INTERVISTA/ Astrit Patozi: S’ka aleancë me PS dhe PD, ja e vërteta e marrëveshjes me Lefter Kokën

Në studion e Top Talk, koordinatori i partisë më të re opozitare në vend, Astrit Patozi, theksoi se Bindja Demokratike nuk është për t’u mëshiruar dhe nuk është një zë i vogël, pasi në të kundërt PD nuk do të kishte interes që ta sulmonte atë më shumë se sa vetë qeverinë.

“Ne po garojmë, ata thonë se po u marrim njerëz. Le të vijnë edhe ata. Ne do marrim pjesën tonë”, u shpreh Astrit Patozi, duke nënvizuar se PD i ka lënë në një farë forme mbështetësit e saj në mes të rrugës.

I pyetur nëse do të mund të ketë një aleancë me PD, Patozi u përgjigj: “E para nuk mund të bëjmë koalicion me diçka që nuk ekziston. Mund të mendonim një koalicion të mundshëm me një forcë politike që është regjistruar në zgjedhje, por jo me një që thotë nuk do të ketë zgjedhje”.

Më tej Patozi shton se “Ne nuk kemi asnjë konsideratë. Ne duam që ky projekt i ri politik, të perceptohet të ndjehet nga njerëzit e të provohet”.

Por i ngacmuar se nëse Bindja Demokratike do të mund të bashkëpunojë me Partinë Socialiste, Astrit Patozi shprehet se forcën e tij politike nuk e lidh asgjë, e se janë rivalë.

“Bindja Demokratike nuk ka asgjë me PS dhe e ka kundërshtarin e saj kryesor. Nëse PD, na godet ne dhe jo PS, në këto momente është problem i tyre, jo i joni.

Nëse ata nuk do të merreshin me ne, ne nuk do të thoshim asnjë fjalë për PD dhe LSI. Kjo e dyta, nuk ka thënë asgjë, as kundër dhe as pro”, tha patozi.

Më tej Koordinatori i BD, theksoi se në “betejë” me PS, kjo e fundit i ka hequr nga lista një kandidat nga gara për kryetar bashkie. Sipas tij, tërheqja nga gara e kandidatit të tyre për Skraparin ka ardhur pas presioneve nga Partia Socialiste.

Patozi sqaron se partia e tij nuk ka pasur një, por dy deputetë të gatshëm për të firmosur që kjo forcë politike të garojë në zgjedhje.

“E kam marrën zotin Koka, për siguri. Sepse e dija që gjuetia e shtrigave ndaj Bindjes Demokratike do të vazhdonte dhe do të përdorej si një argument për të rrëzuar pjesëmarrjen e saj në zgjedhje. E kam marrë për rezervë. E falenderoj që pranoi.

Firma e zotit Noka për BD, nuk do të thotë se ai u bë me demokrat dhe unë u bëra i majtë. Ai vetëm ka dhënë një akses politik që kjo parti lejohet të garojë. Këtë mund ta bënte edh enjë socialist e nuk do të kishte asgjë të keqe”, sqaroi Patozi.

Ai mohon në mënyrë kategorike se kjo lëvizje të hyjë tek “pazari” politik.

“E para zoti Koka me qëndrimin e tij, që nuk dogji mandatin është shumë afër nesh, sepse nuk mendon se ikja nga zgjedhjet është zgjidhja e problemit, por përballja. Në këtë pikë takohemi”, tha Patozi.

Intervista e plotë

Gazetari: Në fakt sikundër paralajmërova, ju jeni akuzuar fort për paligjshmëri në procesin e legalizimit tuaj si forcë politike por njëkohësisht edhe për të gjithë procesin e regjistrimit në zgjedhjet e 30 Qershorit. A keni ju një përgjigje për këtë?

