Te fundit
VIDEO: Juventus "magjik", mposht në "Old Trafford" Man.United
23 Tetor 2018, 22:54Sport
TEMA
Juventusi është fituesi i super sfidës së mbrëmjes së sotme duke mposhtur në “Old Trafford” ekipin e Manchester United.
Të besuarit e teknikut, Massimiliano Allegri triumfuan me rezultatin e ngushtë 1-0, fal një goli të shënuar që në pjesën e parë nga ana e Paulo Dybalës.
Sulmuesi argjentinas mposhti në minutën e 17-të David De Gean pas një aksioni të bukur nga bardhezinjtë që u konkretizua në mënyrë të saktë nga Dybala.
Një gol që vendosi fatin e ndeshjes e cila për 90-minuta dhuroi mjaft spektakël dhe emocione, por ata që dolën të lumtur nga ky takim ishin kampionët e Italisë të cilët hedhin një hap të sigurtë drejt kualifikimit për në fazën tjetër të këtij kompeticioni.
“Zonja e Vjetër” kryeson grupin H me 9-pikë të plota, ndërsa Manchester United klasifikohet në vendin e dytë me katër pikë.
Ndërkohë, në takimet e tjera Reali i Madridit është rikthyer tek fitorja pas një serie të gjatë të rezultateve negative.
Kampionët në fuqi të Europës triumfuan në “Santiago Bernabeo” përballë modestëve të Plzen me rezultatin e ngushtë 2-1.
Golat e fitores për Realin u shënuan nga ana e Karim Benzema dhe Marselo, ndërsa për miqtë shënoi Hrosovsky.
Manchester City shkatërroi në transfertë skuadrën e Shakhtar Donetsk me shifrat 3-0.
Një sukses i merituar për ekipin e Pep Guardiolës të cilët dhuruan një 90-minutësh spektakolar, duke shënuar me anë të David Silvas, Laporte, dhe Bernado Silvës.
Rezultatet e të gjithë ndeshjeve të mbrëmjes së sotme dhe goli i shënuar në ndeshjen Manchester United-Juventus. (TemA)
Young Boys- Valencia 1-1
AEK-Bajern Mynih 0-2
Ajax-Benfica 1-0
Roma-CSKA Moscoë 3-0
Hoffenheim-Lyon 3-3
Manchester United-Juventus 0-1
Real Madrid-Plzen 2-1
Shakhtar Donetsk-Manchester City 0-3
Goli i shenuar nga Dybala
Lini një Përgjigje
Më të lexuarat
24 oret e fundit
Javen e fundit
Blog Tema
