Grekët refuzojnë propagandën e mediave të tyre: Nuk na duhet një Rambo i ç’ekuilibruar për të ngritur flamurin tonë

Ajo që ndodhi ditën e djeshme në Bularat është portretizuar nga mediat greke si një vrasje politike, e kryer nga forcat shqiptare, për të penguar që Konstandin Kafica të ngrinte flamurin grek në varrezat e ushtarëve helen në Bularat.

“Skai”, një prej portaleve më popullore në Greqi në fakt raportonte më këtë titull, i vrarë sepse tentoi të ngrinte flamurin. Megjithatë, shumica dërrmuese e grekëve, në komentet e të njëjtit portal, përbuzin tonet nacionaliste me të cilat është shkruar artikulli.

Në fakt, komentet më të vlerësuar në portalin në fjalë, dalin përtej propagandës zyrtare dhe shkrujnë se përse një shtetas grek, duhet të merrte kallshnikovin dhe të qëllonte ndaj policisë shqiptare? Madje, disa shkruajnë që “është fat që nuk u vra asnjë shqiptar, ndryshe ky i çmendur do të na krijojnte një incident diplomatik”.

Komenti më i lexuar, në fakt shkruan: “Ky person duket se sa ka parë Rambon dhe i armatosur, shkon në një vend tjetër për të ngritur flamurin grek. Është absurde, jam i sigurt që vuan nga probleme psiqike. Le të mos dalim në komente të nxituara”.

Aristea, një komentues i dytë, shkruan se “kushdo që nuk i njeh vuajtjet e shqiptarëve të Greqisë, nuk ka të drejtë të flasë për nacionalizëm”.

“Asnjë flamur grek nuk ishte përtokë. Pse duhet të na ngrinte flamurin ky person. Veprime të tilla vendosin në rrezik marrëveshjen e arritur me Shqipërinë, për të respektuar të rënët tanë të Luftës së Dytë Botërore”, shkruan me tone shqetësuese një tjetër komentues.

Stefanos Zois, një qytetar grek, nga ana e tij tallet me tonet e artikullit, “duke e konsideruar si të pavlerë, letër higjenike, gazetari e turpshme”.

Një tjetër nga komentuesit më të pëlqyer të rrjetit, konstanton: “I veshur me kamuflazh ushtarak, i armatosur deri në dhëmbë dhe i vendosur për t’u përballur me fatin e tij. Nuk duhet të themi as bravo, as të ndiejmë keqardhje. Për fat të mirë, asnjë shqiptar nuk u vra në këtë incident. Ndryshe, do të kishim krijuar një episod diplomatik dramatik”.

Pavarësisht kësaj, Ministria e Jashtme e Greqisë iu drejtua sot Shqipërisë me një notë zyrtare, në të cilën e konsideronte ngjarjen si një incident të pajustifikuar, duke kërkuar hetimin e tij deri në fund.

Tentativës së politizimit të kësaj çështje, Ministria jonë e Punëve të Jashtme iu përgjigj edhe ajo me një notë, në të cilën shprehte keqardhjen për politikën e përshtatur nga Athina Zyrtare.

Ndër të tjera, në këtë deklaratë shkruhet: “Ministria për Evropën dhe Punët e Jashtme shpreh zhgënjim për reagimin e Ministrisë së Punëve të Jashtme të Greqisë, e cila jo vetëm nuk dënon sulmin me armë ndaj forcave tona të rendit, po flet për “humbje jete të papranueshme”.

Një reagim zyrtar postoi edhe Kryeministri Edi Rama, i cili shkruajti: “Fqinj të dashur! Në vend ta quani të papranueshme humbjen e jetës së një të fandaksuri që qëlloi me plumba luftarakë mbi policinë tonë, e cila bëri vetëm detyrën e saj, bashkohuni me ne në falenderimin e Zotit që asnjë jetë e pafajshme nuk humbi sot nga marrëzia ekstremiste”.

Të mërkurën seancë e jashtëzakonshme për dialogun Kosovë-Serbi

13:25 Rajoni

10 shtete të BE kundër liberalizimit të vizave për Kosovën

10:17 Rajoni

Haradinaj për median kroate: Serbët ta harrojnë Trepçën e Gazivodën

20:31 Rajoni

Vrasja e ekstremistit grek, Ministria e Jashtme shqiptare: Jo politizim të pajustifikueshëm, duhet maturi

19:31 Rajoni

Emri i ri, sfida e amendamenteve kushtetuese në Maqedoni

12:21 Rajoni

Një rrëfim dhe një boshllëk

11:59 Rajoni

"Ndryshimi i kufijve mes Kosovës dhe Serbisë, opsion real"

09:58 Rajoni

Italia do t'i kërkojë falje Greqisë për shpalljen e luftës në vitin 1940

21:45 Rajoni

Këshilltari i Erdogan: Greqinë e shkatërrojmë brenda 3-4 orësh

21:26 Rajoni

"Shqiptarët e Kosovës janë kriminelë, qendra botërore e tregtisë me drogë është Prishtina", një përgjigje për llomotitjt e Serbisë

15:58 Rajoni