Pas dorëheqjes së Theresa May më 7 qershor, pritet të hapet një garë brenda Partisë Konservatore në pushtet për të sjellë një udhëheqës të ri në pushtet. Njoftimi erdhi pasi ligjvënësit e Mbretërisë së Bashkuar, refuzuan tri herë rradhazi, të votonin në favor të marrëveshjes së Brexit, që nga fillimi i vitit.

Kryeministrja May, tha se ajo kishte “bërë gjithçka” që mundi për të nderuar rezultatin e referendumit të vitit 2016 në BE. Por, me “keqardhje të thellë”, ajo nuk ishte në gjendje të dorëzonte Brexit dhe humbi mbështetjen e shumë individëve brenda partisë së saj.’’

Por kush pretendon të bëhet kryeministri i ri i Mretësisë së Bashkuar?

Ish-Ministri i Jashtëm Boris Xhonson shihet si i preferuari i libralistëve, pasi ka marrë nominime për një ofertë udhëheqëse nga ish-Sekretari i Mbrojtjes Gavin Williamson dhe ligjvënësi Tory Johnny Mercer. Xhonson ishte një nga figurat më të shquara të fushatës zyrtare Brexit në 2016, me tregjet e basteve që sugjeronin se ai ka një probabilitet 40% të nënkuptuar për të fituar vendin e punës.

Të tjerët kandidatë nga tregjet e basteve, përfshijnë ish Sekretarin e Brexit Dominic Raab, me një probabilitet prej 14% dhe sekretarin e Mjedisit Michael Gove së bashku me sekretarin e Jashtëm Jeremy Hunt, me një probabilitet 7% secili.

Mundësia e Sekretarit të Zhvillimit Ndërkombëtar Rory Stewart dhe Sekretarit të Mbrojtjes Penny Mordaunt për të siguruar këtë rol qëndron në 4%, ndërsa Sekretari i Shtetit Sajid Javid i është dhënë një shans prej 3%.

Por çfarë ndodh me Britaninë e Madhe me një kryeministër të ri në krye?

Ekonomia e pestë më e madhe në botë ende ballafaqohet me një sërë mundësish kur është fjala për Brexit, duke përfshirë një dalje të rregullt me një marrëveshje, apo një dalje pa marrëveshje, zgjedhje të përgjithshme ose një referendum të dytë që mund të ndryshojë në fund të fundit votën e vitit 2016 për t’u larguar nga blloku .

Partia e Punës ka bërë thirrje shpesh për zgjedhje të përgjithshme për të vendosur të ardhmen e vendit por lideri,Jeremy Corbyn shtyu, edhe një herë votimin kombëtar të premten në mëngjes.

Për disa, pa marrëveshjen e tërheqjes së Brexit, perspektiva e Britanisë që vuan një dalje të çrregullt nga Bashkimi Evropian, tani duket të jetë një rezultat më i mundshëm. Data zyrtare e largimit të Britanisë dhe Irlandës së Veriut nga Bashkimi Evropian është 31 tetor 2019.