Te fundit
Shqiptarja që sfidoi FIFA-n me “shqiponjë”, mes 100 futbollisteve më të mira në botë
5 Dhjetor 2018, 10:46Sport
TEMA
Një futbolliste shqiptare ka marrë vlerësimet e specialistëve të mediave dhe ish-futbollisteve e trajnereve të njohura ndërkombëtare, duke u bërë pjesë e 100 futbollisteve më të mira në botë, në renditjen vjetore që publikohet për herë të parë nga “The Guardian”.
Bëhet fjalë për Kosovare Asllanin e cila pavarësisht se përfaqëson Suedinë në arenën ndërkombëtare, nuk i harron kurrë rrënjët e saj dhe ishte gati t’i hapte luftë edhe FIFA-s për festimin me shqiponjë.
Specialistët e “The Guardian” e kanë përzgjedhur në vendin e 95-të në renditjen e tyre, duke treguar se ajo është ringjallur pas kthimit në Suedi, ku luan me Linkoping. Megjithatë, kontributi i saj më i madh për këtë vit që po mbyllet mbeti ai me ekipin kombëtar të Suedisë, të cilin e ndihmoi duke shënuar gola me peshë që të kualifikohej për në Botërorin 2019.
Pikërisht festimi i golave me “shqiponjë”, pak javë pasi Shaqiri dhe Xhaka kishin bërë të njëjtën gjë në Botëror, e ktheu Asllanin në vëmendjen e mediave ndërkombëtare të cilat menduan se mos FIFA do të ndëshkonte edhe atë për këtë festim.
“E kam bërë gjithmonë dhe është festim normal, nuk është politik. E bëra edhe për nipin tim që po më shihte. Nëse në FIFA duan të më dënojnë, të më mbajnë paratë e rrogës”, ishte sfida e hapur e Asllanit, e cila sigurisht që nuk u dënua për atë gjest me të cilin kishte dashur të përshëndeste të gjithë shqiptarët.
1 komente në “Shqiptarja që sfidoi FIFA-n me “shqiponjë”, mes 100 futbollisteve më të mira në botë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk ka rendesi se cfare uniforme ke veshur, por eshte e rendesishme qe kurre te mos harrosh se cili eshte kombi yt.
Te vetmen gje qe kurre nuk do ti falja femijeve te mi eshte te mohonin rrenjet e tyre shqiptare. Per kete jam me fat, pasi ata jane me shqiptare se sa jam une. Mbase eshte e vertete ajo qe thuhet se “dardha do bjere nen dardhe”.
Urime Kosovares per vleresimin qe ka marre, por me shume per shqiponjen qe ka ne zemer.