Trump: Anulova sulmin ndaj Iranit për të shmangur humbje jetësh

Presidenti amerikan Donald Trump tha të premten ai kishte anuluar një sulm ajror kundër Iranit, sepse një kundërpërgjigje e tillë ndaj rrëzimi nga Teherani të një droni amerikan do të kishte shkaktuar një humbje jetësh që nuk do të ishte në përpjestim me aktin iranian.

Në një seri komentesh në Twitter të premten, zoti Trump tha se sanksionet ekonomike amerikane kundër Iranit kanë pasur ndikim dhe se të enjten vonë u vendosën sanksione të reja në kundërpërgjigje të rrëzimit të avionit amerikan pa pilot nga një raketë iraniane tokë-ajër.

Presidenti Trump tha se plani ishte për të goditur tre objekte të ndryshme në përgjigje të rrëzimit të dronit, por iu tha se kjo do të rezultonte në vdekjen e 150 njerëzve.

“Dhjetë minuta para goditjes e ndala; nuk ishte në përpjestim me rrëzimin e një avioni pa pilot. Unë nuk ngutem. Ushtria jonë jonë është tashmë e rindërtuar, e re dhe e gatshme, deri tani më e mira në botë,” shkruante zoti Trump.

Më parë të premten, zyrtarët iranianë i thanë agjencisë së lajmeve Reuters se Teherani kishte marrë një mesazh nga Presidenti Trump ku paralajmërohej se një sulm amerikan ishte i afërt, por ku thuhej gjithashtu se Presidenti amerikan ishte kundër luftës dhe donte bisedime për një varg çështjesh.

Një zyrtar iranian tha se përgjigjja e menjëhershme e Iranit ishte se “varet nga Udhëheqësi Suprem (Ajatollah Ali) Khamenei për të vendosur në lidhje me këtë çështje.”

Një zyrtar i dytë iranian tha: “Ne e bëmë të qartë se udhëheqësi është kundër çdo bisedimi, por mesazhi do t’i përcillej atij gjithsesi për të marrë një vendim. Megjithatë, u thamë zyrtarëve të Omanit se çdo sulm kundër Iranit do të kishte pasoja rajonale dhe ndërkombëtare”.

Irani e rrëzoi dronin pas disa javë tensionesh në klimën e një vale sulmesh ndaj cisternave në rajonin e Gjirit.

Në reagimin e tij fillestar të enjten, zoti Trump tha se avioni pa pilot mund të ishte rrëzuar gabimisht nga dikush që ishte duke vepruar “në mënyrë të papërgjegjshme”.

Incidenti shtoi shqetësimet globale për një konfrontim ushtarak të drejtpërdrejtë mes dy armiqve të vjetër.(voa)

BE: Marrëveshja e Brexit nuk rinegociohet

16:30 Bota

BE rrit presionin ndaj Rusisë për zbardhjen e hetimit të MH17

13:28 Bota

Shkrihet akulli në Himalaje, shkencëtarët ngrenë alarmin: Sinjal shkatërrues

12:42 Bota

Tensionet në rritje, Rusia shkel hapësirën ajrore të Japonisë

11:59 Bota

Ndikimi i komunitetit LGBTQ të Hollivudit për zgjedhjen e presidentit amerikan dhe beteja e egër për të siguruar mbështetjen e tyre

14:24 Bota

FOTO LAJM: Merkel e Macron për “jetë nate”, për të zgjidhur “hallet” e BE

11:22 Bota

BE ende e pafuqishme për caktimin e posteve drejtuese

10:54 Bota

Pa para, pa ekspertë dhe pa zyra: Brenda partisë kryesore në Gjermani, që tronditi Europën

10:51 Bota

FOTOT: Njihuni me dronin 180 mln dollarësh të SHBA që u rrëzua nga Irani

10:23 Bota

Samit i të pashpresëve dhe të paaftëve për vendime

09:37 Bota