Astrit Patozi: Përgjigjja është e thjeshtë, ne i kemi kapur të gjitha afatet, megjithëse kemi qënë në ngushticën e kohës dhe nën presionin e kohës. Kemi kapur të gjitha afatet dhe kemi respektuar të gjitha ligjet e vendit për t´u regjistruar dhe për të garuar si parti politike në zgjedhjet e 30 Qershorit dhe kaq mund të them, s´kam ç´them më shumë. Gjithçka thuhet pastaj është thjesht ngutja e një force politike të vjetër e cila më shumë ka problem që ne po hyjmë në zgjedhje sesa që vetë nuk merr pjesë në to dhe ky është problemi me këtë lloj akuze.

Gazetari: Në fakt në një reagim që kam ndjekur këto ditë nga një prej juristëve të PD, në një prononcim publik të tij thuhej se juve nuk mund të jeni pjesë e procesit zgjedhor kur nuk jeni parti parlamentare, pasi deputeti që ju keni me vete në parlament nuk ka afatin 6 mujor që mund të cilësoheshit si parti parlamentare.

Astrit Patozi: Atëherë, edhe për këtë ne kemi dhënë një përgjigje zyrtare. Pra, ne kemi pasur jo një por dy deputetë të gatshëm që kanë firmosur që partia BINDJA DEMOKRATIKE të garojë në zgjedhje.

Gazetari: Është fjala për Z. Lefter Koka? Është i konfirmuar ky?

Astrit Patozi: Z. Lefter Koka është i konfirmuar sigurisht dhe po jua them juve për herë të parë që unë e kam marrë Z. Koka për siguri. Pra, se e dija që gjuetia e shtrigave ndaj BINDJES DEMOKRATIKE do të vazhdonte dhe do të përdorej si një argument për të rrëzuar pjesëmarrjen e saj në zgjedhje. E kam marrë për reserve pra Z. Koka të cilin unë e falenderoj që pranoi, dhe kur Z. Koka dha firmën për BINDJEN DEMOKRATIKE nuk do të thotë që ai u bë demokrat dhe unë u bëra i majtë. Absolutisht ai është në pozicionin e tij, ne jemi në pozicionin tonë.

Gazetari: Ai ka dhënë vetëm një akses momental?

Astrit Patozi: Ai ka dhënë një akses politik që kesaj partie i lejohet të garojë, këtë mund ta bënte edhe një socialist dhe nuk do të kishte asnjë të keqe por sigurisht unë nuk kisha asnjë arsye për ta kërkuar këtë.

Gazetari: Nuk mund të futet kjo tek koncepti i pazarit, le të themi jo moral?

Astrit Patozi: Absolutisht jo, kjo s´ka të bëjë fare. E para njëherë, Z. Koka meqëndrimin e tij që nuk dogji mandatin është shumë afër nesh sepse Z. Koka mendon që nuk është djegia e mandateve dhe ikja nga zgjedhjet ajo që e zgjidh problemin por është përballja dhe pjesëmarrja. Në këtë pikë ne takohemi. Sigurisht gjithccka tjetër ne mund ta kemi të ndryshme, por nuk ja vlen që të merremi me këto detaje, e rëndësishme është që partia BINDJA DEMOKRATIKE është conform ligjit në të gjitha aspektet e Kodit Zgjedhor. Dhe ne jemi krenar që në një kohë fare të shkurtër kemi kapur jo vetëm afatet, por edhe kriteret ligjore për tu regjistruar.

Gazetari:​ Kjo është pjesa ligjore, por na duhet të flasim edhe për pjesën politike dhe nga konteksti politik ka reaguar një nga ish deputetët demokratë, z.Sherefedin Shehu, i cili ka bërë një apel ndaj demokratëve që nuk duhet sulmuar BINDJA DEMOKRATIKE, pasi vjen si pjesë e së djathtës dhe ndoshta nesër Partia demokratike mund ta ketë aleaten e saj. Është ky një lloj afrimiteti, apo një lloj sinjali që dhe z.Shehu po vjen drejt BINDJES DEMOKRATIKE?

