Te fundit
Ivan Balliu: Po rikthehem, kam fituar besimin që më mungonte
1 Dhjetor 2018, 13:30Sport
TEMA
Ivan Balliu, më shumë se për formën që po kalon aktualisht, në Shqipëri është dëgjuar së fundmi për refuzimin që klubi i tij i ka bërë Kombëtares shqiptare për sa i përket shërbimeve të mbrojtësit të dalë nga akademia e Barcelonës.
Megjithatë, kjo duket se është një çështje që nuk e prek shumë mbrojtësin, pasi ai është shprehur se po gjen besimin dhe formën e munguar dhe se ndihet më mirë.
Në një intervistë për mediat franceze, Balliu ka folur në lidhje me formën që po kalon, duke qenë i bindur se shumë shpejt mund të rikthehet aty ku të gjithë presin dhe se po fiton besim.
“Trajneri i Metzit na kërkon shumë dhe gjithmonë hap videot e ndeshjeve dhe kujdeset shumë për detajet. Ai ka vënë rregull në skuadër dhe fakti që çdo gjë është në vendin e duhur, e hamë të gjithë së bashku na bën që të jemi më shumë si grup dhe riaftësimi bëhet më i lehtë.
Në verë unë doja të largohesha dhe të gjithë e dinë situatën time, por gjithsesi qëndrova dhe trajneri më dha mundësi që të luaja. Kam rifituar besimin dhe pak nga pak po kthehem aty ku duhet. Nuk e di çfarë mund të ndodhë në merkaton e janarit, por tani jam i përqendruar te Metzi dhe do të jem deri ditën që do të ketë diçka për të cilën mund të flas”, tha mes të tjerash Balliu.
Lini një Përgjigje
Më të lexuarat
24 oret e fundit
Javen e fundit
Blog Tema
