Te fundit
VIDEO: Mema debuton me humbje tek Tirana, Flamurtari mbyll me fitore fazën e parë
22 Tetor 2018, 19:49Sport
TEMA
Tirana nuk ka mundur dot që të dal me pikë nga ndeshja e fundit e fazës së parë të Kategorisë Superiore duke marrë një tjetër disfatë, kësaj rradhe nga skuadra e Flamurtarit.
Kuqezinjtë e drejtuar nga trajneri Ilir Daja, nuk zhgënjyen në fushën e tyre përballe bardhebluve duke marrë një tre pikësh me mjaft vlera pas triumfit me shifrat e ngushta 1-0.
45-minutat e para u mbyllën me rezultatin e bardhë 0-0, në një pjesë ku Tirana ishte më kërkuese për të gjetur rrugën e rrjetës por që nuk arriti dot të ishte e saktë përballë portierit Enea Koliçi.
Këtë që nuk e bën 24-herë kampionët e vendit, e bën Flamurtari që shënoi golin e fitores në minutën e 72-të me anë të brazilianit Danilo Alvesh që arriti të mposhtë Ilion Likën pas një vendosje të gabuar të mbrojtasve të Tiranës.
Një sukses i rëndësishëm për Flamurtarit që e mbyll fazën e parë me fitore duke u renditur në vendin e pestë me 14-pikë.
Ndërkohë, trajneri Ardian Mema që bëri dhe debutimin në stolin e Tiranës e nis me humbje këtë aventurë duke bërë që ekipi i tij të qëndrojë në kuotën e 8-pikëve në vendin e shtatë.
Më poshtë goli i fitores së Flamurtarit i shënuar nga Danilo Alvesh. (TemA)
Klasifikimi i Kategorise Superiore pas javes se 9-te.
1 komente në “VIDEO: Mema debuton me humbje tek Tirana, Flamurtari mbyll me fitore fazën e parë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me kete humbje, Tirana pergatitet te zbrese serish aty ku ishte vitin qe shkoi. Asnje shenje pozitive nuk ka te ky ekip! Nostalgji e pafund per ekipin e madh te viteve ’80, qe veshtire se vjen me!