Te fundit
Nuk mundi t'i mbijetonte plagëve të marra, ndërron jetë ushtaraku i dytë në Letoni. Kush ishte major Klodian Tanushi?
10 Maj 2019, 22:35Kronika
TEMA
Një lajm tjetër i dhimbshëm vjen nga Letonia. Major Klodian Tanushi nuk mundi që t’i mbijetonte plagëve të marra si pasojë e shpërthimit të një mine gjatë misionit në në Letoni. Tanushi ndërroi jetë mbrëmjen e sotme. Lajmi është bërë i ditur nga ministrja Olta Xhaçka.
“Një lajm tjetër i dhimbshëm vjen nga Letonia. Komandanti i kontingjentit shqiptar në misionin e NATO “Enhanced Forëard Presence”, major Klodian Tanushi humbi pak çaste më parë betejën e fundit me jetën.
Me zemër e me shpirt i gjendemi pranë familjes, bashkëshortes e tri fëmijëve në këtë ditë zije. Do t’ju mungojë atyre, por do të na mungojë të gjithëve ne që patëm fatin ta njohim. Do mbetesh përjetë në mendjen e zemrën tonë Klodi, miku ynë!”, shkruan Xhaçka.
Paraditen e së hënës që lamë pas, gjeti vdekjen edhe ushtarakja tjetër shqiptare, Zarife Hasanaj, e cila u përcoll sot për në banesën e fundit me nderime shtetërore si Dëshmore e Atdheut.
Kush është Klodian Tanushi?
Major Tanushi ka lindur në Dibër më 31 tetor 1980. Është i martuar dhe babai i tre fëmijëve.
Në vitin 1999 ka përfunduar shkollën e mesme profesionale “Nazmi Rushiti” në profilin Motorist Xhenerik. Nga viti 2000 deri në vitin 2003 ka ndjekur studimet në Akademinë Ushtarake.
Ka kryer kurse funksional EOD Niveli I-rë “Për asgjësimin e municioneve me eksploziv”.
Ka marrë pjesë ne kursin “EUFOR Mine Avvareness Instructor Course”.
Pas përfundimit të Akademisë është titulluar oficer dhe me urdhër nr.9628 datë 18.09.2003 ka marrë gradën e Nëntogerit. Në vitin 2006 ka marrë gradën e Togerit, në vitin 2010 ka marrë gradën e Kapitenit dhe në vitin 2017 ka marrë gradën e Majorit.
Gjatë karrierës së tij ushtarake ka kryer detyra si: Komandant Toge, Komandant Kompanie, Shef Seksioni, Specialist Operacionesh. Aktualisht me detyrë Komandant i Togës së pare të EOD.
Në 20.12.2018 është dërguar me mision në Operacionin Ushtarak të NATO-s në Riga, Letoni në përbërje të Grup-batalionit kanadez me detyrë Komandant i Kontigjentit shqiptar dhe përfaqësues i lartë ushtarak, me afat qëndrimi 6-mujor.
Gjatë karrierës së tij është vlerësuar me Medaljen e “Karrierës” nga Komandanti i Forces, Medaljen e “Shërbimit” nga Shefi i Shtabit të Përgjithshëm, Medalje shërbimi në Mision jashtë vendi si dhe Medaljen “Për pjesëmarrje në shërbime ndërkombëtare” nga Ministri i Mbrojtjes.
5 komente në “Nuk mundi t’i mbijetonte plagëve të marra, ndërron jetë ushtaraku i dytë në Letoni. Kush ishte major Klodian Tanushi?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ngushellime familjes!
ore tunjatjeta , me ke lufton Shqiperia ..?! Ngushellime per familjen e te ndjerit te pa fajeshem , pasi e tilla eshte politika e nje vendi qe me kujton ato c`ka jane te shkruara per Perandorine Osmane ..!
mercenaret vrasin dhe vriten no problem.
Nuk e paskemi ditur qe atedheu yne Shqiperia qenkerka kaqe e madhe ……..paskemi toka e prona deri ne Lituani !!!!!!!!!!!!
Tani ne Shqiperi me tri vite shkolle ne akademi arrin te behesh major (ushtarak i larte ) ??? Ne kohen tone te duhej nje “hale” shkolle duke filluar nga kadet e me rradhe qe te arrinje akademine e plus nje “hale” me vite sherbimi neper gerxhet e malet e Shqiperise qe te arrinje tek Majori si grade ………çudi e madhe ç’ben demorkarcia , te hedh me katapult nga zanatçi ne ushtarak major .