Te fundit
Komisioni Europian "shuplakë" Bashës dhe Kryemadhit, ndez sërish dritën jeshile: Në maj rekomandojmë hapjen e negociatave
2 Prill 2019, 14:42Politika
TEMA
Në muajin maj, Komisioni Europian do të rekomadojë hapjen e negociatave të anëtarësimit me Shqipërinë dhe Maqedoninë e Veriut.
Deklarata u bë ditën e sotme, nga Komisioneri për Zgjerimin, Johanes Hahn, gjatë punimeve të Komitetit Parlamentar të PE për Punët e Jashtme.
Takimi i sotëm ishte i një rëndësie të veçantë, pasi është i fundit përpara zgjedhjeve të Parlamentit Europian dhe si i tillë shërbeu për t’u dakordësuar mbi disa pika kyçe të politikës së jashtme të BE-së, përfshi zgjerimin, marrëdhënien me Kinën e Rusinë, krizën e refugjatëve nga Lindja e Mesme, etj.
Në pjesën e zgjerimin, i ftuar ishte Komisioneri Hahn, i cili në minutën 11:48:02 të videos së bashkangjitur http://www.europarl.europa.eu/ep-live/en/committees/video?event=20190402-0900-COMMITTEE-AFET&ms=1554195300 shprehet:
“Bashkimi Europian duhet të fokusohet në perspektivën afatgjatë të vendeve kandidate. Në Komision, në fund të majit do të prezantojmë progresraportet për vendet e rajonit (Ballkani Perëndimor), plus Turqinë. Pres, që mbi bazat e asaj që kemi parë, të bëjmë një rekomandim pozitiv për hapjen e negociatave të anëtarësimit me Maqedoninë dhe Shqipërinë”.
Pavarësisht situatës politike në Shqipëri, Komisioni Europian vlerëson se progresi i realizuar nga vendi ynë është i qëndrueshëm. “Në Ballkanin Perëndimor është bërë një progres shumë i rëndësishëm. Në afatgjatë, kur shohim arritjet, është e vërtetë që ka edhe hapa pas, por në afatgjatë vërejmë progres shumë të rëndësishëm në ekonomi, në sundimin e ligjit apo në procesin e ripajtimit”.
Duke folur për rëndësinë strategjike të rajonit tonë, Hahn pranoi se: “Në Ballkan, eksportojmë apo importojmë destabilitet. Arsyeja përse kjo ndodh është sepse niveli ekonomik i rajonit është ndjeshëm më i ulët se ai i Bashkimit Europian. Rritja e nivelit ekonomik, për të reduktuar këto disbalanca, është shumë i rëndësishëm për të ardhmen e Unionit. Shembujt pozitiv në fushën e ligjzbatimit duhet të na inkurajojnë, që të nxisim sa më shumë biznesmenë që të investojnë në këto vende, të kemi më shumë tregëti me ta, më shumë kompani apo filiale në Ballkan”.
Më tej, Hahn theksoi shembullin pozitiv të bashkëpunimit Ukrainë-Poloni, si bazë për vijimin e marrëdhënieve me Ballkanin. Sot, Polonia është shndërruar në një tutor të rëndësishëm, që udhëheq Ukrainën drejt sferën perëndimore, duke u shndërruar në kundërpeshë të ndikimit rus në vend.
Megjithatë, “pas rënies së komunizmit, Polonia dhe Ukraina kishin një nivel të ngjashëm ekonomik, por sot Polonia është një vend 5-6 herë më i pasur se Ukraina dhe ky gabim nuk duhet të ndodhë në rajon”.
Hahn u ndal edhe tek dialogu Prishtinë-Beograd, “I cili së fundmi ka pasur disa ngërçe”, por pavarësisht kësaj, Komisioneri theksoi se “më në fund është krijuar një kulturë për zgjidhjen e problemeve përmes dialogut. Sa herë ka një ngërç, homologët përkatës bisedojnë mes tyre, diçka që ishte plotësisht e pamendueshme deri disa vite më parë”.