Astrit Patozi: Jo, ajo që ka thënë z.Shehu është një pyetje për të. Unë sigurisht që e falenderoj.

Gazetari: Mendova mos keni kontakte me të.

Astrit Patozi: Ne kemi kontakte dhe jemi miq shumë të mirë, por qëe ai nuk është pjesë e BINDJES DEMOKRATIKE. Nuk është deri tani, por mund të vijë nesër, ne i kemi dyert e hapura sepse ne jemi parti e lirisë. Në këtë kontekst, unë nuk ndaj të njëjtën pikëpamje me z.Shehu, sepse z.Shehu në një farë mënyre i ka bërë thirrje atyre që të mos eçojnë çmendurinë apo marrëzinë e tyre në ekstrem për shkak se nesër mund të na vijë puna që të bashkohemi prap dhe të gjitha keto akuza pastaj do ta rëndonin situatën. Në fakt ne nuk jemi për tu mëshiruar për një arsye të thjeshtë. Ne jemi shumë të fortë dhe të gjitha këto sulme nuk tregojnë gjë tjetër, vetëm fuqinë tonë. Pra, ne e konsiderojmë një lloj reklame falas sepse përndryshe ccfarë kuptimi ka. Në rast se ne ishim të vegjël, në rast se ishim të papërfillshëm, ccfarë interesi ka Partia Demokratike që merret duke na përgjuar vetëm ne? Nuk ka problem më qeverinë, por ka problem BINDJEN DEMOKRATIKE dhe sigurisht na bën nder.

Gazetari: Por në një kuptim Partia Demokratike​ do merret me ju pasi mund t’i merrni elektoratin.

Astrit Patozi: Po pse duhet të merret me ne? Si ia dëmtojmë elektoratin? Ajo elektoratin e ka braktisur, ka ikur nga zgjedhjet dhe njerëzit e vet në një farë mënyre i ka lënë në mes të rrugës. Tani ne po garojmë dhe ajo thotë po na merr njerëzit. Po të vijë dhe ajo dhe zgjidhet kjo punë. Ata do marrin pjesën e tyre, ne do marrim pjesën tonë dhe do ecim përpara.

Gazetari: Juve thoni që BINDJA DEMOKRATIKE nuk është një forcë politike që ka nevojë për mëshirë. Në fakt, në vetbesimin e deklaratave tuaja, unë pashë që ju nuik jeni të gatshëm që të bëni një koalicion, ose një bashkëpunim me Partinë Demokratike, e përjashtoni këtë?

Astrit Patozi: E para njëherë ne nuk mund të bëjmë koalicion me diçka që nuk ekziston. Ne mund të mendonim për një koalicion me një forcë politike, për shembull me ato që kanë regjistruar emrin për të marrë pjesë në zgjedhje politike, mund të konsiderohet, por jo me dikë që thotë që nuk do ketë zgjedhje.

Gazetari: A ka konsiderata për koalicione të ndryshme, të paktën në këto rrethana që jemi tani?

Astrit Patozi: Jo, ne skemi asnjë konsideratë. Ne duam që në këto zgjedhje të garojmë të vetëm, për një arsye të thjeshtë, sepse ne duam që ky projekt i ri politik të perceptohet, të ndihet nga njerëzit dhe të votohet, pra të provohet. Duam të provohemi.

Gazetari: Në një këndvështrim ndryshe, edhe pse është pak herët që tju pyes, por meqë po flasim për këtë çështjen e koalicioneve, në Shqipëri janë parë ngjizje nga më të ndryshmet. Më e çuditshmja është që LSI e së majtës ngjizet me PD e së djathtës, bashkëqeverisin, ndahen, pastaj bashkohen prap dhe sot janë bashkë prap. Mund të jetë BINDJA DEMOKRATIKE në një bashkëpunim politik me Partinë Socialiste?

