Te fundit
Siguria ushqimore, AKU: 42 viça nga Serbia në karantinë, bllokohen 24 ton kripë
18 Maj 2019, 13:49Sociale
TEMA
Autoriteti Kombëtar i Ushqimit, njëkohësisht me intensifikimin e kontrolleve në terren, vijon të kontrollojë me rigorozitet çdo ngarkesë me mallra ushqimor që hyn në territorin e Republikës së Shqipërisë nëpërmjet Pikave të Inspektimit Kufitar.
Nga kontrollet e ushtruara me date 17 maj 2019 rezulton se ngarkesa me kafshë të gjalla të ardhura nga Serbia (42 krerë viça për therje) në Pikën e Inspektimit Kufitar në Morinë u kontrollua për përputhshmërinë me kërkesat ligjore për masa mbrojtëse ndaj sëmundjes së Dermatozës Nodulare siç përcaktohen në Urdhrin Nr. 526, date 20.10.2016.
Referuar parashikimeve të këtij urdhri dhe në bashkëpunim me shërbimin veterinar rajonal, AKU vendosi mbajtjen e këtyre kafshëve të gjalla në regjim karantinor (21 ditë) përpara se të futen në proces therje.
Ngarkesa prej 24 ton kripë e ardhur nga Austria në Pikën e Inspektimit Kufitar Hani i Hotit për t’u përdorur për konsum human dhe industrinë ushqimore në Shqipëri u kontrollua për përputhshmërinë me kërkesat ligjore për parandalimin e çrregullimeve të shkaktuara nga pamjaftueshmëria e jodit në organizmin e njeriut (Ligji nr 9942 datë 26.06.2008, neni 6).
Gjatë kontrollit të dokumentacionit përkatës si dhe pas kontrollit fizik të ngarkesës ka rezultuar se certifikata e analizës dhe etiketa e produktit kripë, paraqesin nivelin e jodit më të ulët se kufiri i lejuar sipas përcaktimeve ligjore (nivel jo me të ulët se 40 mg jod dhe jo me të lartë se 60 mg jod për kg kripë).
Për këto arsye, AKU vendosi masën administrative “bllokim” produkti për sasinë prej 24 ton kripë dhe masa administrative “kthim në vendin e origjinës” së produktit. Subjekti po kryen veprimet e duhura me degën e doganës Shkodër për kthimin e produktit në vendin e origjinës.
Autoriteti Kombëtar i Ushqimin vijon pandërprerë kontrollet për të siguruar zbatimin e ligjit dhe mbrojtjen e jetës dhe shëndetit të konsumatorëve, si dhe shprehet e vendosur për të mos toleruar asnjë shkelje të ligjit në dëm të jetës së konsumatorëve.
2 komente në “Siguria ushqimore, AKU: 42 viça nga Serbia në karantinë, bllokohen 24 ton kripë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shqiperia importon kripe nga Austria? ?
Sa per vicat e dime qe Serbia I ka me bollek ?
Po c’eshte ku muhabet qe beni tregeti me Serbine ?
Ata jo vetem qe kane mallra te cilesise se dobet, por ata duke qene nje popull shume armiqesor ndaj nesh dhe me armiqesi paranojake, ata me mallrat e tyre duan te helmojne shqiptaret
ndaj duhet totalisht te ndalohen mallrat serbe
Absolutisht te mos lejohen azgje nga Serbia, —
Apo meqe kemi shoqerine e ngushte me Vucicin dhe duhet ti marrin mallrat e sita helmuese te qelbesirave serbe ?
Qekur erdhi ne krye te qeveris ky qelbesira e Vunoit, po na sjell ne Shqiperi qelbesirat e Serbise,
ndaj duhet hequr edhe me force nga pushteti ky sharlatani I Vucicit , qe te largojme njehere e mire serbovicet nga Shqiperia