Përmes pyetjeve nga publiku, Komisioni për Punët e Jashtme në PE theksoi se në mënyrë që vendet e Ballkanit të mos distancohen nga perspektiva e tyre europiane, Bashkimi Europian duhet të përmbushë angazhimet e tij dhe të dalë përtej ndasive të brendshme, duke shpërblyer përpjekjet e vendeve përkatëse.
Në këtë takim, një rol të rëndësishëm iu kushtuan edhe marrëdhënieve të Bashkimit Europian me Turqinë, Rusinë apo Kinën.
Përsa i përket influencës së padëshiruar të forcave të treta në Ballkan, Komisioni u dakordësua në pikëpamjen se avancimi i rrugës europiane është mekanizmi më i mirë për të kundështuar këto influenca.
Komisioni për Punët e Jashtme të Parlamentit Europian drejtohet nga David McAllister, deputet i CDU në Gjermani dhe nga anëtarët Dubravka Suica (EPP), Andi Kristea (S&D), Anders Vistisen (ECR) dhe Javier Permuy (GUE/NGL).
13 komente në “Komisioni Europian “shuplakë” Bashës dhe Kryemadhit, ndez sërish dritën jeshile: Në maj rekomandojmë hapjen e negociatave”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
A jeni ne terezi? Po ca shuplaka per keta? Kjo eshte arritje per Shqiperine dhe shqiptaret. Europianet i shohin politikanet shqiptar si klloun, qe englendisin popullin.
Ju lutem BE pranoni Ballkanin perendimor qe situata te qetesohet!
Le te hane “Molle” Zagaret e PD dhe te LSI.
Ca thoni keshtu??? Negociatat u hapen qe vjet… E kam degjuar vete te madhin Edi Rama kur uroi popullin ne ERTV…
Ha
Tironso-I paske pas veshet n’ven t’keq zotnija tate se Rama nuk ka thone se u happen negociatat, por ka thone se u shty hapja per n’qershor t’kti viti.
Pse muk jan hapur ala,sikur vjet Rama tha po na I kan hapur hahahaha,ky eshte prodhim lajmi I gazetes me nder e me thane TEMA kjo eshte shume e mbushur me budallece
Me fjalen e fundit,rrokjen e fundit “budalle-ce e tregove origjinen vicidolase e mender king.
O mbret i derrave, antaresimin ne BE e bene vetem lexhenda jote.
Jo shuplake, por grusht asgjesues per te gjithe tradhtaret e shkaterrimtaret e vendit. Drejtesia vonon por nuk mungon. Hani tani..sa te mbyteni në tē.
Dhe mos thoni se opozita nuk ka kontribut ne hapjen e negociatave!? Ne rast se opozita nuk do te bente kete veprim ekstrem te vetsakrifikimit, duke bere vetvrasje politike duke u vetperjashtuar nga parlamenti, te jeni te sigurte qe negociatat nuk do te hapeshin! Mjaftoi ky veprim ekstrem i kesaj opozite destruktive, qe perendimi te bindej perfundimisht per hapjen e negociatave . Ky veprim u krye nga ana e tyre, jo se vertet ne ishim plotesisht te gatshem per kete hap, por se Europa me kete veprim i beri karshillek politikes destruktive te opozites shqiptare , si edhe per ta carmartosur ate moralisht e politikisht ne veprimet e metejshme destruktive.
Do na e nxijn jetën dhe me përcaktimin e vitit të antarsimit. Në çdo etapë kemi parë llahtari si me statusin po dhe me hapjen e negociatave., e dim që finalja nuk është dhuratë.
Ne 20 vjet e fundit ne cdo rast qe Shqiperia ka qene prane nje arritje ne drejtim te NATO dhe EU , nje dore e zeze anti kombetare gotet shteti fuqishem ne cdo forme te mundshme per ta shtyr sa me shume. Sot kjo dore e zeze ka emra dhe fytyra se smund te fshihen me. I ka ardhur fundi aty qe kerkojne fundin …karma