Nënkryetari i partisë së Merkel (aleate e PD-së së Bashës): Ai (Basha) nuk duhet t’ia mbyllë dyert PD-së përgjithmonë

Nënkryetari i grupit parlamentar CDU/CSU në Bundestag, Johann Wadephul, ka dhënë një intervistë për Deutsche Welle, ku flet për Saimitin e Berlinit dhe zhvillimet politike në Shqipëri.

Ju  u takuat edhe me kryeministrin e Shqipërisë, Edi Rama. Kur mund të shpresojë Shqipëria të marrë “po”-në e grupit parlamentar CDU/CSU për çeljen e negociatave?

Ne jemi në pritje të rekomandimit të Komisionit të BE-së dhe ky do të na vijë pas zgjedhjeve evropiane. Prandaj, sipas gjasave, nuk do të jemi në gjendje që t’i organizojmë konstultat deri në qershor. Vendimi do të merret në shtator. Por parimisht u kemi thënë të gjitha vendeve të Ballkanit Perëndimor se janë pjesë e Evropës dhe se e kanë vendin në Bashkimin Evropian. Dhe, nëse Shqipëria i përmbush kushtet për çeljen e negociatave, edhe ne do ta japim votën tonë pozitive në Bundestagun gjerman, duke i mundësuar qeverisë gjermane që të votojë në nivel europian.

A i ka plotësuar Shqipëria kushtet për çeljen e negociatave?

Duhet të presim njëherë raportin e Komisionit të BE-së.  Unë këtë nuk e njoh. Duhet ta lexoj dhe të shoh situatën në vend. Unë konstatoj se bëhen përparime, por ka ende për të bërë në luftën kundër korrupsionit dhe ndërtimin e shtetit të së drejtës. Sot e kam të vështirë të jap një vendim. Prandaj them se duhet të ecet përpara. Kush dëshiron të hyjë në BE, duhet të afrohet me standardet europiane, dhe kjo nuk ka ndodhur ende në atë masën që ne e konsiderojmë të duhur. Por ka shumë shanse që të arrihet.

Shqipëria është momentalisht në një krizë ku është përfshirë edhe partia simotër e partisë suaj, PD-ja. A shihni ndonjë mundësi për ta zgjidhur krizën?

Zgjidhje ka gjithmonë. Zhvillimi aktual është i keq. Është problematike që PD-ja nuk mund të marrë pjesë në parlament me deputetët që janë zgjedhur në të vërtetë. Dikur ajo duhet të guxojë një fillim të ri. Unë besoj se është e rëndësishme që Shqipëria të gjejë veten. Prandaj u them partive pro-europiane që të arrijnë kompromise në nivel kombëtar dhe të vijnë së bashku në Evropë.

Mos është ky një apel për kolegët e partisë simotër, pra, për Bashën, që ai të marrë pjesë në zgjedhjet lokale?

Nuk do të dëshiroja të ndërhyja në raportet personale të PD-së në Shqipëri. Por dëshiroj ta inkurajoj atë të marrë pjesë në proceset politike. Ne nuk mund ta sjellim Shqipërinë në Bashkimin Evropian nëse forcat pro-evropiane qofshin ato pro-Rama, qofshin pro-Basha,  janë në konflikt me njëra-tjetrën. Duhet bërë një afrim në një farë mënyre. Sesi do të arrihet kjo, kjo do të vendoset në Shqipëri. Unë mund të them në drejtim të partisë simotër: mos u mbyllni përgjithmonë: Kush kalon portën për të dalë jashtë, duhet ta kalojë atë sërish për të hyrë brenda. Demokraci do të thotë komunikim, grindje, por edhe aftësi për kompromis. Pa kompromis nuk ka demokraci.

Bujar Kapexhiu: Rama do të iki, por nuk e lënë

10:23 Politika

“2084 – Fundi i botës”, rrëfehet shkrimtari i njohur algjerian: Ja reagimet e egra të islamikëve dhe pse jam futur në "listën e zezë"

10:20 Politika

Nard Ndoka: Tre porositë që i dha Gjermania Ramës, dhe që po na i fsheh

09:32 Politika

FOTOT tronditëse nga grushti i shtetit në Venezuelë

22:30 Politika

Ilir Meta: Mos shpresoni kot, me këtë situatë as vitin tjetër nuk na hapen negociatat

21:20 Politika

Situata politike në vend, Meta: Takohem me Ramën, kjo nuk është lojë të fortësh

21:08 Politika

Ilir Meta flet për krizën politike: Jemi në tehun e greminës, pasojat do jenë të paparashikuara. Dhe faji nuk është i opozitës, ju e dini kush është fajtor

20:31 Politika

Mungesa në samitin e Berlinit, Baton Haxhiu: Besueshmëria e Metës ka rënë dukshëm, të rishikojë pozicionin

18:38 Politika

Dash Shehi: I vetmi sukses i Lulzim Bashës, nxjerrja e deputetëve nga Parlamenti. Lista e Bashës? Gjë më për të qeshur nuk kemi parë ndonjëherë

17:55 Politika

“Italia, mbështetësi kryesor i rrugës evropiane të Shqipërisë”

16:45 Politika