e Europën”, nënvizoi senatori D’Alfonso. Kryebashkiaku Veliaj bëri një paraqitje të transformimit të Tiranës, duke u ndalur në mënyrë të veçantë te punët dhe zhvillimi që ka pësuar kryeqyteti shqiptar në vitet e fundit.
Ai vlerësoi marrëdhëniet miqësore që ekzistojnë mes vendeve dhe u shpreh optimist për avancimin e mëtejshëm të bashkëpunimit e të rritjes së numrit të investitorëve të huaj.
“Është një moment special për marrëdhëniet midis Shqipërisë dhe Italisë. Qeveritë ndërrojnë, por njerëzit mbeten, dhe raporti që kemi mes njerëzve është një raport i jashtëzakonshëm, ndaj mezi pres gjithashtu që investimet Abruceze në Tiranë apo në Shqipëri, ato që janë biseduar edhe me kryeministrin edhe me Bashkinë, të mund të ecin përoara.
Sot sipërmarrësit nuk duhen anatemuar, sipërmarrësit janë për t’u përqafuar, nuk mund të bëjmë politikë nëse nuk ka sipërmarrës që punësojnë njerëz, që eksperimentojnë në fusha të reja dhe që në fund i zhvillojnë të dyja kombet, si këndej, si andej Adriatikut”, deklaroi Veliaj.
Duke vlerësuar kontributin pozitiv që Luciano D’Alfonso ka luajtur në të kaluarën, si President i Rajonit të Abruzo-s dhe atë të Kryetarit të Bashkisë së Peskarës, Veliaj shprehu besimin se kjo urë e bashkëpunimit mes Shqipërisë dhe Italisë do të forcohet akoma më shumë në nivelin qendror.
“Falenderoj Presidentin e Abruzos për bashkëpunimin që kishim gjatë kohës që ai ka qenë President i Abruzos më parë, dhe me Edi Ramën kur ka qenë kryetar i Bashkisë së Peskaras, por tani që është në Senatin italian, shpresoj që kjo urë e bashkëpunimit mes Shqipërisë dhe Italisë do të forcohet akoma më shumë tani në nivelin qendror. Mezi pres që kjo marrëdhënie të shkojë më larg dhe më gjatë”, nënvizoi Veliaj.
4 komente në “Veliaj takon senatorin italian, Luciano D’Alfonso: Jeni një pikë referimi ndërkombëtare për qeverisjen”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lidhuni me turkun se turqia na con ne Europe ha ha ha
Eja jeto nje dite si qytetar i Tiranes zoti Senator, per te mesuar se “sa e mire ” eshte qeverisja e Veliajt !
Ndonje mafiozllik ka ne keto takimet me politikane.Politikanet ku te ndukin e te vjedhin ndonje cope per veten e tyre mendojne.Takimet frutedhenese behen me industriale dhe investitore serioze,jo me politikane shushunja.
Ta – rras a thua do e kuptoj per nje dite Senatori poshtersite qe ka bere Erjon Veliaj ??????????????
– Shkaterrimi perfundimtar te Liqenit dhe Parkut artificial te Tiranes , pa uje , pa rruge te brendeshme , pa jeshil – llik , pa Kend-lojrash per Kalamojat ……po ene per ata Pleqte pensionista…..
– Degradimi i Pazarit te ri , qe te vjen turp kur shkon a s`ka njerez , eshte bosh fare e kundermon nga era e Peshkut ,
– I vuri kazmen Sheshit Skenderbej , bile i futi edhe nje Parkim nentokesor poshte , per faqe te zeze ,
– I prishi te gjitha kopshtet dhe cerdhet e dikurshme , aq te bukura e me hijeshi …. Shkollave ja u hoqi hapesirat dhe kendet Sportive , i zhgarraviti dhe jau hoqi suvane nostalgjike te kohes se ndritur , …. pa lere me ate Sh. Kosova e baltosi fare edhe ate pak hijeshi qe kishte Rr. Ebasonit…,
– Bombardoj te gjithe Infrastrukturen Rrugore ….bile , do edhe me e bo Tironen me rruge …… …si i thone mer cun…se e harrova….Dyrrotake me duket apo latinisht si i thone se spo me kujtohet…… …….ehh se e gjeta Rruge apostafat per Bicikleta…….turpi i Zotit po ta shohin Hollandezet do bij Atak ne Zemer……….
– Do me shku te Bregu i Lumit me nji Piste te shemtut , seca thot , do me zgjatu dicka ku te thyjne koken Njerezit , Bicikletat , Makinat …..pa ndricim bashkohor , pa jeshil – llik , pa as- i – gjo……..ka vu ene i Tren t`shemtut aty me tregu se paska qen Stacion Treni … thot ai rrenacaku – se asnji nuk e di ca ka qen anej nga Bregu i Lumit…….gjith Plenat e Tirones anej jane grrubullu……..
– Ene qe thu tina – mono , Ta-rraso…….futi noi Pace me noi gote Raki se poshtersite e Erjonit vetem tu qone tape mund ti harrosh…..ska mo katil se ai………