Te fundit
Protesta pro Evropës: Marshime në Gjermani një javë para zgjedhjeve europiane
19 Maj 2019, 18:28Bota
TEMA
Një javë përpara se evropianët t`i drejtohen qendrave të votimit për zgjedhjet e Parlamentit Evropian, me dhjetëra mijëra vetë dolën në rrugët e Gjermanisë duke ngritur zërin e tyre në mbështetje të Evropës e duke dërguar në këtë mënyrë edhe një mesazh të fortë kundër nacionalizmit dhe ekstremit të djathtë.
Protestat janë organizuar në shtatë qytete të mëdha të vendit: në Berlin, Frankfurt, Hamburg, Këln, Lajpcig, Mynih dhe Shtutgart.
Disa prej pjesëmarrësve thanë se në këtë mënyrë kanë kërkuar të tregojnë mbështetjen e tyre për Evropën sepse druhen që Gjermania dhe i gjithë Kontinenti i Vjetër mund t’i rikthehen një kapitulli të errët të historisë.
“Gjyshet kundër të djathtës” e quajtën ata protestën dhe arsyeja, siç shpjegoi një organizatore, ishin rrëfimet e gjyshërve mbi jetën nën regjimin nazist. Por, edhe pse e mbështesin Evropën, mjaft demonstrues e bënë të qartë mendimin e tyre se Bashkimi Evropian duhet të reformohet nëse dëshiron të jetë i suksesshëm në të ardhmen.
BE-ja ka nevojë për ndryshim, thonë ata, neve na nevojitet një bashkëpunim më i fortë. Protestat në Gjermani po zhvillohen nën moton “Një Europë për të gjithë: zëri juaj kundër nacionalizmit”, me marshimet e mbështetura nga më shumë se 100 organizata të shoqërisë civile dhe parti politike.
1 komente në “Protesta pro Evropës: Marshime në Gjermani një javë para zgjedhjeve europiane”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
kur nuk je ne gjendje te ndertosh nje shtet te sakte ne vendin tend ku dhe i perket, si mund te ndertosh nje Europe te bashkuar ..? Personalisht dua qe i gjithe globi te jete i bashkuar dhe me te drejta te barabarta , te cilat ne kete te ashtuquajturen B.E. mjerisht , nuk ekzistojne ..!