Secili hallin e vet tek "Unaza e Re"…!

Nga Mero Baze

Ajo që po ndodh tek “Unaza e Re” është një tragji-komedi. Për gati një muaj banorët që preken nga prishja e objekteve, mblidhen aty në shumicën e ditëve nën shi dhe kërkojnë një dëmshpërblim të pranueshëm për shtëpitë e tyre, me qëllim që të rifillojnë jetën diku tjetër. Problematike mbetet kategoria e të palegalizuarve, të cilët janë nën makthin e mbetjes në rrugë dhe janë shumë agresivë.

Agresiviteti i tyre është i justifikuar me mungesën e perspektivës që ata kanë pas prishjes shtëpive dhe pafuqinë për ta bindur qeverinë që t’i pagujë të gjithë.

Maksimumin e agresivitetit të tyre befas u kujtua ta përdorë Partia Demokratike. Ajo për gati dy javë që është çdo natë tek “Unaza e Re”, por nuk ka të njëjtin hall me banorët. Ajo ka hallin e çmimit të tenderave të Unazës. Një prej tyre e ka marrë Kumbari i vajzës Lulzim Bashës dhe quhet në rregull. Njërin e ka marrë Salillari dhe prap nuk ka zëra kundër tij. Problemin e ka me të tretin që nuk po e gjen dot kush e ka marrë dhe herë i thonë e ka marrë Sandri, herë dikush tjetër afër Doktorit.

Ironia e fatit është se në këtë protestë çdo natë i vetmi “dezhurn” është djali i Fariut, siç njihet deputeti Balliu, babai i të cilit me Lulzim Bashën dhjetë vjet më parë kanë ndërtuar mbikalimin tek “Shqiponja”, i cili ka kushtuar po kaq sa kushton mbikalimi tek rrethrrotullimi i “Shqiponjës”. Biles e ka ndërtuar aq keq sa akoma nuk i është marrë përfundimisht në dorëzim.

Qeveria nga ana e saj ka hall tjetër. Ajo do deomos ta mbajë të lidhur PD me protestën e Astirit që kur ta zgjidhë problemin me ta, opozita të rrijë e të mendohet se çfarë u desh kjo histori. Prej fillimit duket se i vetmi i shqetësim i qeverisë, është si ti mbajë opozitarët në “Unazën e Re” dhe të vazhdojë punët e saj brenda Unazës.

I fundit hallexhi i kësaj proteste, është Erion Veliaj që duket sikur është i pari i gjithë hallexhinjve. Ai deri më sot ka gjetur shtëpi sociale për ata që preken nga prishjet dhe vullnetarë nga Tropoja, që i prishin vetë ndërtesat kundrejt përfitimit nga zhvillimi i ri i zonës. Më tej akoma ai po përpiqet të tërheqë gjithë betejën e opozitës mbi vete që po ashtu të ndjehet i fituar në fund kur të bëhet “Unaza”.

I vetmi që sillet cuditshëm me protestën është Lulzim Basha. Ai shkoi atje papritur, kur askush nuk e priste të ishte në krah të banorëve, ikën po aq papritur për pushimet e rregullta në Hollandë, dhe nuk dihet nëse do qëndrojë deri në fund, por e sigurt është që pa shkuar të tre fituesit e tenderave të Kunati, ai nuk ju ndahet.

Në këtë kaos interesash, ku banorët duan lekët e shtëpive, Basha pjesën e tenderave, qeveria projektin e “Unazës” dhe Bashkia lavdinë e betejës, protestën e mban gjallë vetëm qeveria, e cila akoma nuk është bërë gati ti prishë, pasi nuk ka mbaruar me sa duket letrat e pronave dhe lekët e rimbursimit. Dhe ndërkohë të gjithë bëjnë sikur rezistojnë për hallin e tyre.

Si, Rama dhe Basha, mund të vihen në provë për zgjedhje të lira?

20:10 Editorial

Varrmihësi i viktimave të Bashës

18:43 Editorial

“Lidhja e Pejës”, në dorë të Hashim Thaçit

20:50 Editorial

Në fillim ëmbëlsirat …

18:10 Editorial

PD nuk zgjedh dot më! PD-në e zgjedhin…!

18:31 Editorial

Ridvani nuk ka paguar tek Kunati!

20:41 Editorial

Relativizimi i së keqes!

20:45 Editorial

Berisha duke pritur një arkivol!

19:25 Editorial

Lufta e ftohtë mes opozitarëve, për kthimin në Kuvend

20:26 Editorial

Opozita le të marrë votat e protestuesve, Tirana të marrë Unazën

20:49 Editorial