"U fshinë kamerat e komisariatit për të mbuluar Ballën", Ministria e Brendshme përgjigje Alibeajt: Ja si është e vërteta

Ministria e Brendshme ka reaguar lidhur me akuzat e deputetit të Partisë Demokratike Enkelejd Alibeaj i cili tha se nga komisariati i policicisë në Fushë-Krujë është fshirë serveri i kamerave.

Ky institucion i cilëson akuzat si baltë që hidhet drejt Policisë së Shtetit duke treguar versionin zyrtar të ngjarjes.

Ndër të tjera në reagim thuhet:

“Lidhur me deklaratën e deputetit të PD-së, Ministria e Brendshme sqaron se:
PD-ja po vijon të sulmojë me fakte të deformuara dhe të hedhë baltë pafund mbi Policinë e Shtetit.

Për çdo kërcënim të pretenduar, Policia e Shtetit ka kryer veprimet proceduriale në mënyrë profesionale dhe ka referuar dosjen për ndjekje të mëtejshme në Prokurori.

E ka bërë këtë me denoncuesen Xhisiela Maloku, edhe pse ajo u tërhoq nga kallëzimi, që prej datës 23 korrik 2018, e ka bërë këtë edhe me denoncimin e ish-oficerit që braktisi detyrën, Emiljano Nuhu, që prej 30 korrikut 2018.

Çdo veprim i Policisë së Shtetit dhe i SHÇBA-së, që është investuar që nga momenti i parë i bërjes publike të pretendimeve, janë transparente dhe të referuara në Prokurori. Hetimet po drejtohen nga ky institucion dhe janë deleguar një sërë veprimesh, që ndihmojnë për zbardhjen shpejt të ngjarjes, zbardhjen e plotë të rrethanave, sqarimin e çdo pikëpyetjeje të publikut dhe ajo që është më e rëndësishmja, të përballen personat e implikuar me përgjegjësitë penale.

Në respekt të publikut, SHÇBA-ja sqaron se janë marrë në pyetje jo vetëm punonjësit e Policisë në Krujë, Fushë Krujë, Durrës, Berat e Tiranë, por edhe persona të tjerë që mund të kenë dijeni për faktet.

Referuar deklarimeve të zyrtarit të radhës së PD-së, është realisht e provuar dhe me dokumente se pretendimi për kërcënim i ish-oficerit Nuhu është duke u hetuar që nga momenti i parë i denoncimit. Dhe këtë hetim nuk po e drejton Policia, por Prokuroria e Rrethit Gjyqësor Tiranë.

Gjithashtu, i rikujtojmë juristit Alibeaj, se në momentin kur çështja referohet në Prokurori është vetëm ky institucion, Zot i saj, dhe Policia e Shtetit është vetëm në funksion të hetimit. Të gjitha deklaratat dhe akuzat me sfond të qartë politik janë vetëm përpjekje për të intimiduar agjencitë ligj zbatuese dhe vonuar apo penguar zbardhjen e së vërtetës.

Koha kur Ministra, firmosnin urdhra drejtuar Prokurorisë dhe bëheshin Zot të çështjes, për të mbuluar paudhësitë e qeverisjes së kohës, nuk ekziston. I kujtojmë z. Alibeaj, megjithë sikletin që mund të ketë patur, se publiku e ka ende të freskët skandalin ligjor të ish-ministrit të Drejtësisë në Prokurorinë e Tiranës, për një dosje që shqetësonte pushtetin e kohës.

Në mbyllje, Ministria e Brendshme, Policia e Shtetit dhe Shërbimi për Çështjet e Brendshme dhe Ankesat mbeten të hapura, transparente dhe nxisin fort Prokurorinë për të zbardhur shpejt të vërtetat dhe rrethanat për gjithë akuzat e ngritura”, nënvizohet në komunikatë.(TemA)

PËRPLASJA, Basha i përgjigjet Ramës: Je kapur mat o kryekaragjoz, po mbron Ballën siç mbroje Roshin

15:55 Politika

Rama tallet me PD: Nëse Balla ka qenë në komisariat me armë, Basha ka qenë në pushtet me votë dhe Saliu ka qenë në Hollivud

15:20 Politika

Fenomeni në vite, LSI: ç’armiqësi me PS-në, ç’miqësi me PD-në!

12:35 Politika

Balla përgjigje demokratëve nga shkolla në Mengël: Gënjyet disa banorë se gjoja do mbyllej kur në Këshillin Bashkiak mbështetët rikonstruksionin, turp që bëni politikë veç me shpifje

12:32 Politika

Kryemadhi prezanton operacionin për rrëzimin e Ramës: Nuk kthehemi më në parlamentin e bandave për të qenë dekor, mos i besoni më Ramës se është mashtrues i madh

11:25 Politika

Fidel Ylli: Si më bindi Rama t’i hyj politikës, por nëse do më presë në besë… Kur të tjerët merrnin kallashë në duar, unë bëja pallate dhe rrija i ruaja natën

10:48 Politika

Ministri Bushati sulmon politikën serbe: Keni retorikë të shekullit XIX në lidhje me Kosovën, marrëdhënia shqiptaro-serbe ka një elefant në dhomë

10:00 Politika

Dash Shehi kërkon elektorat tek muxhahedinët: Sali Berisha ju solli në Shqipëri, ju mbështesim

10:04 Politika

Përkthyesi i Enverit: Ja komentet armiqësore që i dëgjoi gruaja ime në radhë me gratë te "Arka e Kursimeve" në "Tiranën e Re"

07:45 Politika

Monika Kryemadhi kundër Bashës, skenari i ri: Nuk do të ketë më mbledhje në rrethe

09:10 Politika