Te fundit
"Zëri i Amerikës": Prapaskenat, çfarë po ndodh me propozimin për ambasadore të SHBA në Tiranë
4 Janar 2019, 20:17Politika
TEMA
Sipas ndihmësve në komisionin e senatit amerikan për çështjet e jashtme, kandidatura e zonjës Kathleen Ann Kavalec, e emëruar si ambasadore e SHBA në Tiranë, i është kthyer të enjten presidentit Donald Trump.
Zonja Kavalec u emërua nga presidenti Trump në korrik 2018 dhe qysh ajo kohë, kandidatura e saj ka qenë në pritje për t’u konfirmuar nga komisioni i senatit.
Zonja Kavalec, ishte parashikuar të dilte në një seancë në senat në muajin shtator, si pjesë e procesit të konfirmimit, por përfundimisht nuk dëshmoi dhe emri ishte hequr nga njoftimi për seancën.
Një javë para seancës emri i saj ishte përmendur në një artikull të gazetës Washington Examiner që kishte të bënte me komunikimet e një zyrtari të Departamentit të Drejtësisë me ish-agjentin britanik Christophet Steele. Steele u dorëzoi agjencive amerikane të zbulimit një raport për lidhje të mundshme të fushatës Trump me rusët.
Emri i zonjës Kavalec ende figuron në faqen e Shtëpisë së Bardhë si e emëruar për postin.
Sipas rregullave të Senatit, kur koha e pritjes për konfirmim i kalon të 30 ditët, kandidatura i kthehet presidentit, por komisioni i senatit mund ta anashkalojë këtë rregull me një votë konsensuale.
Kandidatura e zonjës Kavalec ka qenë një prej rasteve me pritjen më të gjatë për konfirmim nga ato që i janë paraqitur komisionit të senatit.
Nuk është e qartë se përse komisioni i senatit nuk e ka marrë në shqyrtim kandidaturën.(VOA)
4 komente në ““Zëri i Amerikës”: Prapaskenat, çfarë po ndodh me propozimin për ambasadore të SHBA në Tiranë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mendoj se kjo kandidature per ambasadore ne Tirane, mundet se kjo zonje te jete jo e besushme,mbasi ajo,nuk e di mire, mund te jete me origjine Ruse,dhe mund te behet nje perkrahese e rrotacionit Serbo-Ruse. Kam degjuar se ajo flete Rusishte.Keshtu qe senati Amerikan mund te kete kontradita per kete zonje ambasadore ne shqiperi,ne lidhje me ballkanin dhe me teje.
Po ne fact nuk mesuam ate cfare kryertikulli thote
Nuk na that ndonje gje te re ,sepse qe nuk eshte approvuar kete e dine te gjithe por CFARE PO NDODH nuk na e thate
S’duhet ambasador,mire do ishte te sillnin ndonje te FBI t’ju vinte hakut
Ky eshte nje skandal i radhes se drejtimit te D.Trump,pasi VOA nuk na thote qe ky rast eshte nje nder 40 ambasadoret e paemeruar ne te gjithe vendet e globit!Ndaj nuk ka perse behet çudi per kete rast!Ndoshta eshte e para here qe Shqiperia zhvillon per here te pare politikat e veta pa nderhyrjje e urdhera “ufosh”!