Te fundit
Manastirliu në Berat: Këtë vit nisin ndërtimin e maternitetit të ri
2 Shkurt 2019, 10:40Shëndeti
TEMA
“Këtë vit nis ndërtimi i maternitetit të ri të Beratit, një investim nga buxheti i shtetit”. Deklarata u bë nga Ministrja e Shëndetësisë dhe Mbrojtjes Sociale, Ogerta Manastirliu, gjatë inspektimit në spitalin rajonal të Beratit, ku pa nga afër një tjetër investim në proces, rehabilitimin e plotë të pediatrisë së këtij spitali.
“Jemi këtu për një lajm të shumëpritur për qytetarët e Beratit dhe zonave përreth, sepse kemi përfunduar projektin dhe këtë vit jetësohet premtimi i Qeverisë për të rehabilituar Maternitetin e Beratit“, tha Manastirliu.
Prej shumë vitesh nuk është vënë dorë në godinën që shërben si maternitet në spitalin e Beratit, e cila këtë vit do të rindërtohet dhe zgjerohet (2 kate), për ta kthyer në një maternitet modern për qarkun e Beratit.
“Në kuadër të politikave tona për përmirësimin e shërbimit për nënën dhe fëmijën, afër vendbanimit, pas ndërtimit të Maternitetit të ri të Korçës dhe Sarandës, këtë vit nisin investimet edhe në maternitetet e Lezhës, Kukësit, Pogradecit, Matit dhe Beratit”, tha Manastirliu.
Ministrja Manastirliu shpërndau dhe çekun e bebes për të porsalindurit në maternitetin e Beratit, ku deklaroi se 1700 prindër në të gjithë vendin kanë tërhequr bonusin e bebes vetëm për muajin Janar.
Me një procedurë të thjeshtë, pranë 37 sporteleve në çdo maternitet në vend, familjet që gëzohen me fëmijë, regjistrojnë të porsalindurit dhe përfitojnë menjëherë çekun e bebes, në vlerë 40.000 lekë për fëmijën e parë, 80.000 lekë për fëmijën e dytë, 120.000 lekë për fëmijën e tretë e në vijim.
1 komente në “Manastirliu në Berat: Këtë vit nisin ndërtimin e maternitetit të ri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
kush do shkoje pastaj te lind ne Berat?
Te rinjte qe mund ta bejne kete kane ikur o ministre! Kane marre rruget e Europes. Prisni gje siriane e afrikane te lindin ne Berat? Sepse vetem ata mund te vijne tani aty ne ate vend qe po shnderrohet ne shkretetire nga ikja e njerezve,. E pergjegjesi per kete gjendje ka edhe qeveria tende.