Astrit Patozi: BINDJA DEMOKRATIKE s’ka asnjë lidhje më Partinë Socialiste dhe e ka kundërshtarin e saj kryesor. Në rast se ju shikoni se Partia Demokratike na godet ne dhe jo Partinë Socialiste në këto momente, është problemi i tyre, s’është i joni. Në rast se ata do merreshin me ne, ne nuk do thonim asnjë fjalë për Partinë Demokratike dhe Lëvizjen Socialiste për Integrim, e cila, kjo e dyta për hir të së vërtetës, nuk është ndier, nuk ka thënë asgjë as kundër as pro nesh. Tani ne e kemi fokusim me qeverinë dhe po godasim qeverinë, madje qeveria na kërcënoi dhe na hoqi një kandidat nga gara, gjë që është krejtësisht e papërfytyrueshme. Ne po merremi në mëngjes me Partinë Demokratike që na hedh në gjyq dhe na përgjon a po shkelim apo jo ligjin apo afatet dhe pasdite me Partinë Socialiste që na intimidon kandidatët.

​ Gazetari: Po mirë, në një farë mënyre temperim politik është edhe kjo.

Astrit Patozi: Por në rast se ata nuk do merreshin me ne, ne nuk do merreshim fare me ata. Ne kemi fokus qeverinë, ne kemi dalë përballë qeverisë për aq sa kemi mundur. Nuk kemi mundur dot dhe më vjen këq për këtë, që koha e shkurtër nuk na ka mundësuar të dalim përballë qeverisë në çdo bashki, në 61 bashki dhe jemi vetëm në 27 bashki sot që po flasim. Po të heqim Skraparin, jemi 26.

Gazetari: Do të doja t’ju pyesja në fakt sepse sot KQZ ka raportuar se ka filluar procesi i regjistrimit të kandidatëve deh të BINDJES DEMOKRATIKE kryesisht. Para se të ndalesha tek emrat e përveçëm, do të doja të dija se përse ndodhi tërheqja e kandidatit të Skraparit? Ju thoni se Partia Socialiste na sulmoi, na intimidoi, a mund ta dimë se si është kjo çështje?

Astrit Patozi: Po kandidati i Skraparit e mori me shumë entuziazëm garimin dhe mori përsipër të bënte një garë të mirë dhe të merrte një rezultat impresionues sepse kishte parë reagimin e njerëzve në dy-tre takimet e para. Papritur, një ditë vjen dhe thotë që unë nuk e vazhdoj dot garën, unë do tërhiqem sepse ashtu i kam rrethanat familjare e ku di unë. Ne kërkuam që të dinim cila ishte arsyeja, nga vinte presioni se që ishte presion, kjo ishte fare e qartë. Ai e bëri më të vështirë situatën sepse thoshte: “Aman mos më pyesni për këtëçështje.” Dhe të gjitha gjasat janë që kush ka interes që ai të ikë nga gara. I vetmi rival i tij ishte kandidati i Partisë Socialiste dhe ne kishim gjithë të drejtën e botës të thoshim që ai ishte kërcënuesi.

Gazetari:Pse kaq kërcënueshëm jeni politikisht sa mund të merni Skraparin, një bastion thellësisht i majtë?

Astrit Patozi:Jo, unë nuk e them këtë por Skrapari është një vend i vogël dhe atje ndoshta mund të vendosë emri i personit dhe jo partia, pra unë nuk them që BINDJA DEMOKRATIKE do të përmbyste Skraparin por ai djalë që ne kishim, që ishte një djalë shumë i mirë, emri i tij ndoshta thoshte diçka dhe ajo i ka bërë që të mos flenë gjumë rehat përfaqësuesit më të lartë të Rilindjes në Skrapar të cilët deshën ta asgjësonin pa hyrë në garë.

Gazetari: Praktikisht ju nuk do të keni një garues të dytë në Skrapar?

