Te fundit
VIDEO: Ajaks magjik në Bernabeu, eleminon dhe turpëron Realin e Madridit!
5 Mars 2019, 22:52Sport
TEMA
Ajaksi ka bërë mrekullinë në ndeshjen e kthimit të fazës së 1/8-ve të “UEFA Champions League” përballë Realit të Madridit në “Santiago Bernabeo”.
Holandezët përmbysën humbjen e pësuar në takimin e parë ku u mposhtën me rezultatin 2-1, duke triumfuar në mënyrë spektakolare në fushën kundërshtare me rezultatin e thellë 1-4.
Një fitore magjike për të besuarit e trajnerit Ten Hag, të cilët zhvilluan një 90-minutësh spektakolar përballë Kampionëve të fuqi të këtij kompeticioni duke marrë një kualifikim mëse të merituar.
Ndërkohë, Reali vijon formën e tij skandaloze ku pas humbjeve në kampionat merr edhe një shuplakë të rëndë dhe në Champions League duke u eleminuar në mënyrë të turpshme nga Ajaksi.
Golat e fitores për Ajaksin në këtë takim u shënuan nga ana e Ziyech, Neres, Tadic dhe Shone, ndërsa golin e vetëm për Realin e shënoi Asensio.
Ndërkohë, në takimin tjetër Tottenhami është kualifikuar për në raundin tjetër duke eleminuar skuadrën e Borussia Dortmundit.
Anglezët triumfuan me rezultatin 0-1 në transfertë fal golit të shënuar nga ana e Kane, por kishin fituar dhe në takimin e parë me shifrat 3-0.
Më poshtë golat në takimin Real Madrid-Ajaks. (TemA)
Goli i shënuar nga Shone
Goli i shënuar nga Asensio
Goli i shënuar nga Tadic
Goli i shënuar nga Neres
Goli i shënuar nga Ziyech
Lini një Përgjigje
Më të lexuarat
24 oret e fundit
Javen e fundit
Blog Tema
