Studentët e Drejtësisë rifillojnë mësimin, dekani Hoxha: Ky semestër do mbyllet me sukses

Studentët e Fakultetit të Drejtësisë nisën sot mësimin në ambientet e gjimnazit “Petro Nini Luarasi”, në Tiranë.

Dekani i këtij fakulteti, Artan Hoxha, theksoi sot se “janë 38 klasa dhe mësimi do të zhvillohet në orën 14:00. Ndërkohë që do të ketë mësim të shtunën dhe të dielën nga mëngjesi deri në darkë”.

“Universiteti i Tiranës, Fakulteti i Drejtësisë ka detyrimin t’iu ofrojë studentëve realizimin e procesit mësimor. Është një vendimmarrje e senatit akademik, e rektoratit, e dekanatit të Universitetit të Tiranës, e të gjithë studentëve. Ne ashtu siç përkrahëm studentët në protestën e tyre në të drejtat që ata kanë, nga ana tjetër duhet të garantojmë që procesi mësimor të zhvillohet i rregullt”, nënvizoi dekani.

Në pamundësi, vijoi ai, për të zhvilluar mësimin në ambientet e Fakultetit të Drejtësisë kemi bashkëpunuar me Ministrinë e Arsimit dhe Sportit dhe kemi rënë dakord me një orar të rishkruar dhe në afatin qe të përmbyllin simestrin e parë me sukses dhe procesin mësimor ta zhvillojmë në gjimnazin “Petro Nini”.

“Edhe para disa vitesh kemi zhvilluar mësim në këtë gjimnaz, kur godina e Fakultetit të Drejtësisë ka qenë në rikonstruksion”, u shpreh dekani.

Sipas tij, numri i studentëve që duan të bëjnë mësim dhe që kanë interes për të vazhduar programin mësimor është i madh.

Dekani Hoxha tha se “kemi mirëkuptimin e pedagogëve për të zhvilluar mësim. Shpresojmë që edhe studentët që janë në ambientet e fakultetit të ndjekin këtë proces mësimor”.

Një studente thekson për ATSH-në se “mezi presim një sjellje në normalitet, ashtu si ka qenë”.

“Duhet të kishim filluar sezonin, por nuk është asgjë që s’mund të rregullohet”, – shprehet ajo.

Një tjetër studente thotë se “sot tamam si dita e parë e shkollës. Jemi goxha mbrapa, s’jemi akoma as te gjysma”.

Ndërsa një student shprehet se “jam 100% i sigurtë që mazhoranca janë persona që duan mësim. Për protestën isha dakord, por për ngujimin aspak”.

Jemi pak mbrapa, shton ai, është e nevojshme të shtyhet mësimi.

Prej disa ditësh ambientet e Fakultetit të Drejtësisë në Tiranë janë bllokuar nga një grup personash duke mos lejuar zhvillimin normal të mësimit. Pas kërkesës së studentëve për të vijuar mësimin në mënyrë që të mos humbasin vitin e ri shkollor, dekani Hoxha i çoi një kërkesë Ministrisë së Arsimit për t’i mundësuar ambiente për të zhvilluar mësimin.

Bashkia e Tiranës: PD mashtroi qytetarët, po shtojmë mënyrat e pagesës për parkingjet dhe lehtësojmë shërbimin

16:44 Sociale

Fluksi për aplikime, shtyhet vlefshmëria e kartave të identitetit deri më 31 dhjetor

13:20 Sociale

Krimi ushqimor do të ndëshkohet me burg, nis puna për ndryshim në kodin penal

10:36 Sociale

Rama njofton lajmin e mirë për studentët: Është shtyrë afati i aplikimit për punë

10:50 Sociale

Shahini në Komision: Katër nene në Ligjin e Arsimit të Lartë do ndryshojnë, ofrojmë zgjidhje e transparencë

10:31 Sociale

Vrasja në Zallbastar, Myftiu: Mungon jeta sociale, s’ka komunikim. Një vajzë 20-vjeçare, në moshën më vitale të mos bëjë asgjë, thjesht ka një bashkëshort

21:58 Sociale

Bashkim familjar në Itali? Duhet ta keni rrogën 8 mijë e 900 euro

21:53 Sociale

Merr leje për të ribërë çatinë, hedh themele për vilë brenda Kalasë së Elbasanit

21:06 Sociale

Rudina Magjistrari kritikon Bushatin dhe Shkullakun: Palo gazetarë që nuk bëni investigimin më minimal të rrjedhës së ngjarjeve, shkruani ca paçavure

18:06 Sociale

Kravatat, si kartvizitë për zemrën e një gruaje

17:08 Sociale