Astrit Patozi: Jo ne nuk mundemi, unë nuk e di do jetë KQZ ajo që do marrë vendim, ose ne do ngelemi bosh, ose që ai​ të vazhdojë të garojë, pra të ketë emrin aty edhe pse është tërhequr.

Gazetari: Një interes të veçantë ka gara e Tiranës, natyrisht që përballë Erion Veliajt duhet të jetë një rival i fortë, juve keni zgjedhur Arben Skënderin. ​

Astrit Patozi: Për ne është më i forti dhe ne kemi zgjedhur më të mirin.

Gazetari: Po pse mendoni kështu që ky është një rival i fortë?

Astrit Patozi: ​ Atëherë në qoftë se ju keni parasysh muskujt s´është ky rasti, në qoftë se keni parasysh lidhjet me katakombet e krimit nuk është ky rasti, nqs ju keni parasysh dikë të pasur, oligark nuk është ky rasti. Ne kemi zgjedhur më të mirin si model që do të thotë e kundërta e modelit të Rilindjes që do të thotë i sinqertë, i drejtpërdrejtë, i çiltër, i bardhë dhe ka një vizion të ri për Tiranën.

Gazetari: Do të doja tˊju pyesja pak, tani juve jeni një fakt politik në realitetin shqiptar edhe pse parti e re prej shumë pak kohësh. Kur ne kemi bërë një bisedë paraprake por do të doja tˊju pyesja nëse gjatë kësaj periudhe a ka prurje të reja në BINDJEN DEMOKRATIKE jo si anëtarësi por si element të cilët mund të bëjnë diferencën dhe mund të krijojnë një lloj identiteti?

Astrit Patozi: Sigurisht që jemi një fakt politik. Fakti ose është ose nuk është. (qesh). Prurje të reja ka dhe do të ketë akoma edhe më shumë por ne sigurisht jemi në turravrapin e kapjes së afateve, qe ka qënë një kalvar i tmerrshëm dhe nuk e di. Në rast se do ta dinim çfarë na priste, a do ta merrnim të njejtin vendim apo jo nuk jam i sigurt. Është një kalvar i tmerrshëm, në vend që ligji zgjedhor dhe KQZ-ja si institucioni përgjegjës të nxisin partitë apo njerëzit që të marrin pjesë në zgjedhje, bëjnë të kundërtën në fakt. Janë xhandarë të zgjedhjeve, rrinë presëin me pushkë kur po bën ndonjë gabim. Domethënë kjo është e padrejtë, nuk është puna që bëhet me kast kundër BINDJES DEMOKRATIKE, është një frymë e përgjithshme edhe e ligjit. Se ligji në fakt është një lloj insekticidi, është bërë për të goditur partitë e vogla, pra partitë e reja. Favorizon dukshëm dinosaurët e politikës, Partinë Socialiste dhe Partinë Demokratike. Por ne në këtë turravrap sigurisht që kemi prurje por që nuk jemi të gatshëm tani tˊi servirim për shkak se jemi në këtë moment. Sigurisht që në një moment të dytë ju do tˊi keni.

Gazetari: Ju thoni që ligji favorizon dy dinosaurët e politikës shqiptare dhe keni parasysh partitë e mëdha…

Astrit Patozi: Qartazi dhe është bërë qëllimisht!

Gazetari: Sigurisht, ajo që unë pyes dhe njerëzit pyesin, kanë dilemma ose kanë pikëpyetje është se si do ta mbroni ju votën tuaj në këtë rast? Do arrini dot ta mbroni votën tuaj? Si do të jetë çështja e përfaqësimit në Komisionin Zgjedhor ku PD dhe LSI kanë paraqitur kërkesat për vende në komision.

Astrit Patozi: Atëherë, ka vetëm një mënyrë për të mbrojtur votën, duke qënë present. Pra, aty ku vota numërohet aty ku vota administrohet.

Gazetari: A i keni kapacitetet për këtë gjë?

Astrit Patozi: Sigurisht që i kemi, ne i kemi që të jemi në çdo tavolinë numërimi përballë përfaqësuesve të qeverise dhe do e bëjmë këtë nëçdo bashki ku ne kandidojmë ose me kryetarë ose me këshilltarë.

Gazetari: Nëse PD dhe LSI paraqesin komisionerët? Kjo është një përplasje apo jo?

Astrit Patozi: Atëherë, ky është një absurd shumë i madh dhe kjo është një gjë që duhet ta zgjidhi njëherë e përgjithmonë dhe shumë shpejt, do doja, Komisioni Qëndror i Zgjedhjeve. Ka detyrim që tˊu thotë që ta mbyllni këtë histori sepse është e turpshme përveçse nuk është morale, por nuk është as ligjore dhe nuk është as politike. Pra të kërkosh të jesh arbitër i një gare ku ti nuk je pjesëmarrës është absurd, është e paimagjinueshme por ata po e bëjnë. Vetë Partia Demokratike, para disa ditësh nxiti një parti të vogël që të na hidhte ne në gjyq për të na çregjistruar. Pse? Me logjikën që pasi nuk ishte vetë pjesëmarrëse, gjeti një parti që ishte në listën e partive të regjistruara.

Gazetari: Vazhdon të jetë ajo padi?

Astrit Patozi: Jo, ajo u rrëzua, u rrëzua nga Kolegji Zgjedhor dhe mbaroi si histori. Pra PD para 10 ditësh e ka pranuar vetë që nuk mund të ishte e përfshirë në proces, kurse pas 10 ditësh duke menduar se po gjen ndonjë hapësirë apo ndonjë të çarë, kërkon të jetë pjesëmarrëse në një absurditet do të thoja. Sepse kur nuk je pjesë, je palë e painteresuar. Lëri të tjerët të numërojnë apo administrojnë votën sepse opozita reale po themi, në këto zgjedhje është BINDJA DEMOKRATIKE, e cila ka kandidatë më shumë se kushdo tjetër përballë qeverisë. Kaq e thjeshtë është.

LSI sulmon ndërkombëtarët: Pse nuk veni gishtin në plagë për krizën e tmerrshme politike në Shqipëri? Deklaratat tuaja na sollën deri në këtë ditë

15:23 Politika

SHËNIM: PD-në po e shkatërron Luli dhe jo Rudina Hajdari

13:20 Politika

Rrëfehet kandidati i Bindjes Demokratike për Tiranën: Garoj për kryebashkiak, sepse njerëzit duan alternativë

12:29 Politika

VIDEO/ Nis mbledhja e grupeve të punës Shqipëri-Kosovë, Fatmir Limaj: E rëndësishme që jemi bashkë, ja rezultatet e marrëveshjeve mbi tryezë

12:20 Politika

“Financial Times”: BE të hapë dyert për Shqipërinë, por a do jenë ata të kënaqur të mbeten të shpërndarë në 3 shtete

10:00 Politika

“S’vdes Shqipëria mo jo se ka burra”: Pensionistja i thur lavde Ramës, ja si përgjigjet kryeministri

11:55 Politika

Rama porosit të vetët: Askush mos të ketë iluzione, zgjedhjet më 30 qershor

11:25 Politika

FOTOT: 21-vjeçarja më e pasur në botë shkëlqen në të bardha

10:54 Politika

Tsipras: Rruga e Shqipërisë për në BE do jetë e mbyllur, nëse nuk respekton greket. Ia shpjegova dhe Ramës

10:45 Politika

Lulzim Basha nxin Shqipërinë në BBC: Nuk mund t’i bashkohet BE-së me gënjeshtra, me fabrikime, me zgjedhje të vjedhura, me krim e korrupsion, ne nuk kemi lënduar asnjë polic por numri 3 i PD-së u dhunua brutalisht

10:21